Heydər Əliyev
yeni azerbaycan logo

Ana səhifə / YAP xəbərləri / YAP Samux rayon təşkilatı gənclərlə və ilk dəfə səs verən seçicilərlə görüş keçirib

YAP Samux rayon təşkilatı gənclərlə və ilk dəfə səs verən seçicilərlə görüş keçirib

20.12.2014 [12:35]

Dünən Yeni Azərbaycan Partiyası (YAP) Samux rayon təşkilatı gənclərlə və ilk dəfə səs verən seçicilərlə görüş keçirib. Tədbirdə YAP Siyasi Şurasının üzvü, Milli Məclisin deputatı Rafiq Məmmədhəsənov, YAP Mərkəzi Aparatın məsul işçisi Rafael Gülməmmədov iştirak edib.
Tədbiri giriş sözü ilə açan YAP Samux rayon təşkilatının sədri Gündüz Bayramov bildirib ki, qələbələr partiyası olan YAP bu seçkilərə də üstün nüfuzunun və yüksək ictimai dəstəyin fonunda gedir. Gündüz Bayramov Yeni Azərbaycan Partiyasının Samux rayon təşkilatı tərəfindən bələdiyyə seçkiləri ilə əlaqədar rayon üzrə 23 bələdiyyəyə 191 nəfərin irəli sürüldüyünü, bunlardan 73 nəfərin gənclər olduğunu vurğulayıb: “Şübhəsiz ki, Samux rayonunun seçiciləri yüksək aktivlik nümayiş etdirərək bələdiyyə seçkilərində də partiyamızın irəli sürdüyü namizədləri dəstəkləyəcəklər”.
Daha sonra çıxış edən YAP Siyasi Şurasının üzvü, Milli Məclisin deputatı Rafiq Məmmədhəsənov deyib ki, keçirilən görüşlər onu deməyə əsas verir ki, seçicilər qarşıdan gələn bələdiyyə seçkilərinə böyük ruh yüksəkliyi ilə gedirlər: “Yeni Azərbaycan Partiyasının Sədri, Prezident İlham Əliyevin rəhbərliyi ilə həyata keçirilən siyasət nəticəsində vətəndaşlar gələcəyə nikbin baxırlar. Ona görə də əminliklə demək olar ki, YAP bu seçkilərdə də qələbə qazanacaq”.
YAP Mərkəzi Aparatının məsul işçisi Rafael Gülməmmədov ümidvar olduğunu deyib ki, partiyamız tərəfindən irəli sürülmüş namizədlərimiz qələbə qazanaraq rayonun və yaşayış məntəqələrinin rifahı naminə əllərindən gələni əsirgəməyəcəklər: “İnanıram ki, bu seçkilərdə də Azərbaycan cəmiyyəti YAP-ın namizədlərinə etimad göstərəcək”.
Tədbirdə çıxış edən YAP Samux rayon təşkilatının Gənclər Birliyinin sədri Rəşad Qarayev vurğulayıb ki, bələdiyyə seçkilərində seçicilər düzgün seçim edərək rifah və quruculuq naminə Yeni Azərbaycan Partiyasının namizədlərinə səs verəcəklər.
Tədbirin sonunda bələdiyyə üzvlüyünə gənc namizədlərdən Günel Məmmədova və Orxan Əliyev çıxış ediblər. Onlar seçiciləri Azərbaycanın daha da inkişafı və çiçəklənməsi naminə YAP-ın namizədlərinə səs verməyə çağırıblar.
Nurlan QƏLƏNDƏRLİ

Paylaş:
Baxılıb: 890 dəfə

Xəbər lenti

Hamısına bax

Xəbər lenti

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30