Füzuli sakinləri daima Bahar Muradovanı dəstəkləyib və bundan sonra da bu dəstəklərini davam etdirəcəklər

Bakı:

15°C

72%

3m/s

AZ RU EN

Ana səhifə / YAP xəbərləri / Füzuli sakinləri daima Bahar Muradovanı dəstəkləyib və bundan sonra da bu dəstəklərini davam etdirəcəklər

Füzuli sakinləri daima Bahar Muradovanı dəstəkləyib və bundan sonra da bu dəstəklərini davam etdirəcəklər

19.10.2015 [10:15]

YAP-ın 84 saylı Füzuli Seçki Dairəsindən deputatlığa namizədi, Milli Məclisin sədr müavini, partiyanın İdarə Heyətinin üzvü Bahar Muradovanın seçiciləri ilə görüşləri davam edir. Oktyabrın 16-da Füzuli rayon 4 saylı Zobucuq qəsəbəsində keçirilən görüşdə çıxış edən YAP Füzuli rayon təşkilatının sədri Almaz Həşimova namizədin geniş fəaliyyəti və tərcümeyi-halı barədə görüş iştirakçılarına məlumat verib. Təşkilatın sədri və Bahar Muradovanın vəkilləri öz çıxışlarında növbəti parlament seçkilərini böyük siyasi və əlamətdar hadisə kimi dəyərləndirərək Azərbaycanın bugünkü həyatında onun əhəmiyyətini xüsusi qeyd ediblər.
Seçici Nicat Hüseynov çıxış edərək ölkəmizin yüksək inkişafından, Prezident İlham Əliyevin məcburi köçkünlərə olan diqqət və qayğısından danışıb, hər kəsi Prezident İlham Əliyevin Sədri olduğu YAP-ın namizədlərinə səs verməyə çağırıb. Qəsəbə sakinləri Cəmilə İsgəndərova, Tamilla Rzayeva, Cəmalə Məmmədova və Gülər Nəsirova Bahar Muradovanın hər zaman rayon sakinlərinin problemlərinin, eləcə də sosial məsələlərin həll olunmasında göstərdiyi xüsusi diqqət və qayğıya görə minnətdarlıqlarını bildiriblər. Çıxışçılar qeyd ediblər ki, Füzuli sakinləri daima Bahar Muradovanı dəstəkləyib və bundan sonra da bu dəstəklərini davam etdirəcəklər.
Daha sonra çıxış edən Bahar Muradova görüşə gəlmiş bütün seçicilərə təşəkkürünü bildirərək, onları hər zaman layiqincə təmsil etdiyini və bundan sonra da seçiləcəyi təqdirdə istər parlamentdə, istərsə də dünyanın ən yüksək tribunalarında təmsil edəcəyini bildirib. Ölkəmizin Ümummilli lider Heydər Əliyevin hakimiyyətə gəlməsindən sonrakı inkişafından danışan Bahar Muradova bu gün Ulu öndərin layiqli davamçısı, YAP-ın Sədri cənab İlham Əliyevin apardığı daxili və xarici siyasətin uğurundan bəhs edib. Bu gün Azərbaycanda vətəndaşların seçmək və seçilmək hüququnun təmin olunduğunu vurğulayan B.Muradova seçicilərin yüksək seçki mədəniyyətindən və onların bütün seçkilərdə apardıqları fəallıqdan razılığını bildirib. YAP-ın yenidən namizədliyini irəli sürməsinin onun üçün nə qədər şərəfli və məsuliyyətli olduğunu deyən Bahar Muradova partiyamızın Sədri, Prezident İlham Əliyevə bu etimada görə təşəkkürünü bildirib.
Tədbirdən sonra Bahar Muradova seçiciləri qəbul edib və onların təkliflərini dinləyib.

Paylaş:

Baxılıb: 641 dəfə