Heydər Əliyev
yeni azerbaycan logo

Ana səhifə / YAP xəbərləri / Yeni Azərbaycan Partiyası Sədərək rayon təşkilatının Şura iclası keçirilib

Yeni Azərbaycan Partiyası Sədərək rayon təşkilatının Şura iclası keçirilib

16.01.2018 [10:09]

Yeni Azərbaycan Partiyası (YAP) Sədərək rayon təşkilatında 2017-ci ilin yekunları, görülmüş işlər və qarşıda duran vəzifələrlə bağlı keçirilən Şura iclasında təşkilatın sədri, Naxçıvan Muxtar Respublikası Ali Məclisinin deputatı Arif Qasımov məruzə edib. Bildirilib ki, Yeni Azərbaycan Partiyası yarandığı gündən öz siyasi xəttinə sadiqliyi, xalq, dövlət qarşısında xidmətləri, ölkəmizin bir-birini əvəzləyən uğurları ilə cəmiyyətdəki mövqeyini daha da möhkəmləndirib, ümumxalq partiyası olduğunu təsdiqləyib.
Arif Qasımov deyib ki, Yeni Azərbaycan Partiyasının Sədri, Azərbaycan Respublikası Prezidenti İlham Əliyevin rəhbərliyi ilə ölkədə hər bir sahədə dinamik inkişafa nail olunub: “Bu sahədə işlərin məntiqi davamı olaraq Muxtar Respublika ilə yanaşı, bölgələrdə, xüsusi ilə ucqar sərhəd rayonu Sədərəkdə abadlıq-quruculuq işləri yeni mərhələyə qədəm qoyub, böyük lahiyələri uğurla həyata keçirir”.
Qeyd olunub ki, 2017-ci ilin hesabat dövründə Yeni Azərbaycan Partiyası Sədərək rayon təşkilatı rayonda hərtərəfli sosial-iqtisadi inkişafın təmin olunmasında, aparılan abadlıq-quruculuq, yaşıllaşdırma tədbirlərinin geniş vüsət almasında, qarşıda duran vəzifələrin yerinə yetirilməsində partiyanın üzvləri fəallıq nümayiş etdiriblər. Hazırda Yeni Azərbaycan Partiyası Sədərək rayon təşkilatında üzvlərin ümumi sayı 1505 nəfərə çatıb. Onlardan qadınlar 290 nəfər, gənclər 373 nəfər olub. 2017-ci il ərzində partiya sıralarına 50 nəfər qəbul edilib. Qəbul edilənlərin ümumi tərkibində qadınlar 16 nəfər, gənclər 45 nəfər təşkil edir.
Bütövlükdə, hesabat dövrü ərzində Yeni Azərbaycan Partiyası Sədərək rayon təşkilatında 4 Şura, 12 İdarə Heyətinin yığıncağı keçirilib.
Qeyd edilib ki, 2017-ci ildə partiya sıralarına qəbulda keyfiyyət tərkibinin yaxşılaşdırılmasına, xususilə gənclərin Yeni Azərbaycan Partiyasına qəbul edilməsinə diqqətin artırılması prinsipinə əməl edilib.
Arif Qasımov iclasın yekununda 2018-ci ildə qarşıda duran vəzifələr barədə də məlumat verib.
Tədbirdə rayon təşkilatı Qadınlar Şurasının sədri Vüsalə Əliyeva, Gənclər Birliyinin sədri Polad Rzazadə, Sədərək kənd ərazi ilk partiya təşkilatının sədr müavini Gülnarə Hüseynova və Qaraağac kənd ərazi ilk partiya təşkilatının sədri Ayaz Əliyev də çıxış ediblər.

Paylaş:
Baxılıb: 680 dəfə

Xəbər lenti

Hamısına bax

YAP xəbərləri

İqtisadiyyat

Siyasət

Siyasət

Mədəniyyət

MEDİA

Analitik

Ədəbiyyat

Sosial

İqtisadiyyat

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30