Ağstafa rayonunda seçicilərlə görüş-mitinq keçirilib

Bakı:

29 °C

40 %

0 m/s

Əlaqə

AZ RU EN

Ana səhifə / YAP xəbərləri / Ağstafa rayonunda seçicilərlə görüş-mitinq keçirilib

Ağstafa rayonunda seçicilərlə görüş-mitinq keçirilib

27.03.2018 [10:42]

Bütün bölgələrdə olduğu kimi, Ağstafa rayonunda da Yeni Azərbaycan Partiyasının (YAP) prezidentliyə namizədi cənab İlham Əliyevin təbliğat-təşviqat kampaniyası uğurla həyata keçirilir. Kampaniya çərçivəsində Ağstafa şəhər stadionunda seçicilərlə görüş-mitinq keçirilib. Tədbirdə Milli Məclisin deputatı, akademik Nizami Cəfərov, Azərbaycan Neft və Sənaye Universitetinin rektoru Mustafa Babanlı, YAP Siyasi Şurasının üzvü, “İki sahil” qəzetinin baş redaktoru Vüqar Rəhimzadə, Azərbaycan Güləş Federasiyasının I vitse-prezidenti Firdovsi Umudov və YAP Mərkəzi Aparatının məsul işçisi Rafayıl Gülməmmədov iştirak ediblər.
Tədbiri giriş sözü ilə açan YAP Ağstafa rayon təşkilatının sədri Ramiz Tatarov ötən 15 il ərzində dövlət başçısı İlham Əliyev tərəfindən görülən işlər barədə ətraflı məlumat verib. O bildirib ki, ölkəmizdə analoqu olmayan inkişafın təməli Ümummilli liderimiz Heydər Əliyev tərəfindən qoyulub. Bu gün Ümummilli liderin siyasi kursu ölkə başçısı İlham Əliyev tərəfindən uğurla davam etdirilir. R.Tatarov Ağstafa seçicilərini ən layiqli namizəd olan İlham Əliyevə səs verməyə çağırıb: “Əminəm ki, seçicilərimiz Azərbaycanı inkişafa aparan, Prezident İlham Əliyev tərəfindən uğurla həyata keçirilən Heydər Əliyev siyasətinə səs verəcəklər”.
YAP Siyasi Şurasının üzvü, “İki sahil” qəzetinin baş redaktoru Vüqar Rəhimzadə YAP tərəfindən prezidentliyə namizədliyi irəli sürülmüş İlham Əliyevin uğurlu siyasi strategiyasından və bunun ölkəmiz üçün müsbət nəticələrindən bəhs edib. O qeyd edib ki, ölkəmizin dinamik iqtisadi inkişafı vətəndaşların maddi rifah halının yaxşılaşmasına səbəb olub: “Prezident İlham Əliyevin xalqımız qarşısındakı xidmətləri misilsizdir. Mən sizin hamınızı aprelin 11-də keçiriləcək prezident seçkilərində YAP-ın namizədi, dövlət başçısı İlham Əliyevə səs verməyə çağırıram”.
Milli Məclisin deputatı, akademik Nizami Cəfərov isə qeyd edib ki, dövlət başçısı 15 il bundan öncə xalqı qarşısında verdiyi bütün vədlərə layiqincə əməl edib: “Regionların Sosial-İqtisadi İnkişafı” Dövlət proqramlarına uyğun olaraq regionlarda yeni iş yerlərinin, təhsil, səhiyyə və mədəniyyət ocaqlarının açılması sürətli xarakter alıb. Bölgələrin sürətli inkişafı üçün nəzərdə tutulan Dövlət proqramları və müvafiq layihələr ardıcıl olaraq həyata keçirilir”.
Çıxış edən Azərbayan Neft və Sənaye Universitetinin rektoru Mustafa Babanlı və Azərbaycan Güləş Federasiyasının I vitse-prezidenti Firdovsi Umudov da son 15 il ərzində ölkəmizdə həyata keçrilən uğurlu siyasətdən danışaraq seçiciləri 11 aprel seçkilərində bu siyasətin davamına - cənab İlham Əliyevə səs verməyə çağırıblar.
Görüşdə çıxış edən rayon sakinləri 11 apreldə xalqımızın alternativsiz lideri olan cənab İlham Əliyevə səs verəcəklərini bildiriblər.
Tədbir konsert proqramı ilə davam edib.

Paylaş:

Baxılıb: 719 dəfə