Azərbaycan Prezident İlham Əliyevin rəhbərliyi ilə möhtəşəm nailiyyətlər qazanıb

Bakı:

26 °C

57 %

7 m/s

Əlaqə

AZ RU EN

Ana səhifə / YAP xəbərləri / Azərbaycan Prezident İlham Əliyevin rəhbərliyi ilə möhtəşəm nailiyyətlər qazanıb

Azərbaycan Prezident İlham Əliyevin rəhbərliyi ilə möhtəşəm nailiyyətlər qazanıb

27.03.2018 [10:43]

YAP Qaradağ rayon təşkilatı cənab İlham Əliyevin təbliğat-təşviqat kampaniyası çərçivəsində növbəti görüşləri rayonun Ümid və Lökbatan qəsəbələrinin seçiciləri ilə keçirib
Yeni Azərbaycan Partiyasının (YAP) Qaradağ rayon təşkilatı aprelin 11-də keçiriləcək prezident seçkilərində Yeni Azərbaycan Partiyasının namizədi cənab İlham Əliyevin təbliğat-təşviqat kampaniyasını uğurla davam etdirir. Kampaniya çərçivəsində növbəti görüşlər Qaradağ rayonunun Ümid və Lökbatan qəsəbələrinin seçiciləri ilə keçirilib. Görüşlərdə çıxış edən rayon təşkilatının sədri, Milli Məclisin deputatı Aydın Hüseynov YAP-ın namizədi cənab İlham Əliyevin misilsiz xidmətləri barədə geniş məlumat verib. Millət vəkili deyib ki, Azərbaycanın son 15 ildə əzəmətli inkişafı Prezident, YAP Sədri İlham Əliyevin adı və həyata keçirdiyi siyasətlə bağlıdır. Onun sözlərinə görə, cənab İlham Əliyev ötən müddət ərzində Öz fəaliyyəti ilə hər bir azərbaycanlının Prezidenti olduğunu təsdiq edib. Prezident İlham Əliyevin rəhbərliyi ilə son 15 il ərzində Azərbaycan böyük və şərəfli inkişaf yolu keçib, möhtəşəm tarixi nailiyyətlər qazanıb: “Dövlətimizin qüdrəti artıb, ölkənin siması bütünlüklə dəyişib, insanların həyatı yaxşılaşıb. Cənab İlham Əliyevin 2003-cü ildə verdiyi bütün vədlər real həyatda öz əksini tapıb. Cənab İlham Əliyev ölkəmizə rəhbərlik etdiyi illər ərzində Azərbaycan dünyada ən sürətli iqtisadi inkişaf tempinə malik olan, vətəndaşlarının sosial problemlərini həll edən, insanların həyat standartlarının sürətlə yüksəldiyi bir dövlət kimi böyük nüfuz qazanıb. 2003-cü ildən sonra inkişafının yeni mərhələsinə qədəm qoyan Azərbaycanın ötən 15 illik şanlı və zəngin tarixi bizim üçün qürur mənbəyidir”.
Görüşlərdə çıxış edən YAP İdarə Heyətinin üzvü, Milli Məclisin deputatı, Azərbaycan Rus İcmasının sədri Mixail Zabelin Prezident İlham Əliyevin misilsiz xidmətləri haqqında məlumat verib. Millət vəkili bütün seçiciləri aprelin 11-də seçki məntəqələrinə gedərək Azərbaycana böyük qələbələr və uğurlar qazandırmış, xalqımızın alternativsiz lideri cənab İlham Əliyevə səs verməyə çağıraraq bildirib ki, cənab İlham Əliyevə səs vermək möhtəşəm nailiyyətlərin davamlı olmasına, iqtisadiyyatımızın daha da inkişafına səs vermək deməkdir. Mixail Zabelin ölkəmizdəki Rus İcmasının Prezident İlham Əliyevin siyasətini dəstəklədiyini qeyd edərək qarşıdan gələn seçkilərdə də icma üzvlərinin cənab İlham Əliyevə səs verəcəklərini vurğulayıb.
Sonra çıxış edən seçicilərdən İsmayıl Ağayev, Əli Qarayev, İsif Şahsuvarov və digərləri deyiblər ki, onlar artıq öz seçimlərini ediblər və 11 apreldə səsvermə məntəqələrinə gedib cənab İlham Əliyevə səs verərək bu seçimlərini rəsmiləşdirəcəklər.

Paylaş:

Baxılıb: 774 dəfə