Cənab İlham Əliyev hər bir azərbaycanlının Prezidentidir

Bakı:

27 °C

54 %

9 m/s

Əlaqə

AZ RU EN

Ana səhifə / YAP xəbərləri / Cənab İlham Əliyev hər bir azərbaycanlının Prezidentidir

Cənab İlham Əliyev hər bir azərbaycanlının Prezidentidir

28.03.2018 [10:35]

Samux rayonunun İnstitut qəsəbəsində və Əhmədbəyli kəndində seçicilərlə görüş keçirilib
Yeni Azərbaycan Partiyasının (YAP) Samux rayon təşkilatı partiyamızın prezidentliyə namizədi cənab İlham Əliyevin təbliğat-təşviqat kampaniyası çərçivəsində seçicilərlə növbəti görüşlərini rayonun İnstitut qəsəbəsi və Əhmədbəyli kəndində keçirib.
Tədbiri giriş sözü ilə açan YAP Samux rayon təşkilatının sədri Gündüz Bayramov Prezident İlham Əliyevin rəhbərliyi ilə həyata keçirilən sosial-iqtisadi siyasətin əsas istiqamətlərindən və uğurlu nəticələrindən bəhs edib. Regionların sosial-iqtisadi inkişafının dinamik şəkildə davam etdiyini bildirən təşkilat sədri əlavə edib ki, ölkəmizin, o cümlədən bölgələrin sürətli inkişafı hər bir vətəndaşın həyatında xüsusilə hiss olunur, insanların rifah halı daha da yaxşılaşır: “Əldə edilən yüksək inkişaf göstəriciləri və mühüm nailiyyətlər deməyə əsas verir ki, Azərbaycan xalqının, o cümlədən Samux ictimaiyyətinin seçimi yenə də Yeni Azərbaycan Partiyasının Sədri, ölkə Prezidenti cənab İlham Əliyev olacaq”.
Milli Məclisin deputatı Musa Quliyev diqqətə çatdırıb ki, Azərbaycan dövləti və xalqı qarşıdan gələn prezident seçkilərinə böyük uğurlarla gedir. Cənab İlham Əliyevin Prezidentliyi dövründə Azərbaycan bütün sahələrdə misilsiz nailiyyətlər qazanıb: “Son 15 ildə sosial-iqtisadi, humanitar, mədəni və digər sahələrdə əldə olunan böyük uğurların əsasında sabitlik dayanır. Həmçinin Azərbaycanda lider-xalq birliyi güclüdür. Xalqımız öz liderinə inanır, liderimiz də xalqın maraqlarını ləyaqətlə təmsil edir. Prezident İlham Əliyevin siyasəti milli maraqlarımıza xidmət edir. Dövlət başçısı hər zaman bütün məsələlərdə ölkəmizin, vətəndaşlarımızın maraqlarını öndə tutur. Xalqımızın bu seçkilərdə də cənab İlham Əliyevə səs verəcəyi şübhəsizdir”.
Milli Məclisin deputatı Naqif Həmzəyev isə deyib ki, mövcud reallıqlar - Azərbaycanın inkişafı, tərəqqisi və yüksəlişi Yeni Azərbaycan Partiyasının namizədi cənab İlham Əliyevin növbəti dəfə Prezident seçiləcəyini göstərir.
Milli Məclisin deputatı Pərvin Kərimzadə isə “Mən bütün seçiciləri cənab Prezident İlham Əliyevə səs verməyə çağırıram, çünki məhz Onun siyasəti nəticəsində Azərbaycan firavan, qüdrətli dövlətə çevrilib” deyib.
Daha sonra çıxış edənlər Prezident İlham Əliyevin rəhbərliyi ilə həyata keçirilən siyasətin uğurlu nəticələrindən bəhs ediblər və Yeni Azərbaycan Partiyasının namizədinin növbəti dəfə əzəmətli qələbə qazanacağına inandıqlarını bildiriblər.

Paylaş:

Baxılıb: 826 dəfə