Cənab İlham Əliyev növbəti dəfə möhtəşəm qələbə qazanacaq

Bakı:

9 °C

87 %

1 m/s

Əlaqə

AZ RU EN

Ana səhifə / YAP xəbərləri / Cənab İlham Əliyev növbəti dəfə möhtəşəm qələbə qazanacaq

Cənab İlham Əliyev növbəti dəfə möhtəşəm qələbə qazanacaq

30.03.2018 [10:27]

Siyəzən rayonunun Gilgilçay qəsəbəsi, Yenikənd və Eynibulaq kəndlərində YAP-ın namizədi cənab İlham Əliyevin təbliğat-təşviqat kampaniyası çərçivəsində seçicilərlə görüşlər keçirilib
Yeni Azərbaycan Partiyası (YAP) Siyəzən rayon təşkilatı YAP-ın prezidentliyə namizədi cənab İlham Əliyevin təbliğat-təşviqat kampaniyası çərçivəsində seçicilərlə görüşlərini davam etdirir.
Rayonun Eynibulaq kəndində seçicilərlə görüş zamanı YAP Siyəzən rayon təşkilatının sədri Etibar Heydərov qarşıdan gələn prezident seçkiləri ilə bağlı ətraflı məlumat verib. O qeyd edib ki, bu gün Azərbaycanın əldə etdiyi bütün uğurlarda Yeni Azərbaycan Partiyasının Sədri, ölkə Prezidenti İlham Əliyevin imzası var: “Biz bu uğurların davam etməsi üçün cənab İlham Əliyevə səs verməliyik. Əminliklə deyə bilərəm ki, Ulu öndər Heydər Əliyevin əsasını qoyduğu və Prezident İlham Əliyev tərəfindən davam etdirilən siyasət nəticəsində ölkəmiz daha da inkişaf edəcək”.
YAP Siyəzən rayon təşkilatının sədri Siyəzən seçicilərinin 11 aprel tarixində keçiriləcək prezident seçkilərində cənab İlham Əliyevə səs verəcəyinə əmin olduğunu deyib.
“Yeni Azərbaycan” qəzetinin baş redaktoru, Milli Məclisin deputatı Hikmət Babaoğlu Azərbaycanın son 15 ildə Prezident İlham Əliyevin rəhbərliyi ilə həyata keçirilən uğurlu siyasətin fonunda böyük inkişaf yolu keçdiyini, bu hərtərəfli və dinamik inkişafın bütün sahələri əhatə etdiyini deyib. Azərbaycan xalqının mütləq əksəriyyətinin Prezident İlham Əliyevin rəhbərliyi ilə həyata keçirilən siyasəti dəstəklədiyini diqqətə çatdıran millət vəkili əlavə edib ki, hər bir vətəndaş dövlətin yüksək diqqət və qayğısını öz üzərində hiss edir: “İctimai rəyin öyrənilməsi üzrə müxtəlif sosioloji tədqiqat mərkəzlərinin Azərbaycan əhalisi arasında keçirdiyi sorğular da göstərir ki, Prezident İlham Əliyevin fəaliyyəti cəmiyyət tərəfindən yüksək qiymətləndirilir. Azərbaycan cəmiyyəti Prezident İlham Əliyevin rəhbərliyi ilə həyata keçirilən siyasətin fonunda əldə edilmiş möhkəm ictimai-siyasi sabitliyi və sürətli iqtisadi inkişafı gələcək tərəqqinin əsası kimi dəyərləndirir. Bu isə Azərbaycanda vətəndaşların dövlət başçısının rəhbərliyi ilə həyata keçirilən siyasətə mütləq inam və etimad bəslədiyini göstərir”.
Milli Məclisin deputatı Tahir Süleymanov isə bildirib ki, Azərbaycan bütün sahələrdə çoxsaylı uğurlar əldə edib və bu, Prezident İlham Əliyevin rəhbərliyi ilə həyata keçirilən məqsədyönlü siyasət sayəsində mümkün olub: “Bu siyasətin davamlı olması və ölkəmizin yeni nailiyyətlər əldə etməsi üçün yenə də cənab İlham Əliyevə səs verməliyik. Azərbaycan xalqı Prezident İlham Əliyevin siyasətini dəstəkləyir və biz aprelin 11-də bir daha bunun şahidi olacağıq. Cənab İlham Əliyev növbəti dəfə möhtəşəm qələbə qazanacaq”.
Qeyd edək ki, rayonun Gilgilçay qəsəbəsi və Yenikənd kəndində də seçicilərlə görüşlər keçirilib.
Nurlan QƏLƏNDƏRLİ

Paylaş:

Baxılıb: 669 dəfə