YAP Sabirabad rayon təşkilatı bələdiyyə seçkilərinə yüksək səviyyədə hazırlaşıb

Bakı:

25 °C

65 %

9 m/s

Əlaqə

AZ RU EN

Ana səhifə / YAP xəbərləri / YAP Sabirabad rayon təşkilatı bələdiyyə seçkilərinə yüksək səviyyədə hazırlaşıb

YAP Sabirabad rayon təşkilatı bələdiyyə seçkilərinə yüksək səviyyədə hazırlaşıb

06.11.2009 [10:01]

“Bu gün Azərbaycanın seçki qanunvericiliyində mütəmadi olaraq aparılan dəyişikliklər məhz xalqın istək və arzularının tərənnümü kimi xarakterizə edilir. Elə bu baxımdan da, seçki məsələsi dövlətimizin və cəmiyyətimizin inkişaf təzahürlərini özündə əks etdirən ən başlıca prinsiplərdəndir desək, yanılmarıq. Bütün bunların fonunda ölkəmizdə keçirilən seçkilər ərəfəsində aparılan ciddi hazırlıq işləri sonda bu prosesin demokratik, azad, ədalətli və şəffaf keçməsinə imkan verir”. Bu sözləri Yeni Azərbaycan Partiyası (YAP) Sabirabad rayon təşkilatının sədri Nadir Quliyev deyib. Hakim partiyanın bütün seçkilərdə olduğu kimi, bu ilin sonunda keçiriləcək bələdiyyə seçkilərinə də yüksək səviyyədə hazırlıq işləri həyata keçirdiyini söyləyən N.Quliyevin sözlərinə görə, bu, onu deməyə əsas verir ki, bələdiyyə seçkilərində də Yeni Azərbaycan Partiyası qalib gələcək.
O, həmçinin, qeyd edib ki, YAP budəfəki seçkilərdə 10 illik təcrübəsi olan yerli özünüidarəetmə orqanlarının fəaliyyətinin təkmilləşdirilməsinə də öz töhfəsini vermək niyyətindədir: “Bu gün Azərbaycan inkişaf etmiş ölkələr səviyyəsindədir. Dünya dövlətləri Prezidentimiz, Yeni Azərbaycan Partiyasının Sədri İlham Əliyevin uğurlu siyasətinə həsəd aparır. Belə bir şəraitdə yerli özünüidarəetmə orqanlarına seçilən üzvlər savadlı, təşkilatçı, təşəbbüskar və cəmiyyətimizin rəğbətini qazanmış insanlar olmalıdır. Partiyamızda bu keyfiyyətlərə sahib olan üzvlərimiz yetərincədir”.
Nadir Quliyev deyib ki, YAP Sabirabad rayon təşkilatı partiyanın göstəriş və təlimatlarına uyğun olaraq, bələdiyyələrdə qadınların və gənclərin sayının artması məsələsinə də xüsusi diqqət ayırıb. Təşkilat tərəfindən irəli sürülmüş 261 namizədin 82 nəfərini gənclər, 79 nəfərini isə qadınlar təşkil edir. ümumilikdə isə rayonda 25 bələdiyyə mövcuddur. Bu bələdiyyələrə 261 nəfər bələdiyyə üzvü seçilməlidir. YAP Sabirabad rayon təşkilatı hər bir yer üçün öz namizədlərini irəli sürüb. Artıq imzatoplama kampaniyası başa çatıb və partiyanın namizədləri müvafiq seçki komissiyaları tərəfindən qeydə alınıb: “2008-ci ilin 15 oktyabrında Azərbaycan xalqı yenidən Ulu öndər Heydər Əliyevin siyasi kursunun layiqli davamçısı cənab İlham Əlıyevə səs verməklə uğurlu gələcəyə, inkişafa, tərəqqiyə səs verib. Eyni zamanda, bu il martın 18- də keçirilən ümumxalq səsverməsində YAP Sabirabad rayon təşkilatının üzvləri fəallıqları ilə seçiliblər. Əvvəlki seçkilərdə olduğu kimi, bu seçkidə də YAP - ın üzvləri öz səylərini əsirgəməyəcəklər”.
YAP Sabirabad rayon təşkilatı Qadınlar Şurasının sədri Məleykə Həsənova isə vurğulayıb ki, Azərbaycan qadınları daim ölkəmizdə baş verən ictimai-siyasi proseslərdə öz fəallıqları ilə seçiliblər. Hətta taleyüklü məsələlərin həllində belə qadınlarımız məsuliyyəti öz üzərlərindən atmayıblar: “Bu gün Heydər Əliyev Fondunun prezidenti, YUNESKO və İSESKO-nun xoşməramlı səfiri, Milli Məclisin üzvü Mehriban xanım Əliyeva Azərbaycan qadınını ən yüksək səviyyədə təmsil edir, milli-mənəvi dəyərlərimizin qorunması, gənclərimizin sağlam mühitdə yetişməsi üçün Onun gördüyü işlər, atdığı addımlar hər bir qadın üçün örnəkdir. Eyni zamanda, dövlətimizin qadınlarla bağlı siyasəti zərif cinsin nümayəndələrinin öz potensialını sübut etməyə, istedad və qabiliyyətini nümayiş etdirməyə imkan verir. Bu mənada, hesab edirəm ki, bələdiyyələr qadınlarımız üçün çox gözəl fəaliyyət müstəvisi ola bilər”.
Bunu nəzərə alaraq, YAP-ın bu seçkilərdə qadınların da potensialından yararlanmaq üçün tədbirlər gördüyünü diqqətə çatdıran M.Həsənovanın sözlərinə görə, YAP Sabirabad rayon təşkilatı tərəfindən irəli sürülmüş qadın namizədlər bələdiyyə seçkilərində qələbə qazanmaq əzmindədir.
YAP Sabirabad rayon təşkilatı Gənclər Birliyinin sədri Aftandil Həsənov Yeni Azərbaycan Partiyasının kəmiyyət və keyfiyyət baxımından ölkədə yeganə aparıcı siyasi qüvvə olduğunu vurğulayaraq qarşıdan gələn bələdiyyə seçkilərində də hakim partiyanın qələbə qazanacağının heç kəsdə şübhə doğurmadığını söyləyib. Gənclərin ölkəmizin inkişafında xüsusi yeri və rolunun olduğunu söyləyən A.Həsənov bu seçkilərdə bələdiyyələrə seçiləcək gənclərdən həm dövlətimizin, həm də partiyanın yüksək fəaliyyət gözlədiyini qeyd edib.
AQŞİN

Paylaş:

Baxılıb: 1568 dəfə