Ümummilli fəaliyyətilə xalqın etimadını qazanan YAP budəfəki seçkilərdə də inamlı qələbə qazanacaq

Bakı:

24 °C

61 %

1 m/s

AZ RU EN

Ana səhifə / YAP xəbərləri / Ümummilli fəaliyyətilə xalqın etimadını qazanan YAP budəfəki seçkilərdə də inamlı qələbə qazanacaq

Ümummilli fəaliyyətilə xalqın etimadını qazanan YAP budəfəki seçkilərdə də inamlı qələbə qazanacaq

10.12.2009 [10:23]

Bu fikir YAP Abşeron rayon təşkilatının Məmmədli qəsəbəsində keçirdiyi görüşdə dəfələrlə səsləndirilib
Dekabrın 23-də keçiriləcək bələdiyyə seçkilərilə əlaqədar təbliğat-təşviqat kampaniyası çərçivəsində Yeni Azərbaycan Partiyası (YAP) Abşeron rayon təşkilatı Məmmədli qəsəbəsində tədbir keçirib. Tədbirdə çıxış edən YAP Abşeron rayon təşkilatının sədri Bilman Vəliyev bələdiyyələrin respublikamızın həyatında oynadığı mühüm roldan danışıb: “Bələdiyyə institutu Azərbaycanda yaranmış gənc strukturdur. Əlbəttə ki, demokratikləşən Azərbaycanda bələdiyyələr bu tendensiyanın bir hissəsi kimi ölkənin tərəqqisinə öz töhfələrini verməlidir. Əslində, yerli özünüidarəetmə strukturlarının işində müəyyən problemlərin olması, ilk illərdə labüd idi. çünki, sovetlərin inzibati-amirlik idarəçiliyindən, planlaşdırma iqtisadiyyatından azad olmuş Azərbaycanda bələdiyyələr sahəsində təcrübə yox idi. Bu səbəbdən də, bir sıra bələdiyyələrin fəaliyyətində nöqsanlar ortaya çıxırdı”.
Bələdiyyə seçkilərində “Xalqa xidmət naminə” şüarı ilə iştirak edən YAP-ın namizədlərinə uğurlar diləyən Bilman Vəliyev hər zaman dövlətçiliklə birgə olan Məmmədli qəsəbəsinin sakinlərinin tərəqqiyə, inkişafa, dəyişikliklərə - YAP-ın namizədlərinə səs verəcəklərinə inandığını söyləyib.
çıxış edən millət vəkili Rafael Cəbrayılov deyib ki, son 10 il ərzində bələdiyyələrin fəaliyyətinin təkmilləşdirilməsi sahəsində maddi-texniki bazanın gücləndirilməsi ilə yanaşı, qanunvericilik bazası da möhkəmləndirilib: “Milli Məclisdə bələdiyyələrlə bağlı bir çox qanunlar qəbul edilib, onların fəaliyyətinin təkmilləşdirilməsi məqsədilə bələdiyyələrin birləşdirilməsi prosesi aparılıb. Bununla yanaşı, Konstitusiyamızın bələdiyyələrlə bağlı maddələrinə əlavə və dəyişikliklər olunub. Düşünürəm ki, bu, bələdiyyələrin fəaliyyətində, insanlara xidməti sahəsindəki işlərində böyük dəyişikliklərə öz töhfəsini verəcək”.
YAP-ın Məmmədli qəsəbəsi üzrə namizədi Vaqif Nəbiyev görülmüş işlərdən danışıb: “Əminəm ki, partiyamızın fəaliyyətini hər zaman yüksək qiymətləndirmiş qəsəbə sakinləri bu dəfə də düzgün seçim edəcəklər”.
çıxış edən Elçin Quliyev Məmmədli qəsəbəsinin sakinlərinin yüksək mütəşəkkillik göstərərək Yeni Azərbaycan Partiyasının namizədlərinə yekdilliklə səs verəcəyinə inandığını bildirib.
Ruslan Bayramzadə isə söyləyib ki, Yeni Azərbaycan Partiyası xalqın partiyası olduğunu sübut edib, ölkədə uğurla həyata keçirilən siyasətin fəal təbliğatçısı və iştirakçısı kimi bu seçkiyə də xalqa xidmət naminə şüarı ilə gedir.
Sonra çıxış edən qəsəbə sakinləri budəfəki bələdiyyə seçkilərində də YAP-ın namizədlərinə səs verəcəklərini söyləyiblər.
Ramil VƏLİBƏYOV

Paylaş:

Baxılıb: 1423 dəfə