YAP Nərimanov rayon təşkilatında Gənclər günü qeyd edilib

Bakı:

15 °C

67 %

10 m/s

Əlaqə

AZ RU EN

Ana səhifə / YAP xəbərləri / YAP Nərimanov rayon təşkilatında Gənclər günü qeyd edilib

YAP Nərimanov rayon təşkilatında Gənclər günü qeyd edilib

02.02.2010 [09:41]

Dünən Yeni Azərbaycan Partiyası (YAP) Nərimanov rayon təşkilatında 2 fevral-Gənclər günü münasibətilə tədbir keçirilib. Əvvəlcə tədbir iştirakçıları ümummilli lider Heydər Əliyevin xatirəsini ehtiramla yad edib, büstünün önünə gül dəstələri düzüblər. Nərimanov rayon İcra Hakimiyyətinin, rayon gənclər və idman idarəsinin və ictimaiyyətin nümayəndələrinin qatıldığı tədbirdə bu əlamətdar günün tarixinə nəzər salınıb. Tədbiri giriş sözü ilə açan Nərimanov rayon Gənclər və İdman İdarəsinin rəisi Rəşad Həsənov deyib ki, 2 fevral - Gənclər günü 1997-ci ildə Ulu öndər Heydər Əliyevin gənclərə ən böyük töhfəsi olub: “2 fevral tarixinin Gənclər günü elan edilməsi ölkənin ictimai-siyasi, iqtisadi və digər sahələrində gənclərin fəallığının artırılmasında, dövlətin idarəetmə strukturlarında gənclərin rolunun gücləndirilməsində və problemlərinin aradan qaldırılmasında yeni mərhələnin başlanğıcı olub”.
çıxışını Ulu öndər Heydər Əliyevin “Hər bir xalqın, hər bir millətin, hər bir ölkənin gəncləri onun həm bu günüdür, həm də sabahıdır, ümididir” sözləri ilə başlayan YAP Nərimanov rayon təşkilatı Gənclər Birliyinin sədri Yusif Babanlı deyib ki, ümummilli liderimizin uzaqgörənliklə formalaşdırdığı gənclər siyasəti bu gün yeni mərhələyə qədəm qoyub: “Belə ki, Prezident İlham Əliyev gəncləri aparıcı qüvvəyə çevirmək və onların sosial-iqtisadi problemlərinin həllini təmin etmək məqsədi ilə 2005-2009-cu illəri əhatə edən Dövlət Proqramını təsdiq edib. Dövlət quruculuğunda gənclərin iştirakına şəraitin yaradılması, gənclərin mənəvi inkişafı, onların vətənpərvərlik ruhunda tərbiyəsi, Azərbaycan gənclərinin xarici ölkələrdə təhsil alması, sosial müdafiəyə ehtiyacı olanların problemlərinin həlli, gənclər təşkilatlarının formalaşması və inkişafı üçün böyük diqqət və qayğı göstərib”.
Tədbirdə çıxış edən YAP Nərimanov rayon təşkilatının sədri Təmraz Tağıyev deyib ki, müstəqil dövlətimiz məhz ümummilli lider Heydər Əliyevin müəyyənləşdirdiyi siyasət nəticəsində inkişaf edir və bu gün Prezident İlham Əliyevin rəhbərliyi ilə bu siyasət uğurla davam etdirilir: “Bu gün Azərbaycanda böyük quruculuq işləri aparılır. ölkəmizin inkişafı məhz Ulu öndər Heydər Əliyevin müəyyənləşdirdiyi siyasət nəticəsində baş verir və bu gün Prezident İlham Əliyev bu siyasəti uğurla davam etdirir. Təbii ki, həmin siyasətdən gənclərimizə də pay düşür. Gənclərimiz isə öz növbəsində, onlar üçün yaradılan şəraiti düzgün dəyərləndirməli və bu siyasətin yerlərdə icrası işində yaxından iştirak etməlidirlər. çünki XXI əsrdə müstəqil Azərbaycanın inkişafı naminə görüləcək çoxsaylı işlərin həyata keçirilməsinin əsas ağırlığı və məsuliyyəti gənclərin üzərinə düşür”.
Digər çıxışçılar da dövlətin gənclərimizə xüsusi diqqət və qayğı ilə yanaşdığını qeyd ediblər. Tədbirin sonunda fevralın 1-də 100 yaşı tamam olan rayon sakini Qaraş Qasımov Nərimanov rayon İcra Hakimiyyətinin başçısı adından Fəxri Fərmanla təltif edilib. Diqqətə görə təşəkkürünü bildirən yubilyar deyib ki, mükafatlandırılma mərasiminin bu günə təsadüf etməsi onu xüsusilə sevindirib: “Bu mərasimin 2 fevral - Gənclər günü ərəfəsində və gənclərin əhatəsində keçirilməsi mənə yaşamaq eşqi verir”.
Tədbirdə, eyni zamanda, fəaliyyətlərində fərqlənən bir qrup gəncə də fəxri fərmanlar verilib.
NADİR

Paylaş:

Baxılıb: 1258 dəfə