Yeni Azərbaycan Partiyasının İdarə Heyətinin növbəti iclası keçirilib

Bakı:

16 °C

67 %

11 m/s

Əlaqə

AZ RU EN

Ana səhifə / YAP xəbərləri / Yeni Azərbaycan Partiyasının İdarə Heyətinin növbəti iclası keçirilib

Yeni Azərbaycan Partiyasının İdarə Heyətinin növbəti iclası keçirilib

30.01.2010 [08:55]

Dünən Yeni Azərbaycan Partiyasının İdarə Heyətinin növbəti iclası keçirilib.
Partiyanın mətbuat xidmətinin məlumatına görə, iclasda Yeni Azərbaycan Partiyasının 2009-cu ildə fəaliyyəti, qazanılmış uğurlar və qarşıda duran vəzifələr haqqında ətraflı fikir mübadiləsi aparılıb. Qeyd olunub ki, YAP ölkənin ictimai-siyasi həyatının, o cümlədən Azərbaycan Respublikasının Prezidenti cənab İlham Əliyevin uğurla davam etdirdiyi islahatlar və quruculuq proseslərinin ən yaxın iştirakçısı olub. Yeni Azərbaycan Partiyası ötən ilin ən mühüm siyasi hadisəsi - Azərbaycan Konsititusiyasına əlavə və dəyişikliklərlə bağlı ümümxalq səsverməsi- Referendumun və bələdiyyə seçkilərinin təşviqat, təbliğat kampaniyasının yüksək fəallıq şəraitində keçirilməsini təmin edib, YAP-ın qələbələrlə dolu şərəfli tarixinə yeni səhifələr yazıb. Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyevin partiyanın IV Qurultayında söylədiyi nitqində irəli sürülən tezislərin və qarşıya qoyulan vəzifələrin gələcək fəaliyyətin müəyyənləşdirilməsində həlledici istiqamət olduğu bir daha vurğulanıb.
İclasda gündəliyə uyğun olaraq, YAP İdarə Heyətinin 2009-ci ildə fəaliyyəti ilə bağlı hesabat, partiyanın ümumi tərkibi, o cümlədən Gənclər Birliyinin və Qadınlar Şurasının 1 yanvar 2010-cu ilə olan statistik hesabatı və 2009-ci il üçün maliyyə hesabatı dinlənilib və təsdiq edilib.
Statistik məlumata görə, 2009-ci ildə partiyaya 29 777 nəfər üzv qəbul olunub və 2010-cu il yanvar ayının 1-nə YAP üzvlərinin ümumi sayı 498 462 nəfərə çatıb. Qeyd olunub ki, partiya sıralarında gənclərin xüsusi çəkisi daha da artıb və 2009-ci ildə YAP-a üzv qəbul olunanların 49,7 faizini gənc nəslin nümayəndələri təşkil edib. Bütövlükdə, partiya üzvlərinin 39,3 faizini, yəni 196 340 nəfərini gənclər, 43,5 faizini, yəni 217 243 nəfərini isə qadınlar təşkil edib.
YAP İdarə Heyətinin iclasında partiyanın maliyyə hesabatı müzakirə və təsdiq edilib. Hesabatda bildirilir ki, 2009-cu ildə Yeni Azərbaycan Partiyasının üzvlük haqlarından cəmi mədaxili 2 915 505 manat təşkil edib. Hesabat ilində partiyanın ümumi xərcləri 2 374 176 manat olub ki, bunun da 1 426 587 manatını Yeni Azərbaycan Partiyasının İcra Katibliyində və şəhər və rayon təşkilatlarında çalışan əməkdaşların əmək haqqı fondu təşkil edib. 324 107 manat partiya tədbirlərinin maliyələşməsinə və ezamiyyə xərclərinə, 33 290 manat partiya vəsiqələrinin hazırlanmasına, 190 453 manat invertar və dəftərxana ləvazimatlarının alınmasına, 106 376 manat cari təmir və özəlləşdirmə xərclərinə, 172 089 manat kommunal xərclərə, bank və rabitə xidmətlərinə, 93 995 manat avtomobillərə texniki xidmətə, 12 428 manat həmkarlar ittifaqlarına ödənişə sərf edilib. Digər xərclər 14 851 manat olub. 541 329 manat partiyanın mərkəzi və yerli təşkilatlarının hesabında qalıb.
İclasda, həmçinin, İdarə Heyətinin 2010-cu il üçün iş planı təsdiq edilib.

Paylaş:

Baxılıb: 1259 dəfə