Heydər Əliyev
yeni azerbaycan logo

Ana səhifə / YAP xəbərləri / Nəmidə Namini: Bizim vətənpərvərlik ruhumuzu, milli iradəmizi heç bir təxribat qıra bilməz

Nəmidə Namini: Bizim vətənpərvərlik ruhumuzu, milli iradəmizi heç bir təxribat qıra bilməz

14.07.2020 [08:35]

“Vətənpərvərliyin ən ali məqamı şəhidlikdir. Bu ucalığa yüksələnlərin ömür yolu nə qədər qısa olsa da, şərəfli və örnək sayılır. Qəhrəmanlıq bir anın bəhrəsi deyil. Xarakterin, tərbiyənin, mənəvi yaddaşın gücü ilə diktə olunan keyfiyyətdir. O, elə bir keyfiyyətdir ki, onun mahiyyətində təsadüf adlanan heç nə yoxdur”.
Bu fikirləri Yeni Azərbaycan Partiyası (YAP) Şirvan şəhər təşkilatı Gənclər Birliyinin sədri Nəmidə Namini deyib.
N.Namini bildirib ki, vətənpərvərlik tərbiyəsi hər şeydən əvvəl, vətəni dərin məhəbbətlə sevmək və onun mənafeyini qorumaqdır. Onun fikrincə, hər bir azərbaycanlı şəhidlik zirvəsinə ucalan qəhrəmanlarımızı öyrənməli, tanımalı, sevməli, onların xidmətlərini daim xatırlamalıdır: “Millət üçün qürur qaynağı olan qəhrəmanları öyrənməli və öyrətməli, tanıtdırmalı və sevdirməliyik. Onların özü kimi təmənnasız, candan, könüldən gələn bir istəklə! Çünki bir millətin hər zaman qəhrəmanlara ehtiyacı var. Başqa sözlə, bütün digər ülvi hisslər, duyğular kimi qəhrəmanlıq da yaşadılmalıdır. Qəhrəmanlığı təbliq etmək, qəhrəmanları tanımaq, tanıtmaq hər bir insanın özünün daxili aləmini zənginləşdirir, insanın həyata inamını, haqq işinə bağlılığını möhkəmləndirir”.
N.Namini qeyd edib ki, Azərbaycan oğulları daim Vətəninin keşiyində dayanıb və dayanmağa da davam edəcək. Onun sözlərinə görə, bizim vətənpərvərlik ruhumuzu, milli iradəmizi heç bir təxribat qıra bilməz: “Azərbaycan Respublikasının Ali Baş Komandanı, Prezidentimiz İlham Əliyevin Soçidə keçirilən “Valday” Beynəlxalq Diskussiya Klubunun XVI illik iclasının plenar sessiyasında çıxışı zamanı səsləndirdiyi “Qarabağ tarixi, əzəli Azərbaycan torpağıdır, beləliklə, Qarabağ Azərbaycanındır!” sözləri Azərbaycan Ordusunda böyük ruh yüksəkliyi yaratdı. Azərbaycan oğulları Vətəni sevir və onu daim qorumağa hazırdır. Biz öz ordumuzla, şəhidlərimiz və qəhrəmanlarımızla fəxr edirik. Hər bir valideyn övladını millətini və ölkəsini sevən bir övlad kimi yetişdirməli, onda yüksək vətənpərvərlik ruhu aşılamalıdır”.

Paylaş:
Baxılıb: 533 dəfə

Xəbər lenti

Hamısına bax

İqtisadiyyat

Gündəm

701,6 milyon avro...

29 Aprel 10:34

Analitik

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30