Riyad Rüstəmli: Gənclərimizi hansısa təxribatda alətə çevirmək istəyənlər mütləq ifşa olunacaq və layiqli cəzalarına çatacaqlar

Bakı:

13 °C

94 %

6 m/s

AZ RU EN

Ana səhifə / YAP xəbərləri / Riyad Rüstəmli: Gənclərimizi hansısa təxribatda alətə çevirmək istəyənlər mütləq ifşa olunacaq və layiqli cəzalarına çatacaqlar

Riyad Rüstəmli: Gənclərimizi hansısa təxribatda alətə çevirmək istəyənlər mütləq ifşa olunacaq və layiqli cəzalarına çatacaqlar

18.07.2020 [01:27]

“Azərbaycan xalqı öz dövləti və ordusu ilə həmrəydir. Bütün xalqımız, o cümlədən gənclərimiz Ali Baş Komandanın ətrafında sıx birləşib”.

Bu fikirləri Yeni Azərbaycan Partiyası (YAP) Səbail rayon təşkilatı Gənclər Birliyinin sədri Riyad Rüstəmli deyib.

R.Rüstəmli bildirib ki, xalqımız öz iradəsini, vətənpərvərlik hissinə əsaslanan milli mənəvi birliyimizin gücünü, dövlət və dövlətçiliyə olan bağlılığını bir daha göstərdi: “Erməni təbliğatından hiddətlənən minlərlə həmvətənimiz, ilk növbədə, gənclərimiz Ali Baş Komandanımız İlham Əliyevlə, ordumuzla həmrəyliyini ifadə etmək üçün şəhər və rayonlarımızda kütləvi yürüşlər keçiriblər. Bu yürüşün ən möhtəşəmi iyulun 14-də Bakıda keçirilib. Bu yürüş Ali Baş Komandan və xalq birliyinin, ordu və vətəndaş həmrəyliyinin daha bir əyani göstəricisi oldu. Bir daha düşmənə və bütün dünyaya nümayiş etdirildi ki, Ali Baş Komandanımız İlham Əliyevə və ordumuza, qəhrəman zabit və əsgərlərimizə tam güvənən xalqımız tarixi torpaqlarımızı, o cümlədən Qarabağımızı işğaldan mütləq azad edəcək, 30 ilə yaxın müddətdə davam edən status-kvo ilə qətiyyən barışmayacaq”.

R.Rüstəmli təəssüflə deyib ki, həmin gün Şəhidlər xiyabanı və Milli Məclisin qarşısına toplaşan yürüş iştirakçılarının kiçik bir qismi gecə saatlarında qeyri-qanuni olaraq parlamentin inzibati binasına daxil olub, dağıntılar törədib. “Orduya dəstək yürüşünü həyata keçirən vətəndaşlarımızın bir amal uğrunda birləşdiyi halda, bəzi təxribatçıların dağıdıcılığa və ziyan vurmağa istiqamətlənən addımlarını gənclər olaraq qəti şəkildə pisləyirik. Bu cür təxribatları təşkil edənlər, məkrli niyyətlərini həyata keçirmək üçün fürsət gözləyənlər birmənalı şəkildə bilməlidirlər ki, onların planları artıq işləməyəcək, gənclərimizi hansısa təxribatda alətə çevirmək istəyənlər mütləq ifşa olunacaq və layiqli cəzalarına çatacaqlar. Unutmasınlar ki, xalqımız Ali Baş Komandanımız İlham Əliyevin və qələbəyə köklənən Ordumuzun yanındadır. Qarabağımızın azadlığına aparan yeganə yol da yalnız bu yoldur”, - YAP Səbail rayon təşkilatı Gənclər Birliyinin sədri deyib.

Müşfiqə BAYRAMLI

Paylaş:

Baxılıb: 566 dəfə