Maqsud Süleymanlı: Yeni Azərbaycan Partiyasının fəaliyyətinin əsas qayəsini məhz vətənpərvərlik missiyası təşkil edir

Bakı:

10 °C

81 %

8 m/s

AZ RU EN

Ana səhifə / YAP xəbərləri / Maqsud Süleymanlı: Yeni Azərbaycan Partiyasının fəaliyyətinin əsas qayəsini məhz vətənpərvərlik missiyası təşkil edir

Maqsud Süleymanlı: Yeni Azərbaycan Partiyasının fəaliyyətinin əsas qayəsini məhz vətənpərvərlik missiyası təşkil edir

23.07.2020 [09:14]

“Azərbaycan Respublikasının Prezidenti, Ali Baş Komandan İlham Əliyevin birlik və bərabərlik çağrışına bütün Yeni Azərbaycan Partiyasının (YAP) gəncləri kimi YAP Yevlax rayon təşkilatı Gənclər Birliyinin üzvləri də ilk gündən qoşulublar. Cənab Prezidentin həyata keçirdiyi gənclər siyasətinin mərkəzində dayanan vətənpərvərlik məkfurəsi hər bir gəncin Vətənimizin bu çətin anlarında yenidən birlik və həmrəylik nümayiş etdirməsinin başlıca səbəbi oldu”.
Bu fikirləri YAP Yevlax rayon təşkilatı Gənclər Birliyinin sədri Maqsud Süleymanlı deyib.
M.Süleymanlı bildirib ki, Tovuz rayonu istiqamətində gedən döyüşlərdə ön cəhbədə qəhrəman Azərbaycan əsgərləri torpaqlarımızın müdafiəsi naminə düşmən üzərində parlaq zəfərlər qazanarkən, arxa cəhbədə minlərlə Azərbaycan gənci Ali Baş Komandanın ətrafında sıx birləşərək, səbirsizliklə döyüş əmrini gözlədilər. Üç rəngli Azərbaycan bayrağını əllərində dalğalandıran minlərlə vətəndaşımız Şəhidlər xiyabanı qarşısında toplanaraq Dağlıq Qarabağın əzəli Azərbaycan torpağı olması şüarlarını səsləndirməklə bir daha vətənpərvərlik nümayiş etdirdilər. Cənab Prezidentin Təhlükəsizlik Şurasının videoformatda keçirilən iclasında söylədiyi fikirlər hər bir gəncin daxilində yaşatdığı vətən, torpaq, bayraq sevdasını bir daha üst zirvəyə çıxarmış oldu.
Onun sözlərinə görə, Ali Baş Komandanın “torpağını müdafiə etmək istəyən hər kəs gedərək Səfərbərlik və Hərbi Xidmətə Çağırış üzrə Dövlət Xidmətində qeydiyyata düşə bilər” fikrindən sonra minlərlə gənc müstəqil Azərbaycana xidmət edib vətəndaşlıq borcunu ödəmək üçün çağırış məntəqələrinə üz tutdu.
“Təbii ki, hər zaman olduğu kimi bu dəfə də Ali Baş Komandanın fikirlərini dəstəkləyib, ilk irəli addım atanlar Yeni Azərbaycan Partiyasında birləşən gənclər oldu. Bir neçə gün ərzində minlərlə Yeni Azərbaycan Partiyasının gənci ordu sıralarına yazıldı. Bir daha nümayiş olundu ki, biz gənclər təkcə arxa cəhbədə deyil, ön cəhbədə də cənab Prezidentin əmr və tapşırıqlarını yerinə yetirməyə hazırıq. Yeni Azərbaycan Partiyasının əsas qayəsini məhz vətənpərvərlik missiyası təşkil edir. Bu partiyada birləşən şəxslər istər Qarabağ döyüşlərində, istərsə də Aprel döyüşlərində böyük şücaət və birlik göstərdilər. Cünki bu partiyanın qurucusu olan Ulu Öndər Heydər Əliyevin müəyyənləşdirdiyi siyasi kursun əsasında vətən sevgisi durur. Bu kurs isə məhz bu gün cənab Prezident İlham Əliyev tərəfindən uğurla davam etdirilir. Bizdən öncəki, biz və bizdən sonrakı gənclik də bu yolun təbliğatçıları olub və olacaq. Biz YAP Yevlax rayon təşkilatının gəncləri də partiyamızın Sədri, cənab Ali Baş Komandan İlham Əliyevin Azərbaycan Respublikasının müdafiəsi naminə hər an verəcəyi döyüş əmrini gözləyən müsəllah əsgərləriyik”, - deyə M.Süleymanlı qeyd edib.

Paylaş:

Baxılıb: 514 dəfə