YAP Hacıqabul rayon təşkilatının XI hesabat konfransı keçirilib

Bakı:

11 °C

82 %

4 m/s

Əlaqə

AZ RU EN

Ana səhifə / YAP xəbərləri / YAP Hacıqabul rayon təşkilatının XI hesabat konfransı keçirilib

YAP Hacıqabul rayon təşkilatının XI hesabat konfransı keçirilib

26.08.2021 [09:55]

Avqustun 25-də Yeni Azərbaycan Partiyası (YAP) Hacıqabul rayon təşkilatının videoformatda XI hesabat konfransı keçirilib.

Əvvəlcə müstəqil Azərbaycan dövlətinin memarı, Yeni Azərbaycan Partiyasının yaradıcısı, Ulu Öndər Heydər Əliyevin və torpaqlarımızın azadlığı uğrunda şəhidlik zirvəsinə ucalan Vətən oğullarının əziz xatirəsi bir dəqiqəlik sükutla yad edilib.

Konfransın gündəliyi təsdiqləndikdən sonra YAP Hacıqabul rayon təşkilatının sədri Hafis Bəşirovun hesabat məruzəsi dinlənilib. O, qeyd edib ki, bu gün YAP Azərbaycan cəmiyyətinin həm siyasi, həm iqtisadi, həm sosial, həm də mədəni həyatında uğurlu layihələrlə həlledici rol oynayır. Qələbələr partiyası olan YAP zəngin və şərəfli inkişaf yoluna malikdir.

H.Bəşirov bildirib ki, YAP Hacıqabul rayon təşkilatının 98 ərazi ilk partiya təşkilatında 5377 üzv var. Onların 2279 nəfərini qadınlar,1186 nəfərini isə gənclər təşkil edir. X konfransdan ötən dövr ərzində 603 nəfər partiya sıralarına qəbul olunub ki, onlardan 239 nəfəri qadın, 388 nəfəri isə gənclərdir.

Sonra YAP Hacıqabul rayon təşkilatının Nəzarət-Təftiş Qrupunun sədri Elman Nəcəfov hesabat məruzəsi ilə çıxış edib.

Müzakirələr zamanı çıxış edən Hacıqabul Rayon İcra Hakimiyyətinin başçısı Rüstəm Xəlilov, Milli Məclisin deputatı Rafael Hüseynov, YAP Hacıqabul rayon təşkilatının Şura və İdarə Heyətinin üzvləri - Gənclər Birliyinin sədr müavini Saleh Ələskərov və Elnur Əmiraslanov, YAP Hacıqabul rayon təşkilatının 8 saylı məktəb ərazi ilk partiya təşkilatının sədri Xuraman Talıbova hesabat dövründə görülən işlərdən bəhs ediblər.

Konfransda çıxış edən YAP Mərkəzi Aparatının Təşkilat şöbəsinin müdiri Əhliman Tağıyev bildirib ki, Ümummilli Liderimiz Heydər Əliyevin qurucusu olduğu Yeni Azərbaycan Partiyası ötən illər ərzində böyük inkişaf yolu keçib. Vurğulayıb ki, bütün çətinliklərdən uğurla çıxan Yeni Azərbaycan Partiyasını qarşıdakı illərdə daha möhtəşəm uğur və nailiyyətlər gözləyir. Ə.Tağıyev qeyd edib ki, YAP öz Proqramını daim yeniləyir və populist vədlərdən uzaq olduğunu davamlı uğurları ilə təsdiqləyir. Yeni Azərbaycan Partiyasının güc mənbəyi yaradıcısı olduğu Ümummilli Lider Heydər Əliyevin zəngin irsi və son 18 ildə bu siyasəti uğurla davam etdirən Prezident İlham Əliyevin təkmil islahatları, gələcəyə daha böyük inamla addımlamağa əsas verən inkişaf strategiyamızdır.

Yeni mərhələdə partiyanın yerli təşkilatlarının üzərinə düşən vəzifələrdən geniş bəhs edən Ə.Tağıyev YAP Hacıqabul rayon təşkilatına gələcək fəaliyyətində uğurlar arzulayıb.

Konfransda YAP Hacıqabul rayon təşkilatının hesabat dövrü ərzindəki fəaliyyəti qənaətbəxş qiymətləndirilib.

Paylaş:

Baxılıb: 628 dəfə