Xalq öz firavanlığına səs verəcək

Bakı:

26 °C

48 %

3 m/s

Əlaqə

AZ RU EN

Ana səhifə / YAP xəbərləri / Xalq öz firavanlığına səs verəcək

Xalq öz firavanlığına səs verəcək

17.10.2010 [13:46]

Gəncədə YAP-ın namizədləri ilə görüş keçirilib
Dünən Gəncə şəhər Muxtar Hacıyev küçəsi 13 və 13a saylı binaların qarşısındakı nümunəvi məhəllədə, İsrafil Məmmədbəyov küçəsi, 5 saylı poliklinikanın qarşısındakı meydanda, Yeni Gəncə qəsəbəsi, Novruz meydanında, Ə.Əliyev küçəsi, 6 saylı binanın qarşısındakı nümunəvi məhəllədə Nizami və Kəpəz rayonlarının seçiciləri ilə YAP tərəfindən millət vəkilliyinə namizədliyi irəli sürülən şəxslərin görüşü keçirilib.
Tədbirlərdə YAP-ın Gəncə şəhər təşkilatının təbliğat qrupunun üzvləri, ziyalılar, ağsaqqallar, gənclər, idmançılar, nüfuzlu şəxslər, ictimaiyyətin nümayəndələri, ümumilikdə 2000 nəfərədək seçici iştirak edib.
Əllərində “Güclü dövlət, yüksək rifah” sözləri yazılmış plakatları, deputatlığa namizədlərin portretlərini, digər əyani təşviqat vasitələrini tutmuş seçicilərin yüksək əhval- ruhiyyədə olması, ölkə rəhbərliyinə tez-tez minətdarlıq sözləri səsləndirmələri, görüşlərin böyük izdihamla müşayiət etdirilməsi tədbirlərin möhtəşəmliyini daha da artırıb.
Toplantını giriş sözü ilə YAP Gəncə şəhər təşkilatın sədri, professor İsrafil İsmayılov açaraq, təbliğat və təşviqat kampaniyasının başlanması münasibəti ilə bütün gəncəliləri və eləcə də, deputatlığa namizədləri təbrik edib, onların bucür yüksək əhval-ruhiyyəsinin qələbələrdən xəbər verdiyini bildirib. O, qeyd edib ki, ölkəmizin inkişafına, onun gündən-günə çiçəklənməsinə, insanların yüksək həyat tərzinə, övladlarımızın uğurlu perspektivlərinə baxanda hər birimiz Azərbaycanlı olduğumuz üçün fəxr edirik: “Əsası Ulu öndər Heydər Əliyev tərəfindən qoyulan və ölkə Prezidenti möhtərəm İlham Əliyev tərəfindən layiqincə davam etdirilən sosial- iqtisadi inkişaf strategiyası öz bəhrəsini verməkdədir”.
Natiq YAP tərəfindən irəli sürülən namiz
ədlərin həyatı, iş fəaliyyəti, xidmətləri barədə məlumatları tədbir iştirakçılarına çatdırıb və bütün seçiciləri Vətənimizin bu layiqli övladlarına, həyatımızın gələcəkdə daha firavan olmasına, ölkəmizin tərəqqisinə və inkişafına səs verməyə çağırıb. Əmin olduğunu bildirib ki, həmişə olduğu kimi, bu seçkilərdə də gəncəlilər əzimkarlıq və fəallıq nümayiş etdirəcək, 7 noyabr 2010-cu ildə mütəşəkkil şəkildə seçki məntəqələrinə gələrək qüdrətli və güclü partiya olan Yeni Azərbaycan Partiyasının qələbəsini təmin edəcəklər.
Təbliğatçılardan Mübariz Əliyev, Cavad Bağırov, Hüseyn Bəxtiyarov, Xasay Mehdiyev, Namiq Davudov, İsa Əhmədov çıxış edərək, Azərbaycanda mütərəqqi qanunvericilik bazasının mövcud olmasından, demokratik prinsiplərə layiqincə əməl olunmasından, seçkilərin indiyədək yüksək səviyyədə keçirilməsindən, irəli sürülən namizədlərin ictimaiyyət arasında geniş nüfuza, hörmətə malik olmalarından ətraflı söhbət açıblar və seçiciləri 7 noyabrda həmin namizədlərə səs verməyə dəvət ediblər.
Seçicilər qaşısında çıxış edən namizədlər YAP-ın Seçki Proqramı haqqında ətraflı məlumatlar veriblər.
Maraqlı keçən görüşlərdə seçicilər deputatlığa namizədlərə suallarla müraciətlər ediblər. Seçicilərdən professor Həsən Quliyev, veteran futbolçu Nizami Salahov və başqaları növbəti parlament seçkilərində YAP-ın namizədlərinə səs verəcəklərini vurğulayıblar.
Tədbirin sonunda toplantı iştirakçıları qarşısında şəhərin musiqi kollektivləri geniş konsert proqramı ilə çıxış ediblər.
Fazil İsmayılov

Paylaş:

Baxılıb: 1487 dəfə