Şəmkirdə Gənclər Günü ilə bağlı tədbir keçirilib

Bakı:

25 °C

61 %

4 m/s

Əlaqə

AZ RU EN

Ana səhifə / YAP xəbərləri / Şəmkirdə Gənclər Günü ilə bağlı tədbir keçirilib

Şəmkirdə Gənclər Günü ilə bağlı tədbir keçirilib

03.02.2023 [11:28]

Şəmkir Rayon İcra Hakimiyyətinin və YAP Şəmkir rayon təşkilatının birgə təşkilatçılığı ilə 2 fevral - Gənclər Günü ilə bağlı tədbir keçirilib.

Tədbirdən əvvəl rayon gəncləri Şəmkir şəhərinin mərkəzində yerləşən Ulu öndər Heydər Əliyevin abidəsini və Şəhidlər Memorial Abidə Kompleksini ziyarət edib, abidə kompleksləri önünə tər çiçək dəstələri düzüblər.

Daha sonra Şəmkir Gənclər Mərkəzində rayon İcra Hakimiyyətinin başçısı Rəşad Tağıyev, YAP Şəmkir rayon təşkilatının sədri Fəxrəddin Vəliyev, İcra Hakimiyyətinin, YAP Şəmkir Rayon Təşkilatının əməkdaşları və rayonun fəal gənclərinin iştirakı ilə Heydər Əliyev və Azərbaycan Gəncliyi mövzusunda elmi-praktiki Konfrans keçirilmişdir.

Gənclərlə görüş zamanı Gənclər Günü münasibətilə bütün Şəmkir gəncliyini təbrik edən icra başçısı çıxış edərək bildirib ki, bu gün gənc nəslin düzgün yetişdirilməsi ölkə siyasətində önəmli yer tutur: “Əsası ümummilli lider Heydər Əliyev tərəfindən qoyulmuş dövlət gənclər siyasətinin Prezident cənab İlham Əliyev tərəfindən uğurla davam etdirilməsinin nəticəsidir ki, bu gün Azərbaycan gəncləri bütün sahələrdə özlərini doğruldurlar”.

Çıxış edən YAP Şəmkir rayon təşkilatının sədri Fəxrəddin Vəliyev bildirib ki, bu gün hər bir Azərbaycan gənci ümummilli lider Heydər Əliyevin ideyalarını öz fəaliyyətində daim rəhbər tutmalı, möhtərəm cənab prezidentimiz İlham Əliyevin rəhbərliyi altında Azərbaycanın müstəqilliyinin əbədi yaşaması üçün yumruğunu bir hədəfə vurmalıdır. Əlbəttə ki, bu günün gəncliyi vətənpərvər, sağlam ruhlu, özünə inamlı, mübariz gənclikdir. Əminliklə deyə bilərik ki, Şəmkir gəncliyi dövlət başçısının iqtisadi-siyasi, mədəni arenadakı siyasi fəaliyyətini birmənalı dəstəkləyir.

Digər çıxış edənlər qeyd ediblər ki, gənclər də dövlət qayğısını daim öz üzərlərində hiss edərək, nailiyyətləri ilə onlara göstərilən qayğını doğrultmağa çalışırlar. Çünki Prezident İlham Əliyev gənclərə olan münasibətini belə ifadə etmişdir: “Mənim gənclərə xüsusi münasibətim var, mənim ürəyim sizinlədir. Siz bütün işlərdə mənə arxalana bilərsiniz. Mən də sizə arxalanıram”.

Görüşdə iştirak edən gənclər arzu və təkliflərini bildirib, onlara yaradılan şəraitə görə dövlət başçısı İlham Əliyevə və rayon rəhbərinə minnətdarlıq ediblər.

Görüşün sonunda dövlət və özəl sektorda fəaliyyət göstərən gənclər rayonun ictimai-siyasi, mədəni həyatında fəal iştiraklarına görə təltif olunublar.

Paylaş:

Baxılıb: 665 dəfə