Almaniyada görüşlərin ana xəttini Azərbaycanın enerji potensialı ilə bağlı mövzular təşkil edib

Bakı:

27 °C

36 %

6 m/s

AZ RU EN

Ana səhifə / YAP xəbərləri / Almaniyada görüşlərin ana xəttini Azərbaycanın enerji potensialı ilə bağlı mövzular təşkil edib

Almaniyada görüşlərin ana xəttini Azərbaycanın enerji potensialı ilə bağlı mövzular təşkil edib

17.03.2023 [11:38]

İlqar İlyasov, YAP Laçın rayon təşkilatının sədri

Azərbaycan Respublikasının Prezidenti İlham Əliyev cənablarının Almaniya Federativ Respublikasına işgüzar səfəri iki ölkə arasında yeni iqtisadi münasibətlərin formalaşacağından xəbər verir. Azərbaycan Prezidentinin həm Almaniya rəsmiləri, həm də aparıcı alman şirkətlərinin nümayəndələrinin iştirakı ilə keçirilən görüşlərdə səslənən fikirləri göstərir ki, Almaniya iş adamları tərəfindən Azərbaycana və Azərbaycan iqtisadiyyatına böyük diqqət ayrılır. Görüşlərdə əsas diqqət çəkən məqamlar Azərbaycanın enerji potensialına xüsusi diqqət yetirilməsidir. Prezident İlham Əliyev cənabları enerji layihələrindən bəhs edərək deyir: “Layihələrin enerji potensialı 200 qiqavata yaxındır. Beynəlxalq Maliyyə Korporasiyası tərəfindən təsdiqlənmiş 157 qiqavat enerji dənizdədir, qalanı isə qurudadır”. Əslində bütün görüşlərin ana xəttini Azərbaycanın enerji potensialı ilə bağlı mövzular təşkil edib. Rusiya Ukrayna qarşıdurması fonunda Azərbaycanın köhnə qitə üçün əhəmiyyəti daha da artıb. Təbii ki, bunun səbəbi 1994-cü ildən bəri ardıcıl həyata keçirilən uğurlu enerji siyasətdir. Bir vaxtlar inanılmayacaq işləri gerçəyə çevirən Azərbaycan bu dəfə dünya arenasında yeni ampluada çıxış edir. 1994-cü ildə imzalanmış “Əsrin müqaviləsi” Azərbaycanın maliyyə, iqtisadi vəziyyətinin düzəlməsinə, eləcə də yeni texnologiyaların ölkəmizə gətirilməsinə xidmət edirdisə, yeni enerji potensialı köhnə qitənin enerji təhlükəsizliyinin təminatçısına çevriləcəyindən xəbər verir. Prezident İlham Əliyev haqlı olaraq deyir: “Azərbaycan həqiqətən də Avropa üçün vacib yaşıl enerji təchizatçısına çevriləcək. Neft-qaz kəmərlərinin tikintisi üzrə uğurlu təcrübəmizi nəzərə alaraq, enerji təhlükəsizliyi üzrə Avropadan olan ölkələr və şirkətlərlə mövcud əməkdaşlığımız, Avropa Komissiyası tərəfindən bizim planların tamamilə dəstəklənməsi, bir ildən çox müddətdən əvvəl Avropa Komissiyası və bizim Energetika Nazirliyi arasında başlanılmış enerji dialoqu kimi bütün bu amillər həqiqətən onu nümayiş etdirir ki, Azərbaycandan olan yaşıl enerji tezliklə bu gün təbii qaz qədər əhəmiyyətə malik olacaqdır”. Azərbaycan son illərə kimi bütün dünyada neft ölkəsi kimi tanınıb. Son illərdə həmçinin qaz ehtiyatlarının dünya bazarına çıxarılmasına da öz töhfəsini verdi. İndi isə yeni mərhələ başlayır. Azərbaycan yaxın gələcəkdə yaşıl enerjinin ixracına başlayacaq. Bu isə öz növbəsində ölkəmizin iqtisadi inkişafına yeni töhfələr verəcək. Prezidentdə qeyd edir ki, günəş və küləkdən enerjinin əldə edilməsi ilə bağlı potensialın xəritəsi var. Yaşıl enerjinin dünya bazarına ixracı dünyanın ekoloji fəlakətdən qurtarmağa xidmət edir. Azərbaycan həmçinin tranzit ölkə funksiyasını da uğurla yerinə yetirə bilir. Bu mənada ölkə başçısı çox qürurla qeyd edir ki, təşəbbüskarı olduğumuz bütün layihələr artıq ya tamamlanıb, ya da şübhəsiz uğurlu olacaqdır. “Transxəzər layihəsində biz tranzit ölkəsi hesab olunuruq və biz dəfələrlə açıq bəyan etmişik ki, biz Xəzərin o tayında dost və tərəfdaşlarımızın boru kəmərini inşa etməyi qərarlaşdırdığı təqdirdə onlar üçün zəruri tranziti təmin etməyə hazırıq”. Yuxarıda qeyd olunanlar Azərbaycanın enerji sahəsində həm orta, həm də uzunmüddətli əməkdaşlığının perspektivlərindən xəbər verir.

Paylaş:

Baxılıb: 502 dəfə