Ana dilimiz milli sərvətimizdir

Bakı:

28 °C

51 %

11 m/s

Əlaqə

AZ RU EN

Ana səhifə / YAP xəbərləri / Ana dilimiz milli sərvətimizdir

Ana dilimiz milli sərvətimizdir

27.04.2023 [11:36]

Məlumdur ki, hər bir xalqı yaşadan, onun ana dilidir. Ana dili millətin varlığını sübut edən milli sərvətdir.

Azərbaycan xaqlının ümummmilli lideri Heydər Əliyev deyirdi “Hər bir millətin dili onun üçün çox əzizdir. Bizim üçün Azərbaycan dili, ana dilimiz həddindən artıq əzizdir. Çünki çox illər ana dilimiz, Azərabycan dili həyatımızda geniş yer ala bilməmişdir. Amma buna baxmayaraq, hər bir azərbaycanlı dilin qorunub saxlanılmasında az da olsa, çox da olsa, xidmətlərini göstərmişdir. Xüsusən, bizim yazıçılarımız, ədəbiyyatşünaslarımız, şairlərimiz o ağır dövrdə Azərbaycan dilinin yaşamasında böyük xidmətlər göstərmişlər. Mən bu gün böyük iftixar hissi ilə deyə bilərəm ki, Azərbaycan dili XX əsrdə böyük inkişaf yolu keçmişdir. İndi baxın bizim dilimiz nə qədər zəngindir, nə qədər məlahətlidir, nə qədər şirindir və bütün fikirləri ifadə etməsi üçün nə qədər söz ehtiyatlarına malikdir. Biz Azərbaycanda Azərbaycan dilinin hakim olmasını, Azərbaycan dilinin getdikcə inkişaf etməsini təmin edəcəyik”. Bu fikirlər ulu öndərinmizin ana dilimiz, Azərbaycan dilinə nə qədər dəyər verdiyinin, onun dilimizə olan tükənməz sevgisinin, ehtiramının və diqqətinin möhtəşəm ifadəsidir.

Bu bir reallıqdır ki, ümummili lider Heydər Əliyev hakimiyyətdə olduğu bütün dövrlərdə ana dilimiz olan Azərbaycan dilini diqqət mərkəzində saxlamış, ana dilimizin inkişaf etdirilməsi, saflaşması və dövlət dili səviyyəsinə yüksəlməsi istiqamətində əvəzsiz xidmətlər göstərmişdir.

Ulu öndər hələ 1978-ci ildə ona qarşı ciddi təziqlərə baxmayaraq, böyük cəsarət göstərərək Azərbaycan dilini dövlət dili kimi Azərbaycan SSR-in yeni Konstitusiyasına daxil edilməsinə nail olmuşdur.

31 oktyabr-11 noyabr 1995-ci il tarixləri arasında ümummilli lider Heydər Əliyevin şəxsi təşəbbüsü ilə dövlət dili məsələsi Milli Məclisdə müzakirə olunmş və yekdilliklə müstəqil Azərbaycan Respublikasının dövlət dili Azərbaycan dili qəbul edilmişdir.

Ulu öndər Heydər Əliyev 18 iyun 2001-ci ildə “Azərbaycan dilinin tətbiqi işinin təkmilləşdirilməsi haqqında” və 2001-ci il 9 avqust tarixində “Azərbaycan əlifbası və Azərbaycan dili gününün təsis edilməsi haqqında” fərmanlar imzalamışdır. Bu fərmanlar olduqca mühüm əhəmiyyətə malikdir. Belə ki, fərmanlara əsasən ölkə ərazisində yaşayan hər kəs, bütün Azərbaycan vətəndaşları doğma dilimizi öyrənməli, bütün dövlət sənədləri bu dildə aparılmalıdır.

Azərbaycan dilinin inkişaf etdirilməsi istiqamətində Ümummilli Liderimizin atdığı tarixi addımlardan biri də 2 yanvar 2003-cü ildə “Azərbaycan Respublikasında dövlət dili haqqında” Azərbaycan Respublikası Qanunu”nun qəbul edilməsi idi. Qanuna əsasən ölkə ərazisində fəaliyyət gödtərən müəssisə və təşkilatların adları lövhələrdə ilk növbədə ana dilimizdə yazılmalıdır. Həqiqətən də bu ana dilimizin yüksəlişi, tərəqqisi yolunda atılmış mühüm addım idi.

Bu gün bütün sahələrdə olduğu kimi, ana dilimizin inkişaf etdirilməsi istiqamətində ulu öndərimiz Heydər Əliyevin müəyyən etdiyi siyasi kursu Prezidenti cənab İlham Əliyev zamanın tələblərinə uygun olaraq ugurla davam etdirir.

Sahib Şükürov

YAP Göyçay rayon təşkilatının sədri

Paylaş:

Baxılıb: 560 dəfə