Xəzər rayonunda “Heydər Əliyev ili” çərçivəsində “Tarix yazan əbədiyaşar lider” mövzusunda tədbir keçirilib

Bakı:

15 °C

94 %

7 m/s

AZ RU EN

Ana səhifə / YAP xəbərləri / Xəzər rayonunda “Heydər Əliyev ili” çərçivəsində “Tarix yazan əbədiyaşar lider” mövzusunda tədbir keçirilib

Xəzər rayonunda “Heydər Əliyev ili” çərçivəsində “Tarix yazan əbədiyaşar lider” mövzusunda tədbir keçirilib

19.10.2023 [11:38]

Xəzər rayonunda Rayon İcra Hakimiyyətinin və Yeni Azərbaycan Partiyası Xəzər rayon təşkilatının birgə təşkilatçılığı ilə “Heydər Əliyev ili” çərçivəsində “Tarix yazan əbədiyaşar lider” mövzusunda tədbir keçirilib.
18 oktyabr 2023-cü il tarixində YAP Xəzər rayon təşkilatının inzibati binasında keçirilən tədbirdə Rayon İcra Hakimiyyətinin başçısı Elşən Salahov, RİH başçısının müavinləri, Milli Məclisin deputatı Rauf Əliyev, Azərbaycan Respublikasının Milli Məclisinin Təbii Ehtiyatlar, Energetika və Ekologiya Komitəsinin sədri, Milli Məclisin deputatı Sadiq Qurbanov, Yap Xəzər rayon təşkilatının sədri Namiq Əhmədov, Azərbaycan Yazıçılar Birliyinin üzvü, yazıçı, nasir Seyran Səxavət, rayonun idarə-təşkilat, təhsil və səhiyyə müəssisələrinin rəhbərləri, ziyalılar, gənclər və ictimaiyyət nümayəndələri iştirak ediblər.
Tədbir iştirakçıları öncə Yap Xəzər rayon təşkilatının inzibati binasının foyesində ucaldılmış Ümummilli Lider Heydər Əliyevin büstünü ziyarət edib, önünə gül dəstələri düzüb, xatirəsini ehtiramla yad ediblər.
Azərbaycan Respublikasının Dövlət Himninin səslənməsi ilə başlayan tədbirdə Ümummilli Lider Heydər Əliyevin, eləcə də ölkəmizin ərazi bütövlüyü və suverenliyi uğrunda mübarizədə canlarını qurban vermiş şəhidlərimizin xatirəsi bir dəqiqəlik sükutla yad edilib.
Tədbirdə giriş sözü ilə çıxış edən Rayon İcra Hakimiyyətinin başçısı Elşən Salahov Ümummilli lideri Heydər Əliyevin yorulmaz fəaliyyəti nəticəsində bu gün Azərbaycanın iqtisadi cəhətdən özünü tam təmin edən, heç bir ölkədən asılı olmayan və tamamilə müstəqil siyasət yeridən bir ölkəyə çevrildiyini, Heydər Əliyevin 100 illik yubileyi dövründə bu dahi şəxsiyyətin xilaskarlıq missiyası, Azərbaycan xalqı və dövləti üçün misilsiz xidmətlərinin xüsusi minnətdarlıqla xatırlandığını, “Heydər Əliyev ili” çərçivəsində çoxsaylı tədbirlərin, konfransların baş tutmasının Ümummilli liderin xatirəsinə bəslənən tükənməz sevgi və ehtiramdan xəbər verdiyini bildirib.
Tədbirdə çıxış edən Milli Məclisin deputatı Rauf Əliyev, Azərbaycan Respublikasının Milli Məclisinin Təbii Ehtiyatlar, Energetika və Ekologiya Komitəsinin sədri, Milli Məclisin deputatı Sadiq Qurbanov, Yap Xəzər rayon təşkilatının sədri Namiq Əhmədov, Azərbaycan Yazıçılar Birliyinin üzvü, yazıçı, nasir Seyran Səxavət Ümummilli lider Heydər Əliyevin öz xalqını zamanın mürəkkəb tarixi-siyasi sınaqlarından uğurla çıxarmaqla onu müstəqilliyə qovuşduran qüdrətli şəxsiyyət olduğunu, Azərbaycan xalqının yeni əsrə və yeni minilliyə məhz Heydər Əliyev zəkasının işığında qədəm qoyduğunu qeyd ediblər.
Daha sonra çıxış edən 262 №-li tam orta məktəbin direktoru Kəmalə Babayeva, S.Rüstəm adına Xarici Dillər Təmayüllü Gimnaziyanın direktoru Tural Mirzəliyev və 156 №-li tam orta məktəbin tarix müəllimi Mənzər Ağabəyova Azərbaycanın tarixində misilsiz xidmətləri ilə əbədiyaşarlıq qazanmış böyük tarixi şəxsiyyət, müasir Azərbaycanın mürəkkəb və taleyüklü dövründə dövlətə rəhbərlik missiyasını öz üzərinə götürən Heydər Əliyevin nəinki xalqımızın ən parlaq siması, eləcə də dünya siyasi elitasının görkəmli şəxsiyyətlərindən biri kimi tarixdə silinməz iz qoyduğunu vurğulayıblar.

Paylaş:

Baxılıb: 499 dəfə