Heydər Əliyev
yeni azerbaycan logo

Ana səhifə / YAP xəbərləri / YAP Nərimanov rayon təşkilatı 18 oktyabr Müstəqilliyin Bərpası Günü ilə bağlı tədbir keçirib

YAP Nərimanov rayon təşkilatı 18 oktyabr Müstəqilliyin Bərpası Günü ilə bağlı tədbir keçirib

19.10.2023 [11:42]

Yeni Azərbaycan Partiyası Nərimanov rayon təşkilatı və Odlar Yurdu Universitetinin birgə təşkilatçılığı ilə 18 oktyabr Müstəqilliyin Bərpası Gününə həsr olunmuş tədbir keçirilib.

Tədbirdə Yeni Azərbaycan Partiyası Nərimanov rayon təşkilatının sədri Samir Vəliyev, Odlar Yurdu Universitetinin rektoru Əhməd Vəliyev, YAP Nərimanov rayon təşkilatının əməkdaşları, Odlar Yurdu Universitetinin kollektivi, müəllim və tələbə heyəti iştirak edib.

Tədbirdə ilk öncə Azərbaycan Respublikasının Dövlət Himni səsləndirilib. Sonra Ulu Öndər Heydər Əliyevin və Vətənimizin bütövlüyü uğrunda canından keçmiş şəhidlərimizin ruhu bir dəqiqəlik sükutla anılıb.

Tədbirdə Odlar Yurdu Universitetinin rektoru Əhməd Vəliyev və Yeni Azərbaycan Partiyası Nərimanov rayon təşkilatının sədri Samir Vəliyev çıxış edərək, 18 Oktyabr – Müstəqilliyin Bərpası Günü münasibətilə tədbir iştirakçılarını təbrik ediblər. Bildirilib ki, Azərbaycan Respublikasının dövlət müstəqilliyini əldə etməsi tarixi hadisədir və ölkə vətəndaşları üçün əlamətdar gündür. Natiqlər müstəqilliyin bərpasından sonrakı hadisələrdən bəhs edərkən qeyd ediblər ki, ulu öndər Heydər Əliyevin hakimiyyətə gəlməsi ilə dövlət müstəqilliyinin möhkəmləndirilməsi istiqamətində görülən işlər və atılan məqsədyönlü addımlar Azərbaycanın bugünkü uğurları üçün ən etibarlı təməl olub. Ümummilli liderin layiqli davamçısı, ölkə Prezidenti İlham Əliyevin apardığı uğurlu və məqsədyönlü daxili və xarici siyasət dövlətimizin daha da güclənməsinə, regionda lider olmasına gətirib çıxarıb. 44 günlük Vətən müharibəsinə, Ali Baş Komandan İlham Əliyevin rəhbərliyi altında məğlubedilməz Ordumuzun son antiterror əməliyyatı ilə bütövləşən Azərbaycanımızın qələbələrinə diqqət çəkilib. Vurğulanıb ki, bu qələbələr xalqımızın qəlbində və zehniyyətində qəhrəmanlıq salnaməsinə çevrilib.

Digər çıxış edənlər dövlət müstəqilliyimizin əhəmiyyətindən, Azərbaycanın siyasi, iqtisadi, mədəni sahələrdə qazandığı nailiyyətlərdən bəhs ediblər.

Çıxışlardan sonra tədbir Odlar Yurdu Universitetinin tələbələrinin ifasında bədii hissə ilə davam edib.

Paylaş:
Baxılıb: 473 dəfə

Xəbər lenti

Hamısına bax

İqtisadiyyat

Sosial

Ədəbiyyat

Ədəbiyyat

Dialoqlar

16 May 08:50

Ədəbiyyat

Şənbə üçün nəzm

16 May 08:33  

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31