Novruz bayramı bütöv və suveren Azərbaycanda qeyd edilir

Bakı:

22 °C

53 %

2 m/s

Əlaqə

AZ RU EN

Ana səhifə / YAP xəbərləri / Novruz bayramı bütöv və suveren Azərbaycanda qeyd edilir

Novruz bayramı bütöv və suveren Azərbaycanda qeyd edilir

19.03.2024 [11:21]

Bir çox türk və müsəlman ölkələrində olduğu kimi, Novruz bayramı Azərbaycanda da qeyd edilir. Azərbaycan xalqı da qədim zamanlardan özünün adət-ənənəsini yaratmış, zəmanə dəyişsə də bugünə qədər bu ənənələri yaşatmışdır. Novruz bayramı Azərbaycan xalqının qədim adət-ənənələrini özündə əks etdirən milli bayramlarındandır.

Sovetlər dövrün mövcud olan ciddi qadağalara, çətinliklərə baxmayaraq müdrük Azərbaycan xalqı Novruz bayramını qeyd etmiş, yaşatmışdır. Xalqımızın ümummilli lideri Heydər Əliyev xalqın istək, arzu və təkidli tələbi ilə yenidən hakimiyyətə qayıtdıqdan sonra Novruz bayramı dövlət səviyyəsində rəsmi bayram olaraq qeyd edilməyə başlanılmışdır.

Azərbaycan xalqı hər həftənin çərşənbə axşamı öz adət-ənənələrinə müvafiq olaraq - Su, Od, Yel və Torpaq çərşənbəsi (ilaxır və ya bayram çərşənbəsi) qeyd edilir. Xalq deyimlərinə görə, ilk çərşənbədə su və su mənbələri yenilənir və hərəkətə başlayır, ikinci çərşənbədə odun, üçüncü çərşənbədə torpağın, dördüncü çərşənbədə isə küləyin köməyi ilə ağaclarda tumurcuqlar cücərir və bütün bunlar yazın gəlişindən xəbər verir.

Ümummilli lider Heydər Əliyev hər zaman xalqımızın milli adət-ənənələrimizə yüksək qiymət vermişdir. Ulu öndər Novruz bayram haqqında demişdir: “Novruz xalqımızın əsrlərdən bəri qoruyub saxladığı və bütün dövrlərdə həmişə əziz tutduğu bayramlardan biridir. Onun tarixi də Azərbaycan xalqının tarixi kimi kəşməkəşli, enişli-yoxuşlu olmuşdur. Bu ulu bayramın müstəqil respublikamızda dövlət səviyyəsində qeyd edilməsi öz milli köklərimizə, adət-ənənələrimizə, tarixi keçmişimizə dərin ehtiram bəslədiyimizi və sarsılmaz tellərlə bağlı olduğumuzu nümayiş etdirir”.

Ulu öndər Heydər Əliyevin ideyalarını yaşadan, Onun siyasi kursunu uğurla davam etdirən Prezident İlham Əliyev Novruz Bayramını milli mənəvi dəyərlərimizin təcəssümü adlandıraraq, Novruzun gələcəyə inam hissi aşıladığını, könüllərdə ən ali duyğuları oyatdığını, insanları daha xeyirxah, mərhəmətli və mehriban olmağa çağırdığını bildirmişdir.

Ümummilli liderimiz Heydər Əliyev kimi Prezident İlham Əliyev də Novruz Bayramına xüsusi önəm verir. Dövlətimizin başçısı hər il Novruz bayramı münasibətilə xalqı təbrik edir, xalqımızla birgə keçirilən el şənliklərində iştirak edir.

Bu gün də Novruz bayramı milli bayram olaraq xalqımızın qədim adət-ənənələri bütün dünyada geniş təbliğ edilir. Bu işdə Azərbaycanın Birinci vitse-prezidenti, Heydər Əliyev Fondunun Prezidenti, Mehriban xanım Əliyevanın xüsusi xidmətləri vardır. Məhz Mehriban xanım Əliyevanın səyi nəticəsində Novruz bayramı YUNESKO tərəfindən qeyri-maddi mədəni irs siyahısına daxil edilmişdir. 23 fevral 2010-cu ildə isə BMT Baş Assambleyasının 64-cü sessiyasının iclasında mart ayının 21-i "Beynəlxalq Novruz Günü" elan edilmişdir.

Ulu öndər Heydər Əliyev hər zaman əminliklə deyirdi ki, “Gün o gün olacaq ki, Novruz bayramını bir dəfə Şuşada, o biri il Laçında, o biri il Kəlbəcərdə, Ağdamda, Füzulidə, Cəbrayılda, Zəngilanda, Qubadlıda keçirəcəyik. Əminəm ki, belə də olacaqdır. Mən buna inanıram və bu inamla yaşayıram”. 27 sentyabr 2020-ci ildə başlamış və 44 gün davam edən Vətən müharibəsində Müzəffər Ali Baş Komandan İlham Əliyevin rəhbərliyi ilə rəşadətli Azərbaycan ordusu düşmən ordusunu darmadağın edərək torpqlarımızı düşmən tapdağından azad etdi. Ulu öndərin arzuları gerçək oldu. Artıq Novruz bayramı bütöv və suveren Azərbaycanda qeyd edilir.

Sahib Şükürov

YAP Göyçay rayon təşilatının sədri

Paylaş:

Baxılıb: 586 dəfə