Yeni Azərbaycan Partiyası yarandıqdan bu günə qədər çox böyük, şərəfli və uğurlu yol keçib

Bakı:

25 °C

73 %

4 m/s

Əlaqə

AZ RU EN

Ana səhifə / Xəbər lenti / Yeni Azərbaycan Partiyası yarandıqdan bu günə qədər çox böyük, şərəfli və uğurlu yol keçib

Yeni Azərbaycan Partiyası yarandıqdan bu günə qədər çox böyük, şərəfli və uğurlu yol keçib

16.11.2021 [12:14]

“21 noyabr Azərbaycanın tarixində mühüm rol oynayan, demək olar ki, ölkə müqəddəratını həll edən günlərdən biri kimi tarixin yaddaşlarına həkk olunub. Çünki məhz bu tarix Azərbaycanda yeni siyasi iradənin, güclü Azərbaycanın, əsasının qoyulduğu gündür. Yeni Azərbaycan Partiyasının təsis konfransının keçirilməsi ilə sanki ulu tanrı Azərbaycan xalqına gələcək müsibətlərdən xilas olmaq üçün yeni bir yol, cığır açdı”. Bunu deputat Vüqar İskəndərov açıqlamasında bildirib.

Vüqar İskəndərov qeyd edib ki, müstəqilliyimizin ilk illərində səriştəsiz siyasətçilərin idarəçiliyi nəticəsində ölkə dağılmaq və müstəqilliyini itirmək təhlükəsi ilə üz-üzə qalmışdı: “Azərbaycan xalqı hər ötən gün sanki faicələrə sürüklənirdi. Xalqımızın ziyalı, vətənpərvər aydınları artıq dərk edirdilər ki, ölkəni idarə etmək, xalqı fəlakətdən qurtarmaq üçün yeni siyasi liderə və siyasi idarəetməyə ehtiyac var. Əlbəttə həmin dövrdə Azərbaycanı bu müsibətlərdən qurtaracaq yeganə şəxs ümummilli lider Heydər Əliyev olardı. Ona görə də 91 nəfər Azərbaycan ziyalısının imzası ilə Naxçıvana, Heydər Əliyevə müraciət göndərildi. Azərbaycanın ən yeni tarixinə “91-lər”in müraciəti kimi daxil olan həmin sənəd əslində, bütün xalqın arzu və istəklərinin ifadəsi idi. Çünki Azərbaycana yeni siyasi partiya və ulu öndər kimi uzaqgörən bir siyasətçi lazım idi. Azərbaycanın görkəmli ziyalıları, tanınmış insanları və nüfuzlu şəxsiyyətlərinin imzaladıqları bu müraciətdə Heydər Əliyevdən yeni yaradılacaq siyasi partiyaya rəhbərlik etmək xahiş olunurdu. Daim həyatını xalqı üçün fəda edən, bütün ömrünü Azərbaycanın inkişafı və güclənməsinə həsr edən Ümummilli lider isə yenə ən çətin günlərində xalqın yanında olmaqla Azərbaycanı dağılmaq təhlükəsindən qurtardı. Ölkənin bütün regionlarından seçilmiş nümayəndələrin təmsil olunduğu konfrans 1992-ci il noyabrın 21-də Heydər Əliyevin sədrliyi ilə keçirildi. 550 nəfərdən ibarət təşəbbüs qrupu Naxçıvana gedərək partiyanın təsis konfransını orada keçirməyə nail oldular. Təsis konfransı Yeni Azərbaycan Partiyasının yaradılması haqqında qərar, partiyanın Proqram və Nizamnaməsini qəbul etdi. Konfransda Heydər Əliyev yekdilliklə partiyanın Sədri seçildi. Əlbəttə bu partiyanın yaranması xalqın həyatında dönüş nöqtəsi oldu. Çünki artıq xalq Yeni Azərbaycan Partiyasını iqtidarda görmək istəyirdi. Ulu Öndər Heydər Əliyevin yaratdığı partiya ötən illər ərzində siyasi sabitliyin və davamlı inkişafın təminatçısı kimi çıxış etmişdi. Qısa müddət ərzində ümumxalq partiyasına çevrilmiş Yeni Azərbaycan Partiyası yarandıqdan bu günə qədər çox böyük, şərəfli və uğurlu yol keçmişdir. 29 il sonra biz bir daha əmin olduq ki, xalq o vaxt seçimini düzgün edib. Bu gün Azərbaycan ən güclü dövrünü yaşayırsa məhz bu partiya rəhbərlərinin yeritdiyi düzgün siyasətin nəticəsidir. Həqiqətən də ulu öndərimizin qeyd etdiyi kimi Yeni Azərbaycan Partiyası Azərbaycanın tək bu gününün deyil, gələcəyin partiyasıdır, 21-ci əsrin, 3-cü minilliyin partiyasıdır fikri bu gün tam özünün təsdiqi tapmış olur”.

Paylaş:

Baxılıb: 1141 dəfə