YAP-ın dövlətçiliyimizin inkişafında rolu

Bakı:

2 °C

80 %

8 m/s

Əlaqə

AZ RU EN

Ana səhifə / Xəbər lenti / YAP-ın dövlətçiliyimizin inkişafında rolu

YAP-ın dövlətçiliyimizin inkişafında rolu

17.11.2021 [11:39]

Yeni Azərbaycan Partiyası Azərbaycanın dövlətçilik tarixində mühüm yerə, ölkəmizdə siyasi mədəniyyətin formalaşması və inkişafı prosesində əhəmiyyətli rola malikdir. 1992-ci ilin noyabrında zamanın tələbi, xalqın çağırışı ilə təsis edilən, cəmi 7 aydan sonra iqtidar partiyasına çevrilən YAP-ın ötən 29 ildə əldə etdiyi uğurları, bu partiyanın Azərbaycan dövlətçiliyinin möhkəmlənməsi istiqamətindəki xidmətlərini təhlil edərkən, şübhəsiz, ilk olaraq bu partiyanı yaradan, onun meydana çıxmasını zəruri edən tarixi şərtlərə nəzər salmaq lazımdır.

Yeni Azərbaycan Partiyası çox mürəkkəb bir tarixi şəraitdə yaradıldı. 1992-ci ilin 24 oktyabrında ölkəmizdə böyük nüfuz sahibi olan 91 ziyalı həmin dövrdə Naxçıvan Muxtar Respublikasının Ali Məclisinə Sədrlik edən Azərbaycan xalqının Ümummilli lideri Heydər Əliyevə müraciət edərək Onu Bakıya gəlməyə və bu böhrana son qoymağa, yeni yaradılacaq partyaya rəhbərlik etməyə dəvət etdilər. Bu təkcə müasir Azərbaycan tarixinə «91-lər» kimi düşmüş 91 nəfər Azərbaycan vətəndaşının müraciəti deyildi. Heydər Əliyevin yenidən hakimiyyətə qayıtması bütün Azərbaycan xalıqının istəyi, arzusu idi. Daim xalqını düşünən, onunla bir yerdə olan və ömrünün böyük hissəsini bu dövlətin inkişafına həsr edən Heydər Əliyev bu çağırışa müsbət cavab verdi və Yeni Azərbaycan Partiyasının təsis konfransı 1992-ci il noyabrın 21-də Naxçıvanda Heydər Əliyevin sədrliyi ilə keçirildi.

Ötən 29 ildə YAP gündən-günə xalqın partiyasına çevrildi. Ümummilli Liderimizin layiqli davamçısı Prezident İlham Əliyevin qətiyyəti, iradəsi və fenomanel idarəçiliyi qısa zamanda Azərbaycanı regionun lider dövlətinə çevirdi. Azərbaycan BMT Təhlükəsizlik Şurası, Qoşulmama Hərəkatı kimi beynəlxalq təşkilatlara rəhbərlik edərək öz gücünü, mövqeyini dünyaya nümayiş etdirdi. 2020-ci ilin payızında qazanılan tarixi zəfər isə 30 ilə yaxın işğal altında olan torpaqlarımızın azadlığa qovuşmasına yol açdı.

Qeyd etmək lazımdır ki, 30 ilə yaxın məcburi köçkün həyatı yaşayan Qubadlı rayonunun əhalisi hər zaman Ulu öndər Heydər Əliyev siyasətinə sadiqliyi ilə seçilib. 2020-ci ilin oktyabrın 25-də Ali Baş Komandanımız İlham Əliyevin Qubadlının işğaldan azad edilməsi ilə bağlı müjdəsi hər birimizin illərlə sürən həsrətinə son qoydu. Bütün Qubadlı ictiimaiyyəti hər zaman Ali Baş Komandanımıza minnətdardır. Qubadlının işğaldan azad olunmasının birinici ildönümündə rayon ictimaiyyəti ilə görüşündə Prezident İlham Əliyev bir daha qətiyyətlə bildirdi ki, ermənilər tərəfindən dağıdılan bütün ərazilərimiz bərpa olunacaq, Qarabağ, Zəngəzur cənnətə çevriləcək.

YAP-ın bütün rayon təşkilatları kimi, Qubadlı rayon təşkilatı da ötən 29 ildə dövlət maraqlarının müdaifəsi istiqamətində aparılan siyasətə öz töhfəsini verib və hər zaman işlərini Yeni Azərbaycan Partiyasının Proqram və Nizamnaməsi, partiyamızın Sədri cənab İlham Əliyevin nitq və çıxışlarından irəli gələn vəzifələri, eləcə də, partiyanın Mərkəzi Aparatının tövsiyə və tapşırıqlarını yüksək keyfiyyətlə həyata keçirir. 38 min 616 nəfər rayon əhalisi respublikamızın 41 şəhər və rayonunda məskunlaşıb. Hazırda partiyanın rayon təşkilatında 83 ərazi ilk partiya təşkilatı fəaliyyət göstərir. Üzvlərimizin sayı 3613 nəfərdir. Onlardan 1555 nəfəri kişilər, 2058 nəfəri isə qadınlardır. Partiya üzvlərimizin 1825 nəfərini gənclər təşkil edir. 320 nəfər isə ötən konfransdan sonra partiyaya üzv qəbul edilib.

Allahverdi Haxverdiyev

YAP Qubadlı rayon təşkilatının sədri səlahiyyətlərinin icraçısı

Paylaş:

Baxılıb: 828 dəfə