MEDİA-dan maarifləndirici videoçarx

Bakı:

24 °C

54 %

6 m/s

Əlaqə

AZ RU EN

Ana səhifə / Xəbər lenti / MEDİA-dan maarifləndirici videoçarx

MEDİA-dan maarifləndirici videoçarx

01.09.2022 [10:18]

Ən çox verilən suallar...

Nicat PAŞA

Prezident İlham Əliyevin “Azərbaycan Respublikasında media sahəsində islahatların dərinləşdirilməsi haqqında” 2021-ci il 12 yanvar tarixli Fərmanı ilə yaradılan Azərbaycan Respublikasının Medianın İnkişafı Agentliyi fəaliyyətini uğurla davam etdirməkdədir. Yarandığı gündən etibarən ölkə mediasının inkişafı istiqamətində mühüm layihələr həyata keçirən MEDİA jurnalist savadlılığının artırılması istiqamətində daha bir uğurlu layihəyə imza atıb. Belə ki, agentlik “Media haqqında” Qanuna dair maarifləndirmə videoçarxı hazırlayıb.

Qeyd edilən maarifləndirmə videoçarxında MEDİA Agentliyi qanunda nəzərdə tutulan bir sıra məqamları xatırladıb. Xüsusilə qeyd etmək lazımdır ki, materialda müvafiq qanunda göstərilən müddəalar daha asan başa düşülməsi üçün sual-cavab şəklində izləyicilərə təqdim olunub.

“Yeni Azərbaycan” qəzeti həmin videomaterialın məzmununu olduğu kimi təqdim edir:

Sual: Onlayn media subyekti özünün veb-saytında hansı məlumatları göstərməlidir?

Cavab: Adını, VÖEN-i, domen adının sahibini, məsul redaktorun soyadı, adı və atasının adını, onlayn media subyektinin fəaliyyət göstərdiyi ünvanı və əlaqə vasitələrini. Qeyd edək ki, bu məlumatlar veb-saytda “ƏLAQƏ” başlığı altında və istifadəçilərin ana səhifədən birbaşa daxil ola biləcəkləri şəkildə göstərilməlidir. (“Media haqqında” Qanunun 60.2-ci və 60.3-cü maddəsi)

Sual: Onlayn media subyektinin özü tərəfindən istehsal olunan kütləvi informasiyanın sayına dair minimal tələb mövcuddurmu?

Cavab: Hər ay 20 gün ərzində gündəlik olaraq öz məhsulu olan azı 20 kütləvi informasiya dərc etməlidir. Bu say hesablanarkən dövlət orqanları (Qurumları) tərəfindən yayılan rəsmi məlumatlar (press-relizlər) və informasiya agentliklərinin informasiyası nəzərə alınmır. (“Media haqqında” Qanunun 60.5-ci maddəsi)

Sual: Mediada yayılmış həqiqətə uyğun olmayan məlumata görə redaksiya və jurnalist hansı hallarda məsuliyyət daşımır?

Cavab: Həmin məlumat dövlət orqanlarının (qurumlarının) vəzifəli şəxsləri və ya onların mətbuat xidmətləri tərəfindən rəsmi yayılmışdırsa, həmin məlumat informasiya agentliklərindən və ya idarə, müəssisə, təşkilat siyasi partiya və qeyri-hökumət təşkilatlarının mətbuat xidmətləri tərəfindən yayılmışdırsa, həmin məlumat Milli Məclisin deputatlarının, dövlət orqanlarının (qurumlarının), bələdiyyələrin, idarə, müəssisə, təşkilat və qeyri-hökumət təşkilatlarının nümayəndələrinin, habelə vəzifəli şəxslərin rəsmi çıxışlarında olduğu kimi təkrar edilmişdirsə (“Media haqqında” Qanunun 77.2-ci maddəsi), həmin məlumat canlı yayımla efirə gedən çıxışlarda səsləndirilmişdirsə.

Paylaş:

Baxılıb: 583 dəfə