Türk dünyasının ortaq dəyəri

Bakı:

29 °C

57 %

3 m/s

Əlaqə

AZ RU EN

Ana səhifə / Xəbər lenti / Türk dünyasının ortaq dəyəri

Türk dünyasının ortaq dəyəri

18.01.2023 [10:37]

Ankarada tanınmış rejissor Tofiq Kazımovun 100 illiyi qeyd olunub

Beynəlxalq Türk Mədəniyyət Təşkilatında (TÜRKSOY) tanınmış Azərbaycan teatr rejissoru Tofiq Kazımovun anadan olmasının 100 illiyinə həsr olunmuş tədbir keçirilib.

“Yeni Azərbaycan”ın Ankara bürosunun məlumatına görə, Azərbaycanın Ankaradakı səfirliyi, Azərbaycan Mədəniyyət Nazirliyi, Cəfər Cabbarlı adına Azərbaycan Dövlət Teatr Muzeyi və TÜRKSOY-un birgə təşkilatçılığı ilə tədbir iştirakçıları öncə Tofiq Kazımovun rejissorluğu ilə səhnələşdirilən tamaşaların fotosərgisi və rejissor haqqında qısa filmlə tanış olublar.

TÜRKSOY Baş katibi Sultan Rayev, Azərbaycanın Türkiyədəki Fövqəladə və səlahiyyətli səfiri Rəşad Məmmədov, Türkiyə Mədəniyyət və Turizm Nazirliyinin Dövlət Teatrları Baş İdarəsinin əməkdaşı Emre Başer, Azərbaycan Mədəniyyət və İncəsənət Universitetinin professoru İsrafil İsrafilov, İzmir Dövlət Teatrının rejissoru Murat Çidamli, Çukurova universitetinin müəllimi, Azərbaycanın xalq artisti Cahangir Novruzov, teatrşünas Atabey Barış və Tofiq Kazımovun qızı Aytən Kazımova çıxış edərək Tofiq Kazımovun Azərbaycan teatrına və türk dünyasına verdiyi töh?ələrdən bəhs ediblər.

Türk dünyasının zəngin mədəniyyətini, incəsənətini əks etdirən TÜRKSOY-un bu il 30-cu ildönümünün olduğunu xatırladan Sultan Rayev bildirib ki, bu il həm də Azərbaycan teatrının 150-ci ildönümüdür.

Baş katib TÜRKSOY Daimi Şurasının qərarı ilə 2023-cü il Şuşa şəhərini Türk dünyasının mədəniyyət paytaxtı elan etdiyini vurğulayaraq bildirib ki, may ayından başlayaraq Qarabağda silsilə tədbirlər keçiriləcək. Azərbaycanın yetişdirdiyi önəmli şəxsiyyətlər Nizami, Nəsimi, Molla Pənah Vaqif, Mirzə Fətəli Axundzadə, Əli Bəy Hüseynzadə, Əhməd Cavad, Hüseyn Cavid, Cəfər Cabbarlı, Səməd Vurğun, İlyas Əfəndiyev, Bəxtiyar Vahabzadə, Qara Qarayev, Niyazi, Mikayıl Abdullayev, Fikrət Əmirov və digərlərinin adını çəkərək bildirib ki, türk dünyasına əhəmiyyətli təsiri olan bu şəxslərin arasında rejissor Tofiq Kazımov da var.

Səfir Rəşad Məmmədov bildirib ki, Tofiq Kazımov yaradıcılığı ilə Azərbaycan tarixində önəmli yer tutan şəxsiyyətdir və təkcə Azərbaycan türklərinin deyil, bütün türk dünyasının ortaq dəyəridir.

Qeyd edək ki, Tofiq Kazımov Azərbaycan teatrında 30 il xidmət göstərib, dünya dramaturgiyasından bir çox fərqli dildə olan əsərlərə səhnə həyatı verərək Azərbaycan seyrçisinə təqdim edib. Mirzə Fətəli Axundzadə, Maksim Qorki, Nazim Hikmət, Viktor Hüqo, Anton Pavloviç Çexov, Şekspir, Cəlil Məmmədquluzadə, Məmməd Səid Ordubadi, Cəfər Cabbarlı, Bəxtiyar Vahabzadə, İlyas Əfəndiyev və bir çox başqa yazarların əsərlərini səhnəyə qoyub.

Rejissor bir neçə dəfə dövlət mükafatına layiq görülüb, çox sayda aktyor və rejissor yetişdirib. Tofiq Kazımov 57 yaşında, 2 avqust 1980-ci ildə dünyasını dəyişib və İkinci fəxri Xiyabanda dəfn edilib.

Sevil Hilalqızı Ünal,

Ankara

Paylaş:

Baxılıb: 505 dəfə