Xalqımıza qarşı törədilən cinayətlərdə əli olan Saakyan...

Bakı:

20 °C

88 %

3 m/s

Əlaqə

AZ RU EN

Ana səhifə / Xəbər lenti / Xalqımıza qarşı törədilən cinayətlərdə əli olan Saakyan...

Xalqımıza qarşı törədilən cinayətlərdə əli olan Saakyan...

05.10.2023 [10:45]

Ali savadı belə olmayan cinayətkar məhkəmədə cavab verəcək

Qarabağdakı xuntanın çöküşü ilə Azərbaycan xalqına və dövlətinə qarşı qeyri-qanuni fəaliyyət göstərmiş, cinayətlərdə günahlandırılan şəxslərin mühakiməsinə başlanılıb. Ən əsası isə Qarabağdakı separatçıların keçmiş rəhbərləri Azərbaycanın ədalət məhkəməsinə çıxarılır. Onlardan biri də Azərbaycan Respublikası Dövlət Təhlükəsizliyi Xidməti tərəfindən saxlanılaraq Bakıya gətirilən Bako Saakyandır. Bu şəxs Qarabağdakı qeyri-qanuni xuntanın başçısı kimi Azərbaycanın qanunvericiliyini pozaraq separatizmə şərait yaradıb. Bununla bağlı Saakyanın dosyesini təqdim edirik.

Bako Saakoviç Saakyan 1960-cı ildə Xankəndi şəhərində doğulub. 1977-ci ildə Xankəndi şəhər 1 saylı orta məktəbi bitirən Saakyan 1981-ci ildə Xankəndi 9 saylı İstehsalat Mexanikləşdirilmiş Zavodunda mexanik kimi işə qəbul edilib. 1982-ci ildə Xankəndi tikinti materialları zavodunda daşqırıcı olub. 1983-1987-ci illərdə Qədim abidələrin bərpası elmi şöbəsinin Stepanakert filialında usta bərpaçı, 1987-1990-cı illərdə rayon təchizat idarəsində tədarükçü işləyib. 1988-ci ildən Qarabağdakı separatçı hərəkətlənmənin fəallarından biri kimi tanınıb. Həmin illərdə Saakyan separatçılar üçün xarici ölkələrdən qaçaqmalçılıq yolu ilə silah gətirilməsinə məsul idi. Bir sözlə, o, karyerasına belə başlayıb. Lakin bir müddət sonra onun pul mənimsədiyi üzə çıxıb və nəticədə bu “vəzifə”dən kənarlaşdırılıb. Onun da əli Azərbaycan xalqının qanına batıb. 1990-94-cü illərdə xalqımıza qarşı törədilən cinayətlərdə Saakyanın fəal iştirakı olub.

1990-cı ildə o, “dqr özünümüdafiə qüvvələri” adlı qanunsuz silahlı birləşmənin üzvü olub. 1992-1993-cü illərdə qondarma rejimin “özünümüdafiə qüvvələri komitəsinin” maddi-texniki təchizat üzrə müavini, 1993-1995-ci illərdə “maddi-texniki təchizat üzrə qərargah rəisi”, 1995-1996-cı illərdə qondarma rejimin “müdafiə ordusu komandanı”nın xarici əlaqələr üzrə müavini, 1997-1999-cu illərdə Ermənistanın daxili işlər və milli təhlükəsizlik nazirinin köməkçisi olub. 1999-2001-ci illərdə “dqr daxili işlər naziri”, 2001-2007-ci illərdə “dqr milli təhlükəsizlik naziri” vəzifələrində çalışıb.

Saakyan qondarma rejimin 3-cü başçısı olub. O, ilk dəfə 19 iyul 2007-ci ildə “prezident” seçilib. 19 iyul 2012-ci ildə ikinci dəfə beş il müddətində öz “vəzifə”sində qalıb. Bako Saakyan 2017-ci ildə keçirilən qondarma seçkilərdə yenidən seçilərək, 3 il müddətində bu “vəzifəni” icra edib.

Sentyabrın 19-20-də baş tutan antiterror tədbirləri zamanı qondarma rejimin müqavimətini təşkil etmək üçün “müzakirələr aparan” komitənin üzvü kimi Saakyan da bəzi “məsləhətlər” verib. Bu, erməni mediasında geniş yer alıb. Antiterror tədbirlərinin uğurlu nəticəsi sayəsində Saakyan saxlanılaraq Bakıya gətirilib.

SADİQ

Paylaş:

Baxılıb: 597 dəfə