Deputat Ağalar Vəliyev Ramazan bayramı münasibətilə şəhid, qazi və aztəminatlı ailələrə bayram sovqatları göndərib və İftar mərasimi təşkil edib

Bakı:

11 °C

58 %

6 m/s

AZ RU EN

Ana səhifə / Xəbər lenti / Deputat Ağalar Vəliyev Ramazan bayramı münasibətilə şəhid, qazi və aztəminatlı ailələrə bayram sovqatları göndərib və İftar mərasimi təşkil edib

Deputat Ağalar Vəliyev Ramazan bayramı münasibətilə şəhid, qazi və aztəminatlı ailələrə bayram sovqatları göndərib və İftar mərasimi təşkil edib

05.04.2024 [15:12]

Milli Məclisin deputatı Ağalar Vəliyev seçicilərinə Ramazan bayramı münasibətilə təbrik ünvanlayıb. Seçicilərinə səmimi diləklərini və xoş arzularını yetirən millət vəkilinin təbrikində qeyd olunur ki, ölkəmizdə vicdan və etiqad azadlığının, dövlət-din münasibətlərinin mütərəqqi tarixi ənənəyə və beynəlxalq hüquq normalarına uyğun təmin edilməsi, milli dəyərlərimizin təbliği və təşviqi dövlətimizin siyasətinin əsas prioritetlərindəndir.

Ulu Öndərimiz Heydər Əliyevin hakimiyyətə qayıdışından sonra xalqımızın milli adətləri və dini ənənələri tezliklə bərpa edildi və dini bayramlarımız dövlət səviyyəsində qeyd olunmağa başladı. Bu gün möhtərəm Prezidentimiz cənab İlham Əliyev tərəfindən bu siyasət uğurla davam etdirilir, mənəvi və dini dəyərlərimizə böyük ehtiram və sayğı ilə yanalışılır.

Xalqımız Ramazan bayramını Müzəffər Ali Baş Komandanımız cənab İlham Əliyevin rəhbərliyilə Vətən Müharibəsində və ondan sonrakı dövrdə qazanılan Şanlı Zəfərimizin sayəsində doğma Azərbaycanımızın suverenliyinin bütün ərazilərimizdə təmin olunmasının və Böyük Qayıdışımızın doğurduğu qalibiyyət ovqatı və fəxarət hissi ilə qeyd edir.

Müqəddəs Qurani-Kərimin nazil olduğu və on bir ayın sultanı sayılan mübarək Ramazan ayı Ulu Tanrının mərhəmət və lütfünün ən yüksək dərəcədə təzahür etdiyi saflıq, xeyirxahlıq və ruzi-bərəkət ayıdır. Ən ülvi hissləri və nəcib niyyətləri özündə təcəssüm etdirən, xalqımızın mənəvi zənginliyini və birliyini daha da gücləndirən Ramazan günlərində ölkəmizin firavanlığı və tərəqqisi naminə dualar oxunur, Azərbaycanın müstəqilliyi və ərazi bütövlüyü uğrunda canından keçmiş qəhrəman Vətən övladlarının ölməz xatirəsi dərin ehtiramla yad edilir və igid qazilərimizə şəfalar dilənir. Qədrbilən xalqımız şəhidlərimizin müqəddəs adını həmişə uca tutur, şəhid ailələrinə və müharibə əlillərinə diqqətini və qayğısını heç vaxt əsirgəmir. Ağalar Vəliyev Goranboy rayon ictimaiyyətinin nümayəndələri ilə birgə Balakürd kəndindəki Şəhidlər Xiyabanını zəyarət edib və şəhidlərin məzarlarına tər gül dəstələri qoyub.

Deputatın ofisindən daxil olan məlumata əsasən Ağalar Vəliyevin təşəbbüsü ilə Seçki Dairəsi üzrə Goranboy, Ağdam və Tərtər rayonlarının 30-dan çox yaşayış məntəqəsində 1 030 şəhid, qazi, əlil və aztəminatlı ailəyə təbrik açıqcaları ilə birgə bütün zəruri ərzaq məhsullarından ibarət bayram sovqatları çatdırılıb. Eyni zamanda millət vəkili tərəfindən geniş ictimaiyyətin nümayəndələrinin, şəhid, qazi, imkansız ailələrin, son 8 il ərzində deputatın maliyyə dəstəyilə Həcc və Məşhəd ziyarətlərinə göndərilən mömün sakinlərin iştirakı ilə Goranboy rayonunda 550 nəfərlik böyük iftar mərasimi təşkil olunub.

Şəhid ailələri, qazilər və sakinlər onlara göstərilən yüksək diqqətə və qayğıya görə ölkə rəhbərliyinə minnətdarlıqlarını ifadə ediblər.

Paylaş:

Baxılıb: 619 dəfə