“Xocalıya ədalət!” hərəkatının təsiri böyük olmuşdur

Bakı:

16 °C

72 %

10 m/s

Əlaqə

AZ RU EN

Ana səhifə / Arxiv / “Xocalıya ədalət!” hərəkatının təsiri böyük olmuşdur

“Xocalıya ədalət!” hərəkatının təsiri böyük olmuşdur

02.03.2026 [22:23]

Azərbaycan Respublikasının Prezidenti İlham Əliyev, birinci xanım Mehriban Əliyeva fevralın 26-da Xocalı şəhərində Xocalı Soyqırımı Memorialının açılışında iştirak ediblər.

Xocalı Soyqırımı Memorialı Prezident İlham Əliyevin 2025-ci ilin fevralında imzaladığı Sərəncama əsasən, Xocalı faciəsi qurbanlarının xatirəsinin əbədiləşdirilməsi, tarixi həqiqətlərin gələcək nəsillərə çatdırılması və milli yaddaşın qorunması məqsədilə yaradılıb.

Xocalı soyqırımı XX əsrin ən ağır faciələrindən biri kimi insanlıq tarixinə qara hərflərlə yazılıb. Bir gecənin içində yüzlərlə günahsız insanın, qadınların, uşaqların, qocaların xüsusi qəddarlıqla qətlə yetirilməsi Ermənistanın dövlət səviyyəsində həyata keçirdiyi cinayətkar siyasətin nəticəsi idi. Bu cinayətin məsuliyyəti birbaşa Ermənistan dövlətinin üzərinə düşür və bunu tarix də, faktlar da təsdiqləyir.

Xatırladaq ki, 1992-ci il fevralın 25-dən 26-na keçən gecə Ermənistanın hərbi birləşmələri keçmiş sovet ordusunun Xankəndi şəhərində yerləşən 366-cı motoatıcı alayının iştirakı ilə Xocalıda dəhşətli soyqırımı törədib. Faciə zamanı 613 nəfər qətlə yetirilib. Onların 63 nəfəri uşaq, 106 nəfəri qadın, 70 nəfəri ahıl insan olub. Hərbi təcavüz nəticəsində 8 ailə tamamilə məhv edilib, 25 uşaq hər iki valideynini, 132 uşaq isə valideynlərindən birini itirib.

Cənab Prezidentin vurğuladığı kimi, Azərbaycan bu faciəni unutmadı və unutdurmadı. Uzun illər ərzində həm dövlət səviyyəsində, həm də vətəndaş cəmiyyətinin təşəbbüsləri ilə Xocalı həqiqətləri beynəlxalq ictimaiyyətə çatdırıldı. Xüsusilə Heydər Əliyev Fondunun təşəbbüsü ilə başladılan “Xocalıya ədalət!” kampaniyası bu istiqamətdə mühüm rol oynadı. Fondun vitse-prezidenti Leyla xanım Əliyevanın rəhbərliyi ilə həyata keçirilən ardıcıl və sistemli fəaliyyət nəticəsində bir sıra ölkələr Xocalı soyqırımını rəsmən tanıdı. Bu, informasiya mübarizəsində qazanılmış ciddi diplomatik uğurdur.

İşğaldan azad edilən Xocalıda ucaldılan Memorial soyqırımı qurbanlarının xatirəsini daim yaşadacaq və tarixi həqiqətləri hər bir ziyarətçiyə çatdıracaq.

Bu gün xalqımız XX əsrin ən dəhşətli qırğınlarından biri olan Xocalı soyqırımı qurbanlarının xatirəsini qalib ölkə, qalib xalq kimi yad edir. Xocalı qurbanlarının ruhları bu gün şaddır. Müzəffər Ali Baş Komandanın da dediyi kimi, onların qanı yerdə qalmadı, onların qisası Vətən müharibəsi zamanı döyüş meydanında alındı.

Ağaverdi Əliverdiyev

YAP Qusar rayon təşkilatının əməkdaşı

Paylaş:

Baxılıb: 346 dəfə