Heydər Əliyev
yeni azerbaycan logo

Ana səhifə / Daxili siyasət / Dövlət müstəqilliyi günü Gədəbəy rayonunda da qeyd olunub

Dövlət müstəqilliyi günü Gədəbəy rayonunda da qeyd olunub

19.10.2013 [13:32]

Yeni Azərbaycan Partiyası (YAP) Gədəbəy rayon təşkilatının və Gədəbəy rayon İcra Hakimiyyətinin birgə təşkilatçılığı ilə 18 oktyabr - Dövlət Müstəqilliyi Gününə həsr edilmiş tədbir keçirilib. Tədbir iştirakçıları öncə Ulu öndər Heydər Əliyevin abidəsini ziyarət edib, abidə önünə gül dəstələri düzüblər. 
Daha sonra rayon Mədəniyyət Evində davam etdirilən tədbirdə çıxış edən Gədəbəy rayon İcra Hakimiyyəti başçısının birinci müavini Qüdrət Paşayev bildirib ki, Azərbaycan Respublikasının dövlət müstəqilliyi tarixi nailiyyətdir və xalqımızın qürur mənbəyidir. Müstəqilliyimizə gedən yolun çətinliyindən bəhs edən natiq bildirib ki, bu yola nur, işıq saçan Azərbaycanın böyük oğlu, Ümummilli liderimiz Heydər Əliyev olub: “Müstəqilliyimizin ilk illərindəki hərc-mərclik və xalqımızın maraqlarına zidd siyasət, iqtisadiyyatın zəiflədilməsi, milli sərvətlərin talan edilməsi dərin siyasi və sosial-iqtisadi böhranla nəticələndi. Ölkədə vətəndaş müharibəsi təhlükəsi yarandı. Bu təhlükəni aradan qaldırmaq üçün xalqımız Ümummilli lider Heydər Əliyevə müraciət etdi. Ulu öndər Heydər Əliyevin 1993-cü ilin iyun ayının 15-də siyasi hakimiyyətə qayıdışı ölkəmizdə xaos və anarxiyanı, vətəndaş müharibəsi təhlükəsini aradan qaldırdı. 1994-cü ildə imzalanan “Əsrin müqaviləsi”, Xəzər hövzəsində irimiqyaslı layihələrin həyat keçirilməsi, yeni neft və qaz kəmərlərinin çəkilib istifadəyə verilməsi isə Azərbaycanın dünya iqtisadiyyatına inteqrasiyasına yol açdı”.
Q.Paşayev qeyd edib ki, Ümummilli lider Heydər Əliyevin uzaqgörən siyasəti, zəngin dövlət idarəçiliyi təcrübəsi sayəsində Azərbaycan demokratik, hüquqi və dünyəvi dövlətə çevrilib. Natiq əlavə edib ki, Ümummilli lider Heydər Əliyevin siyasi kursu, dövlət quruculuğu siyasəti möhtərəm Prezidentimiz cənab İlham Əliyev tərəfindən bu gün də uğurla davam etdirilir və zənginləşdirilir: “Məlum olduğu kimi, oktyabrın 9-da keçirilən prezident seçkilərində xalqımız Ulu öndər Heydər Əliyev siyasətinin layiqli davamçısı Prezident İlham Əliyevə səs verməklə növbəti dəfə Azərbaycanın sabit, stabil inkişafını dəstəklədi”.
Daha sonra tədbir geniş konsert proqramı ilə davam etdirilib.
Pərviz SADAYOĞLU

Paylaş:
Baxılıb: 1609 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Gündəm

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30