İmişlidə “Yerli icra hakimiyyəti orqanları ilə kütləvi informasiya vasitələri arasında əməkdaşlığın genişləndirilməsi” mövzusunda regional konfrans keçirilib

Bakı:

26 °C

78 %

4 m/s

AZ RU EN

Ana səhifə / Daxili siyasət / İmişlidə “Yerli icra hakimiyyəti orqanları ilə kütləvi informasiya vasitələri arasında əməkdaşlığın genişləndirilməsi” mövzusunda regional konfrans keçirilib

İmişlidə “Yerli icra hakimiyyəti orqanları ilə kütləvi informasiya vasitələri arasında əməkdaşlığın genişləndirilməsi” mövzusunda regional konfrans keçirilib

12.04.2014 [09:56]

Aprelin 11-də Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) təşkilatçılığı ilə İmişlidə “Yerli icra hakimiyyəti orqanları ilə kütləvi informasiya vasitələri arasında əməkdaşlığın genişləndirilməsi” mövzusunda regional konfrans keçirilib.
AzərTAc xəbər verir ki, konfransdan əvvəl tədbirin iştirakçıları İmişli şəhərində Ümummilli lider Heydər Əliyevin abidəsini ziyarət edərək önünə gül dəstələri qoyublar. Daha sonra şəhərdə müasir memarlıq üslubunda inşa edilmiş Heydər Əliyev Mərkəzi ilə tanışlıq olub.
Mərkəzin konfrans zalında baş tutan tədbirdə İmişli rayon ictimaiyyətinin, yerli media orqanlarının, vətəndaş cəmiyyəti institutlarının təmsilçiləri, həmçinin ümumrespublika yayımlı KİV-lərin rəhbərləri iştirak ediblər.
İmişli rayon İcra Hakimiyyətinin başçısı Vilyam Hacıyev tədbirin əhəmiyyətini qeyd edərək, rayonda gedən abadlıq-quruculuq işləri barədə danışıb.
KİVDF-in icraçı direktoru Vüqar Səfərli bu formatda konfransın media ilə yerli icra hakimiyyəti orqanları arasında əməkdaşlığın inkişafına böyük töhfə verdiyini qeyd edərək deyib: “Bundan öncə də bu qəbildən olan tədbirlər Bakının müxtəlif rayonlarında, regionlarda keçirilib. Əsas nəticə isə odur ki, media ilə yerli icra hakimiyyəti orqanları arasında qarşılıqlı əməkdaşlıq dərinləşir, inkişaf edir”.
Vüqar Səfərli Azərbaycanda medianın inkişaf tarixi, Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun yaradılması və fəaliyyəti barədə də iştirakçılara geniş məlumat verib.
Azərbaycan Mətbuat Şurasının sədri Əflatun Amaşov da cəmiyyətin həyatında medianın oynadığı rol barədə iştirakçılara geniş məlumat verib.
Azərbaycan Milli Televiziya və Radio Şurasının sədi Nuşirəvan Məhərrəmli isə qeyd edib ki, bu gün həyatın hər hansı sahəsini mediasız təsəvvür etmək mümkün deyil. O, İmişlidə gedən abadlıq-quruculuq işlərinin mediada işıqlandırılması barədə fikirlərini iştirakçılarla bölüşüb.
“İki sahil” qəzetinin baş redaktoru Vüqar Rəhimzadə Kütləvi İnformasiya Vasitələrinin İnkişafına Dövlət Dəstəyi Fondunun təşkilatçılığı ilə keçirilən bu səpkili tədbirlərin mühüm önəm kəsb etdiyini bildirib. O, Azərbaycanda digər sahələr kimi, medianın da sürətli inkişaf yolunda olduğunu qeyd edib.
Daha sonra tədbir qarşılıqlı diskussiya şəraitində davam etdirilib.

Paylaş:

Baxılıb: 1647 dəfə