Füzulililər Konstitusiya islahatlarını ölkəmizin inkişafı baxımından vacib hesab edirlər

Bakı:

0 °C

80 %

10 m/s

Əlaqə

AZ RU EN

Ana səhifə / Gündəm / Füzulililər Konstitusiya islahatlarını ölkəmizin inkişafı baxımından vacib hesab edirlər

Füzulililər Konstitusiya islahatlarını ölkəmizin inkişafı baxımından vacib hesab edirlər

13.03.2009 [09:50]

Bu fikir “Yeni Azərbaycan” təşviqat qrupu üzvlərinin rayonun Alıxanlı kəndində seçicilərlə görüşündə bir daha bəyan olundu
“Yeni Azərbaycan” təşviqat qrupunun üzvləri martın 18-də keçiriləcək referendumla əlaqədar rayonlarda görüşlərini davam etdirirlər. Füzuli rayonunun Alıxanlı kəndində dünən keçirilmiş növbəti görüşdə çıxış edən “Yeni Azərbaycan” təşviqat qrupunun Füzuli rayon şöbəsinin sədri Hafiz Tahirov ilk olaraq son 15 ildə Azərbaycanda görülən işlər haqqında məlumat verib. Onun sözlərinə görə, əsası ulu öndər Heydər Əliyev tərəfindən qoyulmuş uğurlu siyasətin Prezidentimiz İlham Əliyev tərəfindən davam etdirilməsi nəticəsində ölkəmiz böyük inkişaf yolu keçib. Təkcə son beş ildə Azərbaycanda həyata keçirilən tədbirlər nəticəsində yoxsulluq böyük ölçüdə aradan qaldırılıb, Azərbaycanın iqtisadi potensialı artıb. 2003-08-ci illər ərzində ölkəmizdə 700 mindən çox iş yerləri açılıb ki, bu da işsizliyin aradan qaldırılmasında böyük rol oynayıb: “Bu gün Azərbaycanda elə bir sahə tapa bilməzsən ki, oraya dövlət qayğısı olmasın, problemlərin həlli üçün səylər göstərilməsin. Eləcə də qaçqın və məcburi köçkünlərlə bağlı problemlər daim diqqət mərkəzindədir. Sevindirici haldır ki, bu məsələlərin həllinə ölkə başçısı İlham Əliyev birbaşa özü nəzarət edir. Cənab Prezident İlham Əliyev 2003-cü ildə bu vəzifəyə seçilərkən demişdi ki, birinci prezidentlik dövründə ölkədə bir dənə də olsun çadır şəhərciyi qalmayacaq. Hazırda bütün qaçqın və məcburi köçkünlər evlərlə təmin olunub, böyük qəsəbələr salınıb. Eləcə də Füzuli rayonunun problemlərinin həlli üçün böyük işlər görülüb. Ona görə də füzulililər dövlət başçısına daim etimad göstərirlər, Onu sevirlər, Ona inanırlar. Biz Füzuli camaatı, Füzuli sakinləri ötən ilin oktyabr ayında keçirilən prezident seçkilərində Prezidentimizə səs verərək bu etimadımızı bir daha rəsmiləşdirdik”.
Daha sonra Füzuli sakinlərinin ölkənin ictimai-siyasi hadisələrində daim fəal olduqlarını diqqətə çatdıran Hafiz Tahirov xatırladıb ki, hazırda ölkəmiz çox böyük siyasi kampaniya ərəfəsindədir: “Bir neçə gün sonra Azərbaycan dövlətçiliyi, ölkəmizin müstəqilliyi, qüdrətlənməsi üçün böyük əhəmiyyət kəsb edən Konstitusiya dəyişikliklərilə bağlı referendum keçiriləcək. Mən inanıram və əminəm ki, Füzuli sakinləri bu dəfə də böyük fəallıq nümayiş etdirəcəklər və ümumxalq partiyası - Yeni Azərbaycan Partiyası tərəfindən irəli sürülmüş Konstitusiyaya dəyişikliklərin edilməsi təklifini dəstəkləyəcəklər”.
Daha sonra tədbirdə seçicilərin çoxsaylı sualları cavablandırılıb, seçicilərə dəyişikliklər barəsində ətraflı məlumat verilib.
Aqşin ŞAHİNOÄžLU

Paylaş:

Baxılıb: 1387 dəfə