“Azexport” qeyri-neft ixracında rəqəmsal liderliyini artırır

Bakı:

25 °C

65 %

4 m/s

Əlaqə

AZ RU EN

Ana səhifə / İqtisadiyyat / “Azexport” qeyri-neft ixracında rəqəmsal liderliyini artırır

“Azexport” qeyri-neft ixracında rəqəmsal liderliyini artırır

12.07.2024 [10:37]

Azərbaycanın ixrac siyasətinin müasir platformalarından biri olan e-ticarətin həyata keçirilməsində əlaqələndirici kanallardan biri kimi “Azexport” portalı öz imkanlarını daha da artırmaqdadır. 8 ilə yaxındır ki, ölkəmizdə istehsal olunan malların vahid elektron məlumat bazası rolunu oynayan portal Azərbaycanda istehsal olunan rəqabətqabiliyyətli və ixracyönümlü məhsulların xarici bazarlarda təşviqinə dəstək verir. “Azexport”, həmçinin ölkəmizdə biznes mühitinin yaxşılaşdırılması üçün ixracatçı sahibkarlara nəqliyyat, logistika, ödəniş və sertifikatlaşdırma, sahəsində dəstək göstərir.

Portal ölkəmizdə elektron ticarətin əhatə dairəsinin daha da genişləndirilməsi məqsədilə beynəlxalq əməkdaşlığı dərinləşdirir və bir sıra nüfuzlu e-ticarət platformalarına inteqrasiyanı hədəfləyib. Bu siyasətin mühüm uğurlarından biri kimi “Azexport” artıq ixrac sektorunda tərəf kimi xarici ölkələrin biznes nümayəndələri ilə elektron ticarətin intensiv aparılmasını təmin edən çevik bir struktura çevrilib.

Portalın ödəniş sistemləri ilə sıx əlaqələri də müasir trendlərdən birinə çevrilib və bu istiqamətdə “Payoneer” beynəlxalq ödəniş sisteminə qoşulmaqla bağlı əməkdaşlığını xüsusi qeyd etmək olar. Portal ödəniş sistemləri ailəsində yer almaq üçün “Payoneer”in Azərbaycan üzrə menecerinin təyin edilməsinə nail olub. Bu qlobal şirkətin “Azexport” portalı ilə birgə əməkdaşlığı üzrə çoxvektorlu addımların atılması nəzərdə tutulur. Bura qeydiyyat prosedurlarının ölkə standartlarına uyğunlaşdırılması, təlim və maarifləndirmə işlərinin həyata keçirilməsi və digər texniki məsələlərin həlli daxildir.

Ümumiyyətlə, Azərbaycanın rəqəmsal arxitekturasında özünəməxsus yeri olan “Azexport” portalının Rəqəmsal Ticarət Qovşağının mühüm bir seqmentinə çevirrilməsi istiqamətində səylərini davam etdirir. Son 5 il ərzində

portalın nəzdində olan “Bir pəncərə”nin resurs bazasının gücləndirilməsi sayəsində Azərbaycan sahibkarları ilə onların xarici biznes tərəfdaşları arasında sənədlərin, o cümlədən müqavilələrin elektron formada tərtibinə və imzalanması, habelə real vaxt rejimində transsərhəd elektron xidmətlərin həyata keçirilməsi imkanları genişlənib.

“Azexport” Azərbaycanda istehsal olunan məhsulların ixracını dəstəkləyən “Alibaba.com”, “eBay.com”, “Wholesale”, “Amazon”, “All.biz” kimi dünya elektron ticarət platformalarına inteqrasiya olunub. Hazırda “Azexport” Azərbaycan məhsullarına beynəlxalq bazarlarda sərfəli potensial alıcı tapmaqda mühüm vasitəçiyə çevrilib. İndiyə kimi həmin sifarişçilərdən 1 milyard dollardan artıq sorğular daxil olub. Portal ziyarətçilərinin əsas hissəsini körfəz və okeaniya ölkələri təşkil dən “www.go4worldbusiness.com”, Hindistan bazarını əhatə edən “www.indiamart.com”, “www.tradeindia.com” və MDB ölkələrində son illərdə aqrar məhsulların satışında ixtisaslaşan “www.agrorubo.ru” kimi beynəlxalq elektron satış portallarına da inteqrasiya edilib.

“Azexport” portalının qlobal rəqəmsal ticarət platformalarına inteqrasiyası ənənəvi bazarlardan fərqli yeni bazarlara çıxış imkanlarına da əlverişli mühiti təmin edib. Nəticədə portal “Made in Azerbaijan” məhsull?rının ixrac istiqamətlərinin genişləndirilməsində də böyük rol oynayan resursa çevrilib. “Made in Azerbaijan” brendi məhsullarının ixrac coğrafiyasını genişləndirmək və yerli istehsalçılara yeni potensial müştərilərin tapılmasında dəstək olmaq məqsədi ilə, daha bir neçə beynəlxalq elektron satış portalları ilə əməkdaşlığa başlanılıb.

Azərbaycanın qarşısında duran müasir iqtisadi çağırışlardan biri ixracyönümlü iqtisadiyyata keçidin təmin olunması, Avropa, Asiya və digər region ölkələri ilə əlverişli ticarət sazişlərinə əsaslanan aşağı tarifli mühitdə səmərəli gömrük prosedurlarının tətbiqi nəticəsində mövqeyinin gücləndirilməsidir. Bu məqsədlə ölkəmizin şaxələndirilmiş nəqliyyat-logistika imkanlarından və informasiya-kommunikasiya texnologiyalarından səmərəli istifadə etməklə, ixrac potensialının yüksəldilməsi, transsərhəd ticarətin, o cümlədən elektron ticarətin əhatə dairəsinin genişləndirilməsi nəzərdə tutulub. Digər əsas hədəflərdən biri”Azexport.az” portalını tam yeni bir inkişaf mərhələsinə keçidini təmin etməklə türkdilli dövlətlərin ortaq satış platformasına çevirməkdir. Bu plana əsasən, portalın Sərbəst Satış Sertifikatı (SSS) və Vahid İxrac Ərizəsi (VİƏ) platformalarının işinin təkmilləşdirilməsi həyata keçiriləcək ki, bu da xarici investorların Azərbaycanda sərmayə layihələrinə cəlbediciliyinə əlavə stimul verəcək.

ELBRUS

Paylaş:

Baxılıb: 693 dəfə