FED faizi qaldırdı - dollar bahalaşır...

Bakı:

25 °C

60 %

2 m/s

Əlaqə

AZ RU EN

Ana səhifə / İqtisadiyyat / FED faizi qaldırdı - dollar bahalaşır...

FED faizi qaldırdı - dollar bahalaşır...

18.03.2022 [10:31]

MB hansı tədbirləri görür?

Nicat DİLQƏMLİ

ABŞ Federal Ehtiyat Sisteminin 2018-ci ildən bəri ilk dəfə iclası keçirilib. İclasda qəbul edilən qərardan sonra ABŞ milli valyutasının son 40 ilin ən yüksək səviyyəyə çatacağı gözlənilir. Belə ki, ABŞ Mərkəzi Bankı (FED) ölkə valyutasının uçot dərəcəsini dəyişdirib. Gözləntilərə uyğun olaraq, qurum dollar üzrə faiz dərəcələrini 0,25 bənd artıraraq 0,25-0,50% aralığına çatdırıb.

Bəs sözügedən qərarın nəticəsi ölkəmizdə də özünü göstərəcəkmi? Dolların bahalaşması ehtimalı nə qədərdir?

Mövzu ilə bağlı “Yeni Azərbaycan”a danışan Milli Məclisin deputatı, iqtisadçı Vüqar Bayramov bildirib ki, Rusiyaya qarşı tətbiq edilən sanksiyalardan sonra regionun əksər ölkələrinin milli valyutalarına xüsusi bir təzyiqin formalaşması müşahidə olunur: “Nəzərə alsaq ki, Qazaxıstanda da milli valyuta dəyər itirdi, rubl ciddi şəkildə dəyərsizləşib, Gürcüstan valyutasının da məzənnəsində dəyişikliklər oldu bu kontekstdən sanksiyaların region ölkələrinin milli valyutalarına birbaşa təsiri var. Və FED-in uçot stavkasını artırması daha çox dolların səbət valyutalara nisbətən məzənnəsinin qoruyub-saxlamaq və ya dolların aparıcı valyutalara nisbətən kursunda gözlənilən potensial azalmaların qarşısını almaq məqsədi daşıyırdı. Doğrudur, Rusiya-Ukrayna müharibəsindən sonra biz həm də avronun dollara nisbətən dəyər itirməsini müşahidə etdik, Avrozonada avroya qarşı xüsusi bir təzyiq formalaşdı. Azərbaycan hələlik üzən valyuta rejiminə keçməyib. Ölkəmizdə “fixed” rejim tətbiq olunur. Bu baxımdan da həm Rusiyaya qarşı tətbiq edilən sanksiyalar, həm FED-in uçot stavkasının artırılması ilə bağlı qəbul etdiyi qərar kontekstində Azərbaycan Mərkəzi Bankının mövqeyi manatın kursunun müəyyənləşdirilməsində həlledici olacaq”.

“Bu baxımdan növbəti dövrlər üçün də Mərkəzi Bank manatın məzənnəsinə təsir imkanlarını qoruyub saxlayacaq və Mərkəzi Bankın intervensiyası manatın kursunun müəyyənləşdirilməsində həlledici olacaq. Bu baxımdan milli valyutamızın məzənnəsinin necə dəyişməsi birbaşa Mərkəzi Bankın mövqeyindən asılı olacaq”, - deyə V.Bayramov qeyd edib.

Milli Məclisin deputatı Vahid Əhmədov isə qəzetimizə açıqlamasında bildirib ki, proseslərin Azərbaycana ciddi təsiri mümkün deyil: “Bizim kifayət qədər ehtiyatlarımız var, neftin qiyməti kifayət qədər yüksəkdir. Dövlət büdcəsi qəbul ediləndə biz bu məsələlərin hamısını müzakirə etmişik. Bizdə təsirlər hələ gözlənilmir.

Amma burada bir məsələ var. Rusiya - Ukrayna arasında gedən müharibə, Rusiyaya qarşı sanksiyalar görək nə qədər davam edəcək. Yəni qısa zamanda, heç olmasa bu ayın sonuna qədər olan müddətdə sülh müqaviləsi imzalanarsa, onda ciddi problem olmur. Amma proses uzanarsa, əlbəttə burada müəyyən problemlər yarana bilər. Bütün dövlətlər üçün problem yarana bilər.

Amma mən hesab edirəm ki, Azərbaycana ciddi təsiri mümkün deyil. Kifayət qədər ehtiyatımız var, neftin qiyməti yüksəkdir və dolların kursunu müəyyən edən də bu iki əsas amildir”.

Paylaş:

Baxılıb: 1409 dəfə