Heydər Əliyev
yeni azerbaycan logo

Ana səhifə / Mədəniyyət / İtaliyanın dünya şöhrətli opera və estrada müğənnisi Alessandro Safina Heydər Əliyev Mərkəzində solo konsert proqramı ilə çıxış edib

İtaliyanın dünya şöhrətli opera və estrada müğənnisi Alessandro Safina Heydər Əliyev Mərkəzində solo konsert proqramı ilə çıxış edib

22.02.2014 [13:33]

Fevralın 21-də İtaliyanın dünya şöhrətli opera və estrada müğənnisi, tenor Alessandro Safina Heydər Əliyev Mərkəzində solo konsert proqramı ilə çıxış  edib.
AzərTAc xəbər verir ki, məşhur ifaçını Belarus Respublikası Prezident Orkestrinin bədii rəhbəri Viktor Babarikinin dirijorluğu ilə Üzeyir Hacıbəyli adına Azərbaycan Dövlət Simfonik Orkestri müşayiət edib.
Alessandro Safina Bakıda təşkil olunan ilk konsertində tamaşaçılara unudulmaz anlar yaşadıb. O, iki saatlıq konsert proqramında azərbaycanlı pərəstişkarlarına “Incanto”, “Memories”, “Luna”, “Besame Mucho”, “La Nave Va”, “Al Di La” və digər məşhur mahnılarını təqdim edib.
Dünya şöhrətli tenorun konserti tamaşaçıların sürəkli alqışları ilə başa çatıb.
Erkən yaşlarından musiqini öyrənməyə başlayan Alessandro Safina 17 yaşında Florensiyada konservatoriyaya daxil olub, Avropanın müxtəlif ölkələrində məşhur operalarda əsas partiyaları ifa edib. O, klassik və populyar musiqi janrlarını sintez etməklə sənətdə “opera roku” adlandırılan yeni üslub yaradıb. Müğənni dünyanın ən məşhur konsert salonlarında - Mantovadakı “Teatro Bibiena”da, Londondakı “Barbican Hall”da və digərlərində uğurla çıxış edib. Müğənninin “Luna” sinqlının yer aldığı diski isə Yer kürəsində milyonların qəlbini fəth edib.

Paylaş:
Baxılıb: 1196 dəfə

Xəbər lenti

Hamısına bax

Xəbər lenti

YAP xəbərləri

MEDİA

Siyasət

Gündəm

İqtisadiyyat

MEDİA

44 günün dastanı...

08 Noyabr 09:34

Analitik

Siyasət

Ədəbiyyat

ZƏFƏR NƏĞMƏLƏRİ

08 Noyabr 08:28

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30