Heydər Əliyev
yeni azerbaycan logo

Ana səhifə / Mədəniyyət / İki qardaş ölkə birgə film və seriallar çəkəcək

İki qardaş ölkə birgə film və seriallar çəkəcək

08.02.2022 [11:56]

MÜŞFİQƏ

“Kino sənayesi Azərbaycan-Türkiyə mədəni əməkdaşlığının mühüm istiqamətlərindən biridir. Bu məqsədlə Azərbaycan Türkiyənin kinematoqrafiya sahəsində olan təcrübəsindən yararlanmaq istəyir”.

Bu sözləri Azərbaycan mədəniyyət naziri Anar Kərimov deyib. O qeyd edib ki, iki ölkə ortaq filmlər çəkməyi planlaşdırır.

Eyni zamanda, Azərbaycan 2023-cü ildə türk dünyasından seçilmiş filmlərin təqdim olunacağı festivala ev sahibliyi etmək niyyətindədir.

30 il ərzində Ermənistan tərəfindən işğal altında saxlanılmış torpaqlarımızı azad etdik və qəhrəman əsgərlərimizin şücaətini daha təsirli səviyyədə göstərmək üçün kinolara ehtiyac var. Kino sahəsində Türkiyə ilə qarşılıqlı əməkdaşlıq çərçivəsində tarixi Zəfərə və Qarabağa həsr olunan müştərək filmlərin, serialların istehsalı, birgə film festivallarının keçirilməsi, hər iki ölkənin dövlət və özəl kino qurumları və kinematoqrafçıları arasında təcrübə mübadiləsinin aparılması kinoşünaslar tərəfindən də müsbət qiymətləndirilir. Kino vasitəsilə beynəlxalq arenaya çıxmaq üçün ölkələrimizin əhəmiyyətli hekayə və mövzuları, eləcə də bədii və sənədli filmləri var.

Tanınmış kinoşünas, Əməkdar incəsənət xadimi Aydın Kazımzadə qəzetimizə açıqlamasında 44 günlük Vətən müharibəsində Azərbaycanın qazandığı tarixi Qələbənin həm Türk dünyasında, həm də beynəlxalq platformada ən yüksək səviyyədə, eləcə də kino vasitəsilə təbliğində Türkiyə ilə işbirliyinin böyük önəm daşıdığını bildirib. Azərbaycan-Türkiyə mədəni əməkdaşlığın əhəmiyyətindən bəhs edən kinoşünas ortaq layihələrin bütün dünyaya nümayiş etdirilməsinin vacibliyini vurğulayıb: “Əvvəla, bu layihə Azərbaycan ilə Türkiyə arasında olan bağlılığı daha da möhkəmləndirəcək. Ortaq işi artıq başlamaq və davam etdirmək lazımdır. Qardaşlıq əlaqələrimizi həm də vizual ekrana çıxarmalı və bütün dünyaya nümayiş etdirməliyik. 44 günlük Vətən müharibəsi ilə yanaşı, tariximizlə bağlı məqamları həmin layihələrdə işıqlandırmaq lazımdır. Xüsusilə də, sənədli və bədii filmlərin çəkilişinə diqqət yetirməliyik. Bu yaxınlarda ölkəmizdə “Biz” adlı film çəkildi. Həmin film VI Türk Dünyası Sənədli Film Festivalında mükafata layiq görüldü. Bu cür işləri ərsəyə gətirmək və davam etdirmək lazımdır”.

Paylaş:
Baxılıb: 890 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30