Heydər Əliyev
yeni azerbaycan logo

Ana səhifə / Siyasət / Heydər Əliyev Fondunun təşəbbüsü ilə Bosniya və Herseqovinada humanitar yönümlü bir sıra layihələr həyata keçirilib

Heydər Əliyev Fondunun təşəbbüsü ilə Bosniya və Herseqovinada humanitar yönümlü bir sıra layihələr həyata keçirilib

06.02.2013 [03:11]

Heydər Əliyev Fondunun təşəbbüsü və dəstəyi ilə Bosniya və Herseqovinada humanitar yönümlü bir sıra layihələr həyata keçirilib. Eyni zamanda, Heydər Əliyev Fondunun vitse-prezidenti Leyla xanım Əliyevanın iştirakı ilə paytaxt Sarayevoda yenidən qurulan “Dostluq parkı”nın açılması təqdirəlayiq haldır.
AzərTAc xəbər verir ki, bu sözləri jurnalistlərə Azərbaycanda səfərdə olan Bosniya və Herseqovina Parlament Məclisinin Nümayəndələr Palatasının sədri Bojo Lyubiç deyib.
Bojo Lyubiç bildirib ki, Azərbaycan ilə Bosniya və Herseqovina arasında münasibətlərini dərin kökləri var: “Hər iki dövlət müstəqilliyini bərpa etdiyi dövrlərdə oxşar talelər yaşayıb. Azərbaycan sürətlə inkişaf edən iqtisadiyyata malikdir. Ölkəniz nəinki öz regionunda, həmçinin Balkan regionda da böyük nüfuza malikdir. Sərmayə qoyuluşu baxımdan Balkan regionunda Azərbaycanın çox böyük rolu var. Ümid edirəm ki, Azərbaycan ilə Bosniya və Herseqovina arasında mövcud olan əməkdaşlığımız gələcəkdə iqtisadi sahədə daha da möhkəmlənəcək”.
Bosniya və Herseqovinanın Nümayəndələr Palatasında Azərbaycanın ərazi bütövlüyü və suverenliyi ilə bağlı qətnamə qəbul edildiyini vurğulayan qonaq Dağlıq Qarabağ münaqişəsinin sülh yolu ilə, BMT-nin Təhlükəsizlik Şurasının qəbul etdiyi qətnamələr və ATƏT-in prinsipləri çərçivəsində həll olunmasının vacibliyini də vurğulayıb.
Qonaq Bakıda bir sıra görüşlər keçirəcəyini və bu görüşlərdə iki ölkə arasında əməkdaşlığın inkişaf etdirilməsinə dair məsələlərin müzakirə olunacağını diqqətə çatdırıb.

Paylaş:
Baxılıb: 1052 dəfə

Xəbər lenti

Hamısına bax

İqtisadiyyat

Gündəm

701,6 milyon avro...

29 Aprel 10:34

Analitik

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30