Binəqədi rayonunda 2 fevral - Gənclər Günü qeyd edilib

Bakı:

24 °C

64 %

12 m/s

Əlaqə

AZ RU EN

Ana səhifə / Siyasət / Binəqədi rayonunda 2 fevral - Gənclər Günü qeyd edilib

Binəqədi rayonunda 2 fevral - Gənclər Günü qeyd edilib

01.02.2014 [09:00]

Binəqədi rayonunda 2 fevral - Gənclər Günü münasibətilə tədbir keçirilib. Bayram tədbirində Binəqədi rayon İcra Hakimiyyətinin başçısı Xaləddin İsgəndərov, millət vəkilləri Madər Musayev, Ceyhun Osmanlı, Azərbaycan Respublikasının Prezidenti yanında Gənclər Fondunun icraçı direktoru Fərhad Hacıyev, Bakı şəhər Gənclər və İdman Baş İdarəsinin rəisi Raqif Abbasov, Yeni Azərbaycan Partiyası Gənclər Birliyinin sədri Seymur Orucov, Binəqədi RİH başçısının müavinləri, Aparatın məsul işçiləri və rayonun ictimai-siyasi və mədəni həyatında fəallığı ilə seçilən gənclər, həmçinin, rayon ərazisində yerləşən hərbi hissələrdə xidmət edən bir qrup əsgər və zabitlər iştirak ediblər.
Öncə aparıcı Azər Axşam ölkəmizdə Gənclər Gününün tarixi və gənclərlə bağlı dövlətin yürütdüyü səmərəli siyasət barədə məlumat verib. Tədbirdə geniş nitq söyləyən Binəqədi rayon İcra Hakimiyyətinin başçısı Xaləddin İsgəndərov əsası Ulu öndər Heydər Əliyev tərəfindən qoyulan və möhtərəm Prezidentimiz cənab İlham Əliyev tərəfindən uğurla icra edilən gənclər siyasətinin gənc nəslin qarşısında yeni-yeni üfüqlər açdığını diqqətə çatdırıb. Natiq bu gün öz potensialını, istedad və bacarığını nümayiş etdirmək istəyən hər bir gənc üçün dövlət tərəfindən hərtərəfli şərait yaradıldığını bildirib. RİH başçısı bu mənada Heydər Əliyev Fondunun vitse-prezidenti Leyla Əliyevanın öz fəaliyyəti ilə müasir Azərbaycan gəncliyi üçün örnək olduğunu xüsusi vurğulayıb. X.İsgəndərov gənclərə möhtərəm Prezidentimiz cənab İlham Əliyevin rəhbərliyi ilə vətənimizə, dövlətimizə və cəmiyyətimizə xidmətdə uğurlar arzulayıb.
Tədbirdə rayonun ictimai-siyasi və mədəni həyatında fəallıq göstərən, müxtəlif sahələrdə nailiyyətlər qazanmış 5 nəfər gənc rayon İcra Hakimiyyəti başçısının fəxri fərmanı ilə təltif edilib. Bir nəfər gəncə isə təhsil sahəsində uğurlarına görə, Böyük Britaniyanın London Meridian Kollecində ingilis dili kurslarında iştirak hüququ verilib.
Tədbir xaricdə təhsil alan binəqədili tələbələrin təbrikini əks etdirən videoçarxın nümayişi ilə davam etdirilib. Bədii hissədə isə Natiq ritm qrupunun hazırladığı proqram, Şeron qrupunun ifasında mahnılar, Əməkdar artist Ədalət Şükürov, müğənnilər Ramal və Xəyyam Mustafazadənin ifasında musiqi parçaları təqdim edilib. Həmçinin, milli və dünya rəqsindən göstərilən səhnələr gənclərin böyük marağına səbəb olub.

Paylaş:

Baxılıb: 958 dəfə