YAP Sədrinin müavini-İcra katibi Əli Əhmədov Vyetnam Kommunist Partiyası Siyasi Bürosunun üzvü, Vyetnam Kommunist Partiyası Mərkəzi Komitəsinin Katibliyinin daimi üzvü Le Honq Anhın başçılıq etdiyi nümayəndə heyətini qəbul edib

Bakı:

26 °C

45 %

4 m/s

AZ RU EN

Ana səhifə / Siyasət / YAP Sədrinin müavini-İcra katibi Əli Əhmədov Vyetnam Kommunist Partiyası Siyasi Bürosunun üzvü, Vyetnam Kommunist Partiyası Mərkəzi Komitəsinin Katibliyinin daimi üzvü Le Honq Anhın başçılıq etdiyi nümayəndə heyətini qəbul edib

YAP Sədrinin müavini-İcra katibi Əli Əhmədov Vyetnam Kommunist Partiyası Siyasi Bürosunun üzvü, Vyetnam Kommunist Partiyası Mərkəzi Komitəsinin Katibliyinin daimi üzvü Le Honq Anhın başçılıq etdiyi nümayəndə heyətini qəbul edib

14.10.2014 [10:10]

Dünən Yeni Azərbaycan Partiyasının (YAP) mərkəzi qərargahında Azərbaycan Respublikası Baş nazirinin müavini, YAP Sədrinin müavini-İcra katibi Əli Əhmədov ölkəmizdə səfərdə olan Vyetnam Kommunist Partiyası (VKP) Siyasi Bürosunun üzvü, Vyetnam Kommunist Partiyası Mərkəzi Komitəsinin Katibliyinin daimi üzvü Le Honq Anhın başçılıq etdiyi nümayəndə heyətini qəbul edib. Qonaqları salamlayan Əli Əhmədov bu səfərin ölkələrimiz arasında əlaqələrin inkişafına töhfə verəcəyini bildirib. Yeni Azərbaycan Partiyası ilə Vyetnam Kommunist Partiyası arasında əməkdaşlıq haqqında Memorandumun imzalandığını xatırladan Əli Əhmədov partiyaların həm ikitərəfli, həm də İCAPP çərçivəsində əməkdaşlıq etdiyini vurğulayıb. Onun sözlərinə görə, imzalanan Memorandum partiyalar arasında gələcək əməkdaşlığın inkişafına öz töhfəsini verəcək. “Ümid edirəm ki, sizin bu səfəriniz həm dövlətlərimiz, həm də partiyalarımız arasında münasibətlərin inkişafına müsbət təsir göstərəcək” - deyə, YAP Sədrinin müavini vurğulayıb. Səmimi qəbul üçün minnətdarlığını bildirən Vyetnam Kommunist Partiyası Siyasi Bürosunun üzvü, Vyetnam Kommunist Partiyası Mərkəzi Komitəsinin Katibliyinin daimi üzvü Le Honq Anh ölkəmizə səfərindən məmnunluğunu bildirib və yüksək qonaqpərvərliyə görə təşəkkür edib. Azərbaycanda sürətli inkişafı müşahidə etdiklərini deyən qonaq ölkələrimiz, həmçinin, YAP-la VKP arasında əlaqələrin inkişafının əhəmiyyətini qeyd edib. Görüşdə, həmçinin, qarşılıqlı maraq doğuran digər məsələlərlə bağlı geniş fikir mübadiləsi aparılıb. Qeyd olunub ki, bu səfər tərəflər arasında gələcək əməkdaşlıq münasibətlərinin genişləndirilməsində mühüm rol oynayacaq. Görüşdə YAP İcra katibinin müavini, Milli Məclisin deputatı Siyavuş Novruzov, YAP-ın Beynəlxalq əlaqələr şöbəsinin müdiri, Milli Məclisin deputatı Asəf Hacıyev və Azərbaycanın Vyetnamdakı səfiri Anar İmanov iştirak ediblər.
N.BAYRAMLI

Paylaş:

Baxılıb: 743 dəfə