Siyavuş Novruzov: Heydər Əliyev ideyaları Azərbaycan xalqının, dövlətinin inkişafında və ədəbi olmasında öz töhfələrini uzun illər verəcək

Bakı:

26 °C

45 %

5 m/s

AZ RU EN

Ana səhifə / Siyasət / Siyavuş Novruzov: Heydər Əliyev ideyaları Azərbaycan xalqının, dövlətinin inkişafında və ədəbi olmasında öz töhfələrini uzun illər verəcək

Siyavuş Novruzov: Heydər Əliyev ideyaları Azərbaycan xalqının, dövlətinin inkişafında və ədəbi olmasında öz töhfələrini uzun illər verəcək

12.12.2014 [10:14]

“Hər bir xalqın tarixində onun inkişafında və tərəqqisində müstəsna xidmətlər göstərmiş şəxsiyyətlər yetişir. Azərbaycan xalqı da bu baxımdan tarixi şəxsiyyətlər yetişdirib. Bu mənada Ümummilli liderimiz Heydər Əliyev xalqımızın yetişdirdiyi ən böyük şəxsiyyətlərdən biridir. Xalqımız üçün göstərdiyi misilsiz xidmətlər Heydər Əliyevi Ümummilli lider zirvəsinə yüksəldib. Ulu öndər Heydər Əliyevin Azərbaycanda hakimiyyətə gəlməsi xalqımızın taleyində mühüm tarixi mərhələnin başlanğıcı oldu. XX əsr Azərbaycan tarixinin fenomen şəxsiyyəti, dünyamiqyaslı ictimai-siyasi xadim, Ulu öndərimiz Heydər Əliyev bütün həyatını xalqının nicatına həsr edib, müasir Azərbaycan dövlətçiliyinin ideoloji-siyasi əsaslarını yaradıb, dövlət müstəqilliyinin daimi və dönməz olmasını təmin edib”. Bu fikirləri Yeni Azərbaycan Partiyası (YAP) İcra katibinin müavini, millət vəkili Siyavuş Novruzov deyib.
S.Novruzov bildirib ki, Ulu öndər Heydər Əliyevin hakimiyyətə gəlməsi ilə Azərbaycan xalqının tərəqqi və inkişaf dövrü başladı. Onun sözlərinə görə, Ulu öndər Heydər Əliyevin ötən əsrin 70-ci illərinin əvvəllərindən başlayaraq Azərbaycanda milli mənəvi dəyərlərin qorunması, tariximizin düzgün istiqamətdə öyrənilməsi, ana dilimizin rolunun artırılması və s. yöndə apardığı məqsədyönlü siyasət cəmiyyətdə milli ruhun oyanışına təkan verdi. Sovet ideologiyasının ziyanlı təsirləri nəticəsində öz milli kimliyini unutmaq təhlükəsi ilə üz-üzə qalmış insanları tədricən milli ideyalar ətrafında səfərbər etdi. S.Novruzovun fikrincə, O, Azərbaycanın gələcək müstəqilliyi üçün zəruri sosial-iqtisadi əsasları, infrastruktur təminatını, milli kadr potensialını formalaşdırdı: “İnsanlarımıza milli dövlətçilik düşüncəsi aşıladı. Hər bir azərbaycanlı özünü bəlli bir coğrafiyanın gələcəyinə görə məsuliyyət daşıyan vətəndaş kimi dərk etməyə başladı. Ölkə üçün gərəkli mütəxəssislərin hazırlanması məqsədilə 1969-1982-ci illər arasında və daha sonralar minlərlə azərbaycanlı gənc məhz Heydər Əliyevin təşəbbüsü əsasında SSRİ-nin müxtəlif şəhərlərindəki nüfuzlu ali məktəblərdə təhsil almağa göndərildi. Bütün bunlar Sovet Azərbaycanına rəhbərliyi dövründə Ulu öndərin siyasi iradəsi əsasında görülmüş işlərin yalnız məhdud bir hissəsidir və bütün bunların 80-ci illərin sonlarına doğru Azərbaycanın istiqlal mübarizəsi tarixinin hərəkətverici qüvvəsi rolunda çıxış etdiyi qətiyyən şübhə doğurmur”.
Siyavuş Novruzov bildirib ki, Ulu öndər təsdiq etdi ki, millətə, xalqa xidmət etmək baxımından, dövrün fərqi yoxdur. Onun sözlərinə görə, Ümummilli liderimiz Heydər Əliyevin 1969-cu ildə hakimiyyətə gəlməsi Azərbaycan xalqının tarixində dönüş nöqtəsi oldu.
“Heydər Əliyevin ideyaları Azərbaycan xalqının, dövlətinin inkişafında və ədəbi olmasında öz töhfələrini uzun illər verəcək. Hər bir Azərbaycan vətəndaşı bugünkü inkişafa və müstəqilliyimizin əbədi olmasına görə Ulu öndərimiz Heydər Əliyevə həmişə minnətdardır. Bu gün yeni nəsil Heydər Əliyevin zəngin irsini öyrənir və Onun ideyaları əsasında öz gələcəklərini müəyyənləşdirir. Bu gün ölkəmizin bütün guşələrində Ulu öndərimiz anılır. Bu, böyük öndərimizə olan xalqın böyük ehtiramının parlaq ifadəsidir”, - deyən YAP İcra katibinin müavini qeyd edib ki, bu gün Ulu öndərimiz Heydər Əliyev siyasətinin layiqli davamçısı ölkə Prezidenti İlham Əliyev cənabları Azərbaycanı getdikcə daha da çiçəklənən bir dövlətə çevirir.

Paylaş:

Baxılıb: 700 dəfə