Fəttah Heydərov: Biz istəyirik ki, dünyada, o cümlədən ölkəmizdə sülh və əmin-amanlıq olsun

Bakı:

24 °C

83 %

5 m/s

Əlaqə

AZ RU EN

Ana səhifə / Siyasət / Fəttah Heydərov: Biz istəyirik ki, dünyada, o cümlədən ölkəmizdə sülh və əmin-amanlıq olsun

Fəttah Heydərov: Biz istəyirik ki, dünyada, o cümlədən ölkəmizdə sülh və əmin-amanlıq olsun

10.06.2017 [10:29]

“Azərbaycan dövləti İslam həmrəyliyinin təmin olunması üçün fəal təşəbbüslərlə çıxış edir. Bu gün bir sıra müsəlman ölkələrində mürəkkəb proseslərin baş verdiyi şəraitdə həmrəyliyin təmin olunmasının nə qədər zəruri olduğu dünyanın sağlam cəmiyyətləri tərəfindən aydın şəkildə dərk edilir”. Bu fikirləri www.yap.org.az. saytına Azərbaycan Ağsaqqallar Şurasının sədri, Milli Məclisin deputatı Fəttah Heydərov deyib.
F.Heydərov bildirib ki, hazırda ölkəmizdə “İslam Həmrəyliyi İli” çərçivəsində mühüm tədbirlər keçirilir. Onun sözlərinə görə, Prezident İlham Əliyev Heydər Əliyev yolu ilə gedərək bütün dünyada sülhün təşəbbüskarı kimi çıxış edir.
“Prezident İlham Əliyev öz siyasətində digər ölkələr, xalqlar arasında normal əməkdaşlığı və həmrəyliyi əsas götürür. Bilirsiniz ki, xalqımızın ən böyük problemi torpaqlarımızın bir hissəsinin Ermənistan tərəfindən işğal olunmasıdır. Ötən dövr ərzində Azərbaycan inkişaf edib, iqtisadiyyatımız güclənib və bu gün qüdrətli ordumuz var. Heç kimdə şübhə yoxdur ki, dövlətimiz istəsə hərbi yolla qısa müddətdə nəinki işğal olunmuş Dağlıq Qarabağı və onun ətrafındakı rayonlarımızı azad edə bilər, hətta tarixi torpaqlarımız olan İrəvan da həqiqi sahibinə qaytarıla bilər. Amma bizim Prezidentimiz səbir nümayiş etdirir, münaqişənin diplomatik yolla həllini qəbul edir. Dövlətimizin başçısı çalışır ki, işğal olunmuş torpaqlarımız sülh yolu ilə azad olunsun. Ölkəmiz münaqişənin beynəlxalq hüquq əsasında həllinin tərəfdarıdır. Biz istəyirik ki, dünyada, o cümlədən ölkəmizdə sülh və əmin-amanlıq olsun. Azərbaycan Prezidentinin bu mövqeyi qarşılıqlı ziddiyyətdə olan dövlətlər, qanlı toqquşmaların baş verdiyi ölkələr üçün bir nümunədir”.
Ümumiyyətlə, bütün münaqişələri sülh yolu ilə həll etməyin vacibliyinə diqqət çəkən millət vəkili deyib ki, dünyaya, insanlara müharibə yox, sülh lazımdır. “Hər bir insan ayrıca fərddir və heç kəs heç kəsin əvəzi deyil. Hörmətli Prezidentimiz öz mövqeyi ilə nümayiş etdirir ki, bütün dünyada, o cümlədən müsəlman aləmində həmrəylik təmin olunmalıdır. Azərbaycan ərazi baxımdan kiçik dövlət olsa da, bütün dünya üçün gözəl nümunələr təqdim edir. Bu nümunələrdən biri də dünyadakı qanlı toqquşmaların dayandırılması, günahsız insanların ölümünün qarşısının alınması yönündə fəal təşəbbüslərdir. Bütün bunların timsalında Azərbaycanda 2017-ci ilin “İslam Həmrəyliyi İli” elan olunması qlobal məna daşıyır və dünyada sülh, əmin-amanlıq və insanların dinc yaşaması naminə böyük bir mesajdır”, - deyə Ağsaqqallar Şurasının sədri vurğulayıb.

Paylaş:

Baxılıb: 554 dəfə