Antimilli ünsürlər yenidən erməni maraqlarının xidmətçisi rolunda...

Bakı:

20 °C

64 %

3 m/s

Əlaqə

AZ RU EN

Ana səhifə / Siyasət / Antimilli ünsürlər yenidən erməni maraqlarının xidmətçisi rolunda...

Antimilli ünsürlər yenidən erməni maraqlarının xidmətçisi rolunda...

29.07.2020 [09:07]

Yaxud Əli Kərimli, Sevinc Osmanqızı, Arif Məmmədov, Vidadi İsgəndərli və digər bu kimilərinin xalqımıza qarşı son bəyanatları onların ermənipərəst mahiyyətindən irəli gəlir
Məlum olduğu kimi, 12 iyul hərbi təxribatları nəticə verməyən Ermənistan hakimiyyəti Azərbaycana qarşı “əsas silahlarını” aktivləşdirdi. Belə ki, düşmənlərimiz yenidən “sapı özümüzdən olan baltaları”, yəni “beşinci kolon” nümayəndələrini “hərəkətə gətirdi”. Artıq günlərdir ki, xaricdəki antimilli şəbəkə və onların ölkəmizdəki tör-töküntüləri sinxron şəkildə Azərbaycan dövlətinin və xalqının üzərinə hücuma keçməyə cəhd göstərir. Əslində burada təəccüblənəsi hal yoxdur. O mənada ki, illərdir Azərbaycanın milli maraqlarına qarşı xəyanətkar mövqe tutan Əli Kərimli, Sevinc Osmanqızı, Arif Məmmədov, Vidadi İsgəndərli və digər bu kimilərinin növbəti dəfə ermənilərin tapşırığı ilə, eyni tezislər əsasında bəyanatlar verməyə və çıxışlar etməyə başlaması onların ermənipərəst mahiyyətindən irəli gəlir. Qeyd edilməlidir ki, bu ünsürlərin ermənidən artıq ermənilik nümayiş etdirməsinin arxasında məhz onların xalqımızın və ölkəmizin düşmənləri ilə olan işbirlikləri, maddi əməkdaşlığı dayanır.
Məsələ ilə bağlı fikirlərini bölüşən Milli Məclisin deputatı Elman Məmmədov Ermənistanın Azərbaycan-Ermənistan sərhədinin Tovuz rayonu istiqamətində törətdiyi hərbi təxribatların iflasa uğramasının ardından ermənilərin xarici ölkələrdə dinc azərbaycanlılara qarşı vandalism aktları törətdiklərini deyib. Millət vəkilinin sözlərinə görə, azərbaycanlıların dinc aksiyalarına qarşı terror həyata keçirən, insanları fiziki təzyiqə məruz qoyan ermənilər bir daha əsl simalarını dünya ictimaiyyətinə göstərmiş oldular: “Təssüfləndirici haldır ki, adını azərbaycanlı qoymuş, amma ermənilərə xidmət göstərən “beşinci kolon” nümayəndələri xarici ölkələrdəki azərbaycanlıların Ermənistanın işğalçılıq siyasətinin əleyhinə olan aksiyalarını “xuliqanlıq, quldirluq, vətənşüvənlik” kimi qələmə verirlər. Bu şəxslər azərbaycanlıların vətənpərvərlik aksiyasını ləkələməyə, onun mahiyyətini təhrif etməyə çalışır, bununla da ermənilərin cinayətkar əməllərinə bəraət qazandırmağa cəhd edilər. Bu yolverilməzdir. Bu insaların özlərini azərbaycanlı adlandırmağa mənəvi haqqları çatmır. Düşmənə qoşularaq üzərimizə hücuma keçməyə hazır olan belələri xalqa, dövlətə düşmən mövqedədirlər”.
Milli Məclisin deputatı Azər Badamov da Azətbaycan xalqının bir daha xarici ölkələrə sığınıb dövlətimizə və millətimizə qarşı mübarizə aparan antimilli ünsürlərin əsl riyakar, xain mahiyyətini gördüyünü deyib. Millət vəkili qeyd edib ki, 12 iyul təxribatlarında uğursuzluğa düçar olmuş Ermənistan rəhbərliyi, dünya erməni diasporası himayədarlıq etdikləri erməni terror təşkilatlarına azərbaycanlıların dinc aksiyalarına müdaxilə etmək, insanlara fizki təzyiq göstərmək tapşırığı veriblər. Bəzi “beşinci kolon” nümayəndələri də məhz ermənilərlə sinxron hərəkət edərək Azərbaycanın haqq səsini, erməni təcavüzünü dünyaya çatdırmaq istəyən dinc aksiyaçıları “xuliqan” adlandırırlar: “Bu həmin insanlardır ki, ən kritik anlarda hər zaman dövlətə, xalqa xəyanət yolunu tuturlar. Əli Kərimli, Sevinc Osmanqızı, Arif Məmmədov, Vidadi İsgəndərli və digərləri növbəti dəfə öz kimliklərini Azərbaycan xalqına nümayiş etdirmiş oldular. Ermənilərin hazırladıqları tezislərə əsaslanaraq bəyanatlar verən, sosial şəbəkələrdə çıxışlar edən belələri Vətən xainləridirlər”.
Pərviz SADAYOĞLU

Paylaş:

Baxılıb: 425 dəfə