Heydər Əliyev
yeni azerbaycan logo

Ana səhifə / Siyasət / Naxçıvanın Muxtar Respublikanın 2009-cu ilin sosial-iqtisadi inkişafını əks etdirən xülasə çapdan çıxıb

Naxçıvanın Muxtar Respublikanın 2009-cu ilin sosial-iqtisadi inkişafını əks etdirən xülasə çapdan çıxıb

05.03.2010 [09:59]

Muxtar Respublikanın sosial-iqtisadi inkişafının bugünkü səviyyəsi ilə əvvəlki illəri müqayisə etdikdə bu prosesin hər ilin artım tempi ilə müşahidə olunduğunu görürük. Təbii ki, bu da regionumuzda bütün sahələri əhatə edən uğurlu siyasətin həyata keçirilməsi ilə bağlıdır. Qazanılan yüksək nailiyyətlər, əldə olunan nəticələrin salnaməsi rolunu daşıyan statistik göstəricilərin “Şərq qapısı” qəzetində rüblük və illik xülasələrinin dərc olunması, “Əcəmi” Nəşriyyat-Poliqrafiya Birliyində isə kitab şəklində buraxılması bu cəhətdən təqdirəlayiq iş hesab oluna bilər. çünki bu materiallardan müxtəlif sahələrin mütəxəssisləri, ali məktəb müəllimləri, tədqiqatçılar, tələbələr istifadə etmək imkanı qazanırlar.
Bu günlərdə adıçəkilən nəşriyyat tərəfindən “2009-cu ildə Naxçıvan Muxtar Respublikasının sosial-iqtisadi inkişafının xülasəsi” işıq üzü görüb. Kitab ölkə başçısı İlham Əliyevin sözləri ilə açılır: “Uzun illər ərzində Naxçıvan blokada şəraitində yaşayır və bu blokada bu gün də davam edir. Amma buna baxmayaraq Naxçıvan yaşayır, Naxçıvan inkişaf edir, Naxçıvanda böyük quruculuq işləri aparılır və Naxçıvanın uğurlu inkişafı ölkəmizin gücünü göstərir”.
Xülasədə Muxtar Respublikanın 2009-cu il ərzində keçdiyi sürətli inkişaf yolu statistik rəqəmlərlə öz əksini tapıb.
Sənaye, hərbi quruculuq, tikinti-quruculuq və su təchizatı, kənd təsərrüfatı və yaşıllaşdırma, nəqliyyat, rabitə və energetika, sahibkarlıq fəaliyyəti, əhalinin gəlirləri və məşğulluq məsələləri, xarici ticarət və maliyyə sektoru, elm, təhsil, səhiyyə, sosial təminat, mədəniyyət və turizm, hüquq mühafizə orqanları ilə iş sahələri barədə verilmiş məlumatlar əvvəlki illə müqayisəli şəkildə göstərilib. Bu da oxucunun 2008-ci ildə də görülən işlərlə tanış olmasına imkan verib.
Eyni zamanda, il ərzində davam etdirilən layihələr barədə də xülasədə söhbət açılır. Xülasənin dəyərini artıran amillərdən biri də 2009-cu ildə istifadəyə verilən quruculuq obyektlərinin şəkillərinin özünə yer almasıdır.
Sara ƏZİMOVA
Paylaş:
Baxılıb: 1029 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30