M.Ə.Birand ermənilərin sifarişi ilə Azərbaycana qarşı çirkin kampaniyasını davam etdirir

Bakı:

24 °C

64 %

12 m/s

Əlaqə

AZ RU EN

Ana səhifə / Siyasət / M.Ə.Birand ermənilərin sifarişi ilə Azərbaycana qarşı çirkin kampaniyasını davam etdirir

M.Ə.Birand ermənilərin sifarişi ilə Azərbaycana qarşı çirkin kampaniyasını davam etdirir

01.05.2010 [08:46]

Onun “Hürriyyət”in 28 aprel tarixli nömrəsində dərc olunmuş məqaləsi göstərir ki, bu şəxs qərəzli şəkildə Azərbaycan-Türkiyə münasibətlərini təftiş etmək, imkan daxilində mövcud əlaqələrə zərbə vurmaq üçün təlimatlandırılıb
Ermənilərin türklərə və azərbaycanlılara qarşı apardığı çirkin siyasət Azərbaycanla Türkiyəni daha da yaxınlaşdırdı və qardaşlıq, dostluq prinsiplərinin hər şeydən üstün tutulduğu bir daha anlaşıldı.
Bəllidir ki, “Sürix” prosesinə start verənlər mərhələli şəkildə Azərbaycanla Türkiyə arasında narazılıq atmosferi yaratmaq məqsədilə müxtəlif tədbirlər həyata keçirirdilər. Onlardan biri də məhz, ötən ay Vaşinqtonda keçirilmiş nüvə sammiti oldu. Birləşmiş Ştatlar Azərbaycanı sammitə dəvət etmədi və bunun əvəzində Türkiyə ilə Ermənistan rəhbərliyini görüşdürərək, öz məqsədinə çatmağa çalışdı. Amma qardaşlığın qalib gəlməsi, hətta, sərhədlərin açılması prosesinin dayandırılması Ermənistana və onun havadarlarına hər şeyi detallı başa saldı. Buna görə də, Türkiyə ilə Azərbaycan arasında münasibətlərin möhkəmlənməsi, iki qardaş ölkənin vahid mövqedən çıxış edərək müxtəlif güc mərkəzlərinin təzyiqlərinə ləyaqətlə davam gətirməsi, prinsipial mövqedən geri çəkilməməsi antitürkiyə və antiazərbaycan qüvvələri bərk narahat edir. Lakin, bütün bunlara baxmayaraq, Ermənistan və ona dəstək verən dövlətlər müxtəlif vasitələrlə yenidən Azərbaycanla Türkiyə arasında yaratmaq hansısa soyuqluq niyyətindədirlər. Yəni, ermənilər və onların təbliğat ruporları daim iki qardaş ölkə arasında əlaqələri zəiflətmək, qarşılıqlı etimadsızlıq toxumu səpmək üçün ciddi cəhdlə çalışırlar. Əlbəttə ki, bu prosesdə də hər zaman olduğu kimi, düşmən qüvvələrə bu gün də öz içimizdən dəstək verənlər, onların fikirlərini, ideyalarını aşılayanlar tapılır...
ötən saylarımızın birində qeyd etmişdir ki, qardaş ölkənin mətbuat nümayəndələrindən biri olan Mehmet Əli Birand Ermənistanın cəhdləri boşa çıxdıqdan sonra davamlı olaraq antiazərbaycan təbliğatı aparır, Türkiyə ilə Azərbaycan arasında ziddiyyətlər olduğunu isbat etməyə çalışır, öz primitiv məntiqi ilə Azərbaycanın Türkiyənin maraqlarının müdafiəsi istiqamətində heç nə etmədiyini bildirir. Təbii olaraq, Azərbaycan mətbutı onun qərəzli fikirlərinə, antiazərbaycan təbliğatına tutarlı arqumentlərlə cavab verdi. Söhbət M.Ə.Birandın “Hürriyyət” qəzetinin 15 aprel 2010-cu il tarixli sayında dərc olunmuş məqaləsində irəli sürdüyü iddialara Azərbaycan ictimaiyyətinin sərt reaksiysından gedir. Azərbaycan ictimaiyyəti düşünürdü ki, bəlkə də, bundan sonra M.Ə.Birand səhv etdiyini, yazını emosional duyğular altında yazdığını etiraf edəcək. Amma onun “Hürriyyət”in 28 aprel tarixli nömrəsində dərc olunmuş məqaləsi göstərir ki, bu şəxs qərəzli şəkildə Azərbaycan-Türkiyə münasibətlərini təftiş etmək, imkan daxilində mövcud əlaqələrə zərbə vurmaq üçün təlimatlandırılıb.
Bəli, məhz, təlimatlandırılıb. Yoxsa, Azərbaycanın ABŞ-da keçirilən nüvə sammitinə dəvət almadığını yaxşı bilən Birandın Vaşinqtonda azərbaycanlı axtarışına başqa necə qiymət vermək olar?
Bir yazar və teleaparıcı kimi, o, müstəqilliyinin ilk günündən Azərbaycanın Türkiyənin yanında olduğunu, xarici siyasətini Türkiyənin maraqları ilə daim uzlaşdırdığını, transmilli layihələrin həyata keçirilməsində Türkiyənin maraqlarını öz mənafeyindən ayırmadığını, Türkiyəyə qarşı ən çirkin iddialar irəli sürən ermənilərə qarşı hamıdan çox və kəskin mübarizə apardığını, Azərbaycanın Ermənistanla müharibə vəziyyətində olduğunu bilməmiş deyil. Ona görə də, özünü Türkiyənin böyük təəssübkeşi kimi qələmə verən, guya Türkiyənin dərdini çəkən bu şəxsin iddialarını Azərbaycana qarşı əsl tərbiyəsizlikdən başqa cür qiymətləndirmək olmaz.
Hətta, son zamanlar apardığımız araşdırmaların nəticəsi olaraq, Birandın qohumluq əlaqələri ilə bağlı düşündürücü faktlarla qarşılaşmışıq. Belə ki, Türkiyədəki məlumatlı mənbə bildirib ki, M.Ə.Birandın ermənilərlə qohumluq əlaqələri var və o, Türkiyə ermənilərinin sifarişlərini yerinə yetirir.
Bir sözlə, Azərbaycanda M.Ə.Birand kimilərini sadəcə olaraq, “erməni agenti”, “araqatan” adlandırırlar. öz soyuna və kökünə hörmətsizlikdən, xalqının maraqlarını satmaqdan çəkinməyən və utanmayan M.Ə.Birand kimilərinin digərlərində eyib axtarması gülüncdür.
Ramil VƏLİBƏYOV

Paylaş:

Baxılıb: 1166 dəfə