Heydər Əliyev
yeni azerbaycan logo

Ana səhifə / Siyasət / Əsli Kazımova: Vətəndaşlarımızın minaya düşərək həlak olması Ermənistanın insanlığa qarşı cinayətidir

Əsli Kazımova: Vətəndaşlarımızın minaya düşərək həlak olması Ermənistanın insanlığa qarşı cinayətidir

08.06.2021 [09:03]

“30 ilə yaxın müddətdə Azərbaycan torpaqlarını işğal altında saxlayan Ermənistan bu əraziləri xarabalığa çevirməklə yanaşı, həm də insanlığa qarşı ən böyük cinayətlərdən birini həyata keçirib. Mənfur düşmən hətta qeyri-hərbi təyinatlı torpaqları belə minalamaqla hərbi cinayətə yol verib. İyunun 4-də iki azərbaycanlı jurnalist və Kəlbəcər rayon Susuzluq kənd icra nümayəndəsinin müavini mina partlaması nəticəsində həyatlarını itirərək erməni terrorunun növbəti qurbanına çevrildilər. Fikrimcə, beynəlxalq təşkilatlar, aparıcı dövlətlər bu hadisəyə lazımi münasibət sərgiləməli və minalanmış ərazilərin xəritələrinin verilməsi ilə bağlı Ermənistana təzyiqlərini artırmalıdırlar”. Bu fikirləri açıqlamasında Azərbaycan Sosial Rifah Partiyasının (ASRP) sədri Əsli Kazımova deyib.
Ermənilərin İkinci Qarabağ müharibəsində məğlub olduqdan sonra da öz mənfur xislətlərinə uyğun davranışlarını davam etdirdiklərini diqqətə çatdıran partiya sədri vurğulayıb ki, işğaldan azad edilmiş Azərbaycan torpaqlarına basdırılmış minaların xəritələrinin hələ də Azərbaycana təhvil verilməməsi Ermənistanın beynəlxalq qanunlara riayət etməməsinin növbəti göstəricisidir: “1999-cu ildə qəbul olunmuş müvafiq beynəlxalq Konvensiyaya görə, piyadalara qarşı minaların tətbiqi, ehtiyatının toplanması, istehsalı və verilməsi qadağan edilib. 2020-ci ilin noyabrın 10-da üçtərəfli Bəyanatı imzalayan, Azərbaycanın işğal altındakı 3 rayonunu döyüşsüz təslim edən Ermənistan əldə olunmuş razılığı pozur. Ermənistanın bu davranışı beynəlxalq hüquq normaları ilə ziddiyyət təşkil edən müharibə cinayətidir. Bütün bunlar bir daha Ermənistanın faşist ideologiyasına xidmət etdiyini təsdiqləyir. İnsan haqlarından danışan beynəlxalq təşkilatlar mütləq şəkildə bu hadisəyə sərt reaksiya göstərməlidirlər. İki jurnalistin xidməti vəzifə borcunu yerinə yetirərkən erməni terroruna məruz qalması bu ölkənin faşist ideologiyasına xidmət etdiyini növbəti dəfə təsdiqləyir. Minalanmış ərazilərin xəritələri Azərbaycana verilməlidir. Vətəndaşlarımızın minaya düşərək həlak olması Ermənistanın insanlığa qarşı cinayətidir”.
PƏRVİZ

Paylaş:
Baxılıb: 435 dəfə

Xəbər lenti

Hamısına bax

Siyasət

Siyasət

Xəbər lenti

Xəbər lenti

Sosial

Bayram sonrası....

28 Mart 11:23

Analitik

Siyasət

Siyasət

Siyasət

Xəbər lenti

Siyasət

Növbəti təxribat

28 Mart 10:05

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31