Oğuz-Qəbələ-Bakı su kəmərinin istismara verilməsi tarixi hadisədir

Bakı:

15°C

72%

4m/s

Əlaqə

AZ RU EN

Ana səhifə / Siyasət / Oğuz-Qəbələ-Bakı su kəmərinin istismara verilməsi tarixi hadisədir

Oğuz-Qəbələ-Bakı su kəmərinin istismara verilməsi tarixi hadisədir

30.12.2010 [10:00]

Paytaxt sakinləri sözügedən layihənin reallaşmasını yüksək qiymətləndirirlər
Məlum olduğu kimi, 28 dekabr 2010-cu il tarixində Azərbaycanda ən böyük infrastruktur layihələrindən biri - Oğuz-Qəbələ-Bakı su kəməri istifadəyə verilib. Mərasimdə Azərbaycan Respublikasının Prezidenti İlham Əliyev iştirak edib. Qeyd edək ki, sözügedən su kəməri paytaxtın içməli su ilə təminatı məqsədilə həyata keçirilmiş tarixi layihədir. Belə ki, ən böyük infrastruktur layihələrindən biri olan Oğuz-Qəbələ-Bakı su kəmərinin istifadəyə verilməsi Prezident İlham Əliyevin rəhbərliyi ilə həyata keçirilən sosial siyasət kursunun ən önəmli və fundamental cizgilərindən birini təşkil etməkdədir. Bu, eyni zamanda, vətəndaşların layiqli həyat şəraitinin təmin olunması və yaşayış səviyyəsinin yaxşılaşdırılması məqsədilə həyata keçirilən islahatlar və görülən tədbirlər sırasında mötəbər yerə sahibdir...
Vətəndaşlar da öz növbəsində Oğuz-Qəbələ-Bakı su kəmərinin istifadəyə verilməsini paytaxtın içməli su ilə təmin olunması istiqamətində atılmış tarixi əhəmiyyətli addım kimi qiymətləndirirlər. Mövqelərini öyrəndiyimiz Bakı şəhəri sakinlərinin yekun rəyləri bunu deməyə əsas verir...
Məsələn, paytaxt sakini Əli Bayramov qeyd edib ki, Oğuz-Qəbələ-Bakı su kəmərinin istifadəyə verilməsi Bakı sakinlərinin su ilə təminatında olduqca mühüm əhəmiyyət kəsb edir və bu, Abşerondakı su çatışmazlığı probleminin həll edilməsi yönündə atılası olduqca effektiv bir addımdır: “Bu, Prezident İlham Əliyevin vətəndaşların və ölkənin ümumi problemlərinin həlli istiqamətində atdığı addımlardan biridir. Bu məsələni birmənalı şəkildə məhz bu cür qiymətləndirmək olar”.
Bəhram Məmmədov isə bildirib ki, Oğuz-Qəbələ-Bakı su kəmərinin istifadəyə verilməsi çox mühüm tarixi hadisədir və Prezident İlham Əliyevin vətəndaşların problemlərinin həlli istiqamətində gördüyü əhəmiyyətli tədbirlərdəndir.
Rəfail Sadıqov isə qeyd edib ki, bu addım olduqca təqdirəlayiqdir və paytaxtın su ehtiyacının ödənilməsi istiqamətində atılmış tarixi bir addımdır.
Surayə Mikayilova isə sözügedən tarixi hadisəni məhz bu cür qiymətləndirib: “Buna görə biz Prezident İlham Əliyevə minnətdarıq. Düşünürəm ki, Oğuz-Qəbələ-Bakı su kəmərinin istifadəyə verilməsi paytaxtın su təminatında effektiv bir mexanizm olacaq”.
Cəfər Rüstəmov da bu tarixi hadisəni yüksək qiymətləndirdiyini bildirib: “Oğuz-Qəbələ-Bakı su kəmərinin istifadəyə verilməsi tarixi bir hadisədir”.
Faiq Atakişiyev isə deyib ki, Oğuz-Qəbələ-Bakı su kəmərinin istifadəyə verilməsi növbəti dəfə onu sübuta yetirdi ki, Prezident İlham Əliyev vətəndaşların başlıca problemlərinin həlli istiqamətində ciddi cəhdlə çalışmaqdadır.
NURLAN

Paylaş:

Baxılıb: 905 dəfə