Heydər Əliyev
yeni azerbaycan logo

Ana səhifə / Siyasət / Prezident Administrasiyasının şöbə müdiri Əli Həsənov Berlində səfərdə olub

Prezident Administrasiyasının şöbə müdiri Əli Həsənov Berlində səfərdə olub

11.06.2011 [09:49]

Almaniyanın qabaqcıl universitetlərindən biri olan Berlin Humboldt Universitetində fəaliyyət göstərən Azərbaycan tarixi kafedrasının işi ilə tanış olmaq, eləcə də universitetin tələbələri qarşısında ölkəmiz haqqında məruzə ilə çıxış etmək məqsədi ilə Azərbaycan Respublikası Prezidenti Administrasiyasının ictimai-siyasi məsələlər şöbəsinin müdiri, professor Əli Həsənov iyunun 8-dən 12-dək Berlində səfərdə olub.
İyunun 9-da Humboldt Universitetində Almaniya ictimaiyyətinin və Azərbaycan diasporu nümayəndələrinin iştirakı ilə təşkil olunmuş görüşdə Əli Həsənov “Azərbaycanın müasir inkişafı: Mövcud vəziyyət və perspektivlər” mövzusunda geniş məruzə ilə çıxış edib, iştirakçıların çoxsaylı suallarını cavablandırıb.
Professor Əli Həsənov dünən Humboldt Universitetində Azərbaycan tarixini öyrənən tələbələr qarşısında “Cənubi Qafqaz, mövcud geosiyasi vəziyyət və Azərbaycan” mövzusunda ikinci məruzə ilə çıxış edib, dinləyiciləri maraqlandıran çoxsaylı suallara cavab verib. Sonra şöbə müdiri Azərbaycan tarixi kafedrasına, universitetin arxivi və kitabxanasına baş çəkib, onların fəaliyyəti ilə tanış olub.
Səfər proqramı çərçivəsində Əli Həsənov Berlində Almaniya Bundestaqının üzvü Philipp Misfelder ilə görüşüb, Almaniya ilə Azərbaycan arasında münasibətlərin hazırkı vəziyyəti və gələcək inkişaf yollarını müzakirə edib. Şöbə müdiri, həmçinin, Berlindəki Almaniya Azərbaycanlılarının Koordinasiya Mərkəzinə baş çəkib, Mərkəzin fəaliyyəti ilə tanış olub, tövsiyələrini verib.
Azərbaycanın Almaniyadakı səfiri Pərviz Şahbazov görüşlərdə iştirak edib.
Şöbə müdiri Əli Həsənov ölkəmizin Almaniyadakı səfirliyində olub, səfirliyin kollektivi ilə geniş tərkibdə görüş keçirib, Azərbaycan dövlətinin xarici siyasətinin həyata keçirilməsi istiqamətində qarşıya qoyulmuş vəzifələr və bu istiqamətdə görüləcək işlərlə bağlı bir sıra tövsiyələr verib.

Paylaş:
Baxılıb: 815 dəfə

Xəbər lenti

Hamısına bax

YAP xəbərləri

İqtisadiyyat

Siyasət

Siyasət

Mədəniyyət

MEDİA

Analitik

Ədəbiyyat

Sosial

İqtisadiyyat

YAP xəbərləri

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30