Bakı Dövlət Universitetinin rektoru akademik Abel Məhərrəmova KİV-in "Xüsusi rəğbət" mükafatı təqdim olunub

Bakı:

7°C

93%

0m/s

AZ RU EN

Ana səhifə / Siyasət / Bakı Dövlət Universitetinin rektoru akademik Abel Məhərrəmova KİV-in "Xüsusi rəğbət" mükafatı təqdim olunub

Bakı Dövlət Universitetinin rektoru akademik Abel Məhərrəmova KİV-in "Xüsusi rəğbət" mükafatı təqdim olunub

13.07.2011 [11:33]

Dünən Bakı Dövlət Universitetinin (BDU) rektoru, Milli Məclisin deputatı, akademik Abel Məhərrəmova kütləvi informasiya vasitələri (KİV) ilə səmərəli əlaqələrinə görə “Xüsusi rəğbət” mükafatı təqdim olunub.
Azərbaycan Milli Mətbuatının 136-cı ildönümü münasibətilə təsis olunmuş mükafat hər il Azərbaycanda elm və təhsilin inkişafında, elmi nailiyyətlər qazanılmasında və ixtiralar edilməsində, dünyəvi düşüncənin təbliğində, yeni texnologiyaların tətbiqində, müxtəlif sosial qrupların maraqlarının müdafiə edilməsində və layiqincə təmsil edilməsində, ölkənin müstəqilliyinin möhkəmlənməsində və tanıdılmasında ciddi rolu olan, bütün bunlarla yanaşı, KİV ilə effektiv əlaqələr qurmuş tanınmış şəxslərə veriləcək.
Mükafatın ilk sahibi olan A.Məhərrəmov bu ada Azərbaycanda elm və təhsilin inkişafındakı xidmətlərinə, rektor kimi tələbələrin hüquqlarının müdafiəsində və şəraitlərinin yaxşılaşdırılması yönündə ciddi fəaliyyətinə, respublikanın ali məktəblərində innovasiyaların, nanotexnologiyaların tətbiqi, texnoparkların yaradılması üçün irəli sürdüyü təşəbbüslərə, Milli Məclisdə elm və təhsil işçilərinin sosial məsələləri müzakirə edilərkən nümayiş etdirdiyi mövqeyə, Azərbaycan ziyalılarının beynəlxalq imicinin möhkəmlənməsindəki roluna və KİV ilə effektiv əlaqələrinə görə layiq görülüb.
Təqdimetmə mərasimində Azərbaycanın görkəmli elm xadimləri və Milli Məclisin deputatları iştirak ediblər.
BDU-nun rektorunun fəaliyyətindən bəhs edən filmin nümayişindən sonra İctimai Televiziya və Radio Yayımları Şirkəti Yayım Şurasının sədri Cahangir Məmmədli Abel Məhərrəmova “Xüsusi rəğbət” mükafatını və diplomu təqdim edib.
Mərasimdə çıxış edən AMEA-nın birinci vitse-prezidenti, akademik Arif Həşimov, Yeni Azərbaycan Partiyası (YAP) Sədrinin müavini-İcra katibi, Milli Məclisin deputatı Əli Əhmədov, təhsil nazirinin müavini Elmar Qasımov və başqaları qalibi təbrik edib, onun ünvanına xoş sözlər söyləyiblər.
Sonda çıxış edən A.Məhərrəmov onu bu məsuliyyətli mükafata layiq gördükləri üçün bütün media nümayəndələrinə təşəkkürünü bildirib. Qeyd edib ki, həm onun, həm də medianın fəaliyyəti bir məqsədə - azərbaycançılığa xidmət edir və bu istiqamətdə sıx əlaqələrin davam edəcəyinə əmindir.

Paylaş:

Baxılıb: 888 dəfə