Əli Həsənov: Jurnalistlər üçün tikiləcək bina qarşıdan gələn 24-26 ay müddətində tam istifadəyə veriləcək

Bakı:

26 °C

69 %

9 m/s

AZ RU EN

Ana səhifə / Siyasət / Əli Həsənov: Jurnalistlər üçün tikiləcək bina qarşıdan gələn 24-26 ay müddətində tam istifadəyə veriləcək

Əli Həsənov: Jurnalistlər üçün tikiləcək bina qarşıdan gələn 24-26 ay müddətində tam istifadəyə veriləcək

21.07.2011 [01:07]

“ötən 20 il müddətində Azərbaycan mediası sözün həqiqi mənasında ciddi inkişaf yolu keçib və öz dəsti xəttini qazanıb”. “SİA”nın xəbərinə görə, bunu Prezident Administrasiyasının İctimai-siyasi məsələlər şöbəsinin müdiri Əli Həsənov deyib.
“Bir tərəfdən media respublika ictimaiyyətini Azərbaycan və onun ətrafında cərəyan edən proseslərlə tanış edib. Digər tərəfdən Azərbaycan həqiqətlərini, problemlərini, dərdlərini, işğal olunan torpaqlarla bağlı, o cümlədən qaçqın və məcburi köçkünlərin problemləri ilə bağlı məsələlərin işıqlandırılmasında, dünya ictimaiyyətinə çatdırılımasında, sözün həqiqi mənasında dövlətin yaxın köməkçisi olub. Ona görə də biz medianın inkişafını Azərbaycan dövlətinini inkişafından ayrı təsəvvür edə bilmirik. Eyni zamanda dövləti, onun daxili, xarici siyasətini də media olmadan bu gün təsəvvür etmək çox çətindir. Medianın inkişafı bütövlükdə dövlətin inkişafına, dövlətin inkişafı isə medianın inkişafına xidmət edir”, - deyə o, əlavə edib.
PA rəsmisi bildirib ki, jurnalistlər söz və mətbuat azadlığı prinsiplərini rəhbər tutaraq fəaliyyət göstərdikləri zaman, eləcə də vətənpərvərlik hissini unutmamalı, ayrı-ayrı ölkələrin Azərbaycanla bağlı qaranlıq məqsədlərinə və qaranlıq fəaliyyətinə dəstək olmamalıdırlar: “Keçid dövrü yaşayan ölkələrin əksəriyyətində bu hallar olur, eyni zamanda bizdə də olub və görünür ki, gələcəkdə də olacaq. Əsas odur ki, bu tendensiya təşkil etməməli, kütləvi şəkil almamalıdır. Azərbaycan jurnalistikasında çalışan insanlar peşəkar olduqları kimi də vətənpərvər olmalıdırlar”.
Jurnalistlər üçün tikiləcək binanın inşaatı ilə bağlı lazımı sənədləşmə işlərinin getdiyini deyən Ə.Həsənovun sözlərinə görə, yaxın müddət ərzində tenderin nəticələri elan olunduqdan sonra binanın tikintisini aparacaq firma da bəlli olacaq: “Yəqin ki, qarşıdan gələn 24-26 ay müddətində bina tam istifadəyə veriləcək”.
Azərbaycan Prezidenti Administrasiyasının şöbə müdiri həmçinin “Diffamasiya haqqında” qanun layihəsinin qəbul edilməsinin gecikdirilməsi ilə bağlı dərc olunan xəbərlərə də aydınlıq gətirib: “Heç nə yubadılmır. Milli Məclisin payız sessiyasında “Diffamasiya haqqında” qanun layihəsinin müzakirəsi keçirələcək”.

Paylaş:

Baxılıb: 1136 dəfə