Aİ-nin “öldürücü olmayan silah”lar manipulyasiyası

Bakı:

24 °C

49 %

1 m/s

Əlaqə

AZ RU EN

Ana səhifə / Siyasət / Aİ-nin “öldürücü olmayan silah”lar manipulyasiyası

Aİ-nin “öldürücü olmayan silah”lar manipulyasiyası

06.04.2024 [10:50]

Fransanın Ermənistana ötürdüyü silahlar öldürücü mahiyyət daşıyır

Dünyanın ən yüksəkgəlirli, amma qaranlıq biznesi sayılan silah alveri siyasi güclərin əsas manipulyasiya alətlərindəndir. Başqa sözlə, dünyada müharibələrin, kataklizmlərin, qarşıdurmaların yaşanmasını “ən çox arzulayanlar” məhz bu sahəyə “iqtisadi gəlir mənbəyi” kimi baxan güclərdir. Dünyada baş verən müharibələr silah biznesinin tərəflərini maraqlandıran ən mühüm amildir - bu baxımdan da, silahların əsas funksiyası müdafiə refleksinin artırılmasından daha çox iqtisadi gəlirlə izah olunur.

Xüsusilə, geniş silah satışı ilə məşğul olan ölkələr öz iqtisadi maraqlarını təmin etmək üçün bir çox coğrafiyalarda kataklizmləri körükləyir. Aİ bu məsələdə hər zaman “seçilir” - nəzərə alsaq ki, “köhnə qitə”nin bəzi dövlətləri silah biznesinin əsas tərəfləridir, onlar özlərinin əsas məramlarını pərdələmək üçün bir çox yollara əl atırlar. Məsələn, Ermənistanı silahla təchiz edən Fransa bu qeyri-qanuni fəaliyyətini ört-basdır etmək üçün min bir yalan danışır. Aİ-nin Ermənistandakı səfiri Vasilis Maraqos da Avropa İttifaqının Ermənistanla hərbi-texniki əməkdaşlığı inkişaf etdirmək və onu öldürücü olmayan silahlarla təmin etmək niyyətində olduğunu deyib: “Aİ Ermənistan silahlı qüvvələrinə öldürücü olmayan silahlar baxımından dəstək vermək niyyətindədir, imkanları gücləndirə bilmək üçün əhəmiyyətli dəstəkdən söhbət gedir. Söhbət Avropa Sülh Mexanizmi çərçivəsindən gedir”.

İlk olaraq vurğulayaq ki, ölümcül olmayan silahlar anlayışı əsasən septik yanaşma sayılır. O baxımdan ki, guya həmin silahlar şəxsi heyəti və ya canlıları zərərsizləşdirmək, öldürücü təsiri minimuma endirmək və ətraf mühitə, canlılara arzuolunmaz təsirlərin qarşısını almaq üçün nəzərdə tutulmuş silahlar kimi müəyyən edilir. Amma əslində bu da öldürücü silahdır - sadəcə, burada itkiləri “minimuma” salmaq kimi bir “göstərici” önə sürülür ki, bu da Ermənistan üçün yad xüsusiyyətdir. Birinci Qarabağ müharibəsinin xronologiyasında Xocalı soyqırımı, İkinci Qarabağ müharibəsi zamanı isə xain Gəncə hücumu Ermənistanın əsl simasını ortaya qoyan sübutlardır.

Qeyd edək ki, Fransanın Ermənistana ötürdüyü silahlar heç də “öldürücü olmayan” silahlar da sayıla bilməz. Fransanın Ermənistana verdiyi “Arquus” qrupunun istehsalı olan “Bastion” tipli zirehli texnika, MISTRAL 3 zenit-raket kompleksləri və başqa silahlar kifayət qədər öldürücü mahiyyətə malikdir.

Eyni mahiyyət Hindistanın əli ilə Ermənistana çatdırılan Fransa silahlarına da şamil olunur - özünün ixrac etdiyi və istehsalçısı olduğu, amma Hindistanın əli ilə Ermənistana çatdırılan silah-sursatın verilməsinin əsl məqsədi də məhz öldürməkdir. Söhbət əsasən “Pinaka” raket sistemlərinin və onların sursatlarının, eləcə də tank əleyhinə digər silahların satışından gedir.

Mövzu ilə bağlı fikirlərini bölüşən hərbi ekspert, “Tərxis Olunmuş Hərbçilərin Gəncləri Maarifləndirmə” İctimai Birliyinin sədri Emin Həsənli bildirib ki, silah anlayışında öldürücü olmayan xarakter mümkün deyil: Silahın ilkin mahiyyəti, funksiyası məhz sıradan çıxarmaq, öldürmək və zərərsizləşdirməkdir. Bu mənada, Aİ rəsmisinin açıqlaması məntiqsiz və xüsusi maraq çərçivəsindədir. Çünki insanı nəikni raket və ya güllə ilə, hətta soyuq silahla da öldürmək mümkündür. Əgər, burada özünümüdafiə məsələsinə istinad edirsə, yenə də səhvə yol verir. Çünki özünümüdafiə silahları da dağıdıcı, öldürücü mahiyyətə malikdir”.

Hərbi ekspert Fransanın timsalında Ermənistanın aktiv şəkildə silahlandırılmasını Aİ-nin bölgədə yeni eskalasiya arzusundan doğduğunu dilə gətirib. Onun fikrincə, səfir Maraqos bunu gizlətmək üçün təmsil etdiyi strukturun Ermənistanla bağlı planlarını fərqli istiqamətlərdə izah etmək istəyir. “Ermənistan üzərindən fərqli planlar quran təsisatlar və ölkələr bilməlidirlər ki, onlar hər hansı bir uğur qazanmaq iqtidarında deyillər. Bu gün bölgədə yeni siyasi-hərbi reallıqlar formalaşıb və bu reallıqların fonunda Ermənistanın atacağı qeyri-adekvat addımlar onun özünün əleyhinə yönələcək. Ermənistan anlamalıdır ki, silahlanma hər şey demək deyil. Regionda eskalasiya arzusunda olanlar birmənalı şəkildə bunun mümkünsüzlüyünü başa düşməlidirlər”, - deyə E.Həsənli deyib.

S.İSMAYILZADƏ

Paylaş:

Baxılıb: 598 dəfə